14:40 13 դեկտեմբերի 2019
Ուղիղ եթեր
  • USD477.71
  • GBP629.96
  • EUR531.55
  • RUB7.56
Զարուհի Բաթոյան

Ծայրահեղ աղքատ ընտանիքներին աջակցություն տրամադրելու հարցը կլուծվի․ Զարուհի Բաթոյան

© Sputnik / Aram Nersesyan ,
Հասարակություն
Ստանալ կարճ հղումը
63 0 0

Բնակչության պետական ռեգիստրում հաշվառում չունեցող ընտանիքներին սոցիալական աջակցության պետական ծրագրերից օգտվելու նախագիծը կքննարկեն կառավարությունում։

ԵՐԵՎԱՆ, 14 սեպտեմբերի — Sputnik. Եկող շաբաթ կառավարության նիստի օրակարգում կընդգրկվի որոշման նախագիծ՝ ամենաանապահով ընտանիքների և անձանց կյանքում երկար սպասված փոփոխությունը բերելու նպատակով: Facebook սոցիալական ցանցի իր էջում այս մասին գրել է ՀՀ աշխատանքի և սոցիալական հարցերի նախարար Զարուհի Բաթոյանը։

Թոշակառուները բողոքում են, որ իրենցից գումար են պահում. Բաթոյանը դիմել է «Հայփոստի» ղեկավարին

«Նախագծով առաջարկվում է հնարավորություն տալ որոշակի բնակության վայր և բնակչության պետական ռեգիստրում հաշվառում չունեցող ընտանիքներին սոցիալական աջակցության պետական ծրագրերից օգտվելու համար։ Այսինքն` գրանցում չունեցողները նույնպես կկարողանան ստանալ ընտանեկան, սոցիալական նպաստ և հրատապ օգնություն»,–հայտնում է նա։

Նախարարի խոսքով` նախագծով նախատեսվում է նաև պարզեցնել համակարգում հաշվառված ընտանիքների բնակության վայրի փոփոխության ընթացակարգերը։ Սրանով, ըստ նրա, կլուծվի հատկապես ծայրահեղ աղքատ ընտանիքներին աջակցություն տրամադրելու հարցը։ Նրանցից շատերը, Բաթոյանի հավաստմամբ, ապրում են առանց հաշվառման, նույնիսկ բնակության համար չնախատեսված կառույցներում, ամենից շատ են զգում աջակցության կարիք, սակայն դուրս են մնում պետության հոգածությունից:

Արդյունք կտա՞ նպաստների վերաբերյալ նախագիծը. տնտեսագետի կարծիքը. տեսանյութ

«Այսուհետ նրանք ևս կընդգրկվեն նպաստի համակարգում, իսկ մեր աջակցությունը կդառնա ավելի հասցեական»,– գրել է նա:

Հիշեցնենք, որ 2019–ին նպաստառու ընտանիքների միջին ամսական թիվը կազմում է 99 900, որից սոցիալական նպաստ ստացող ընտանիքների թիվը 26 799 է, իսկ երեխա ունեցող ընտանեկան նպաստ ստացող ընտանիքների թիվը` 73 101: 2019 թվականի համար 37,7 մլրդ դրամի նպաստ է նախատեսվել:

Պայմանական նպաստ. նոր նախագիծը լուծո՞ւմ է հարցը, թե՞ ձգձգում

Ըստ թեմայի

Ֆեյք թոշակառուներ ու նպաստառուներ. ինչպես է բարեփոխվելու սոցիալական ապահովության համակարգը
Կառավարությունն ավելացնում է դայակներին տրամադրվող պետական աջակցությունը
Մտավոր սահմանափակումներով հայ մարզիկները պատվոգրեր ստացան ԱՄԷ դեսպանից
թեգերը:
Նպաստ, Զարուհի Բաթոյան, Հայաստան

Գլխավոր թեմաներ