04:54 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
Արարատյան հայրապետական թեմի երիտասարդները օրհնած խաչեր և աղոթաթերթեր են բաժանում վարորդներին

Աչքի հուլունքները փոխեցին օրհնված խաչերով. երիտասարդները երթուղայիններում խաչեր են բաժանել

© Photo: Facebook / Սբ. Երրորդություն եկեղեցի
Հասարակություն
Ստանալ կարճ հղումը
52 0 0

Երևանում անցկացվեց Խաչվերացի տոնին նվիրված «Խաչի քարոզ» ամենամյա ծրագիրը: Այս տարի ծրագրի նախաձեռնության հեղինակները ընդլայնել են ակցիայի իրականացման տարածքը, նրանք օրհնված խաչեր են բաժանել նաև միջքաղաքային երթուղու վարորդներին։

ԵՐԵՎԱՆ, 15 սեպտեմբերի- Sputnik. Արարատյան հայրապետական թեմի երիտասարդները հանրային տրանսպորտի վարորդներից հավաքեցին  մեքենաներում կախված «աչքի հուլունքները», փոխարենը` նրանց բաժանեցին օրհնած խաչեր և աղոթաթերթեր: Այս մասին տեղեկացնում են Արարատյան Հայրապետական թեմի տեղեկատվական բաժնից:

Նշվում է, որ թեմի երիտասարդական կառույցների անդամներն առաջնորդանիստ Սուրբ Սարգիս եկեղեցում մասնակցել են ընդհանրական աղոթքի, ապա օրհնված խաչեր ու աղոթաթերթեր բաժանել միջքաղաքային տրանսպորտի վարորդներին՝ նրանցից վերցնելով «աչքի հուլունքները»:

Молодежное движение Араратской патриаршей епархии ААЦ провело ежегодную акцию “Проповедь креста” (15 сентября 2019). Еревaн
Արարատյան հայրապետական թեմի երիտասարդները օրհնած խաչեր և աղոթաթերթեր են բաժանում վարորդներին

Խաչվերացի տոնի առիթով անցկացվող «Խաչի քարոզ» ծրագիրն անցկացվում է վեցերորդ անգամ:

Նախկինում թեմի երիտասարդները ծրագիրն իրականացնում էին մեկ վայրում և միայն Երևանի տրանսպորտային միջոցների համար։ Այս անգամ երևանյան երթուղայիններից բացի, ակցիան անցկացվեց ևս երեք միջքաղաքային երթուղիների կայանատեղիներում` Երևանի Կիլիկա, Սասունցի Դավթի ու Հյուսիսային ավտոկայաններում:

Հիշեցնենք, որ այսօր` սեպտեմբերի 15-ին, Հայ առաքելական եկեղեցին տոնում է հինգ տաղավար տոներից վերջինը՝ Խաչվերացը։

Խաչվերացը հնուց ի վեր հայ ժողովրդի համար ամենակարևոր տոներից է եղել։ Ինչպես յուրաքանչյուր ժողովրդական տոն, Խաչվերացը նույնպես համընկնում է տնտեսական տարվա որոշակի փուլի, մասնավորաբար՝ բերքահավաքի ավարտին և աշնանացանին։ Արարատյան հայրապետական թեմի կայքում հետաքրքիր մանրամասներ են գրված այս տոնի մասին։

Նշենք, որ հայ առաքելական սուրբ եկեղեցու բոլոր հինգ տաղավար՝ Սուրբ Ծնունդ և Մկրտություն, Սուրբ Հարություն, Պայծառակերպություն՝ Վարդավառ, Աստվածածնի Վերափոխման տոն, Խաչվերաց տոներին հաջորդող օրը մեռելոց է` հանգուցյալների հիշատակության օր:

Ըստ թեմայի

Արագած լեռան վրա արջի հարձակման զոհ դարձած երիտասարդը 33 տարեկան էր. նոր մանրամասներ
Խոշոր վթար «Դալմա Գարդեն մոլի» մոտ. բախվել է 4 մեքենա, տուժածների թվում երեխաներ կան
Սպիտակ արջը ջախջախիչ պարտության մատնեց Բելառուսի ներկայացուցչին
Ալեքսանյանը չեմպիոնական ճանապարհին. նա հաղթել է բելառուս, ֆին, թուրք և իրանցի մրցակիցներին
թեգերը:
երթուղի, օրհնված խաչ, Խաչվերաց, հայեր, հայ, Հայաստան

Գլխավոր թեմաներ