11:21 20 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Մանկատուն

Մոլորություն է, թե գիշերօթիկը միայն քնելու տեղ է. Գևորգ Պետրոսյանը` դպրոցների փակման մասին

© Sputnik / Aram Nersesyan ,
Հասարակություն
Ստանալ կարճ հղումը
81 0 0

ԲՀԿ խմբակցության պատգամավոր Գևորգ Պետրոսյանը Sputnik Արմենիայի հետ զրույցում խոսում ավանդական արժեքների, ընտանիքի դեմ ուղղված բացասական երևույթների մասին:

ԵՐԵՎԱՆ, 16 սեպտեմբերի — Sputnik. ՀՀ ԱԺ «Բարգավաճ Հայաստան» խմբակցության պատգամավոր, նախկին սոցապ նախարար Գևորգ Պետրոսյանի համար գիշերօթիկ դպրոցների լուծարման որոշումն ու գործընթացը խիստ մտահոգիչ երևույթ է։

Sputnik Արմենիայի «Հակահարված» հաղորդման շրջանակում պատգամավորը նկատում է, որ գիշերօթիկների փակումը մի քանի խնդիր է բերում: «Նախ՝ աշխատողների զբաղվածության հարցը: Կառավարությունը, որ այդքան ասում է՝ մենք աշխատատեղ կրճատող չենք, ստեղծող ենք, սո՛ւտ է: Ինչի՞ մասին է խոսքը: Որտեղ լսում ես՝ կրճատում է, ընդ որում, ոչ միայն պետական հիմնարկներում»,–ասում է Պետրոսյանը:

Պատգամավորի խոսքով` մոլորության մեջ են այն մարդիկ, որոնք կարծում են, թե գիշերօթիկը, մանկատունը միայն քնելու տեղեր են. դրանք կրթօջախներ են: «Շատ երևելի քաղաքացիներ ունենք, որ մեծացել են մանկատանը կամ գիշերօթիկ դպրոց են ավարտել: Ու չի կարելի այդպես հեգնանքով խոսել այդ հաստատությունների մասին»,–նկատում է նախկին սոցապ նախարարը:

Գևորգ Պետրոսյանը նշում է, որ ոչ մեկը լավ օրից չէ իր երեխային գիշերօթիկ տանում: Ինքն էլ կցանկանար, որ մեր երկրում գիշերօթիկ դպրոցներ չլինեին, բայց ոչ թե այն իմաստով, որ այսօր լուծարենք այդ կրթօջախները, այլ այն առումով, որ այդպիսի կարիքավոր ընտանիքներ ու երեխաներ չլինեին: Պետրոսյանն ընդգծում է, որ պետք է փորձել հասկանալ մարդկանց, մտնել նրանց վիճակի ու դրության մեջ, այլ ոչ թե փորձել ամեն գնով տեղայնացնել ինչ-որ կասկածելի արժեքներ ու կողմնորոշիչներ:

«Մենք չգիտենք` երեխային գիշերօթիկից հանելը նրա ճակատագրի վրա դրակա՞ն, թե՞ բացասական ազդեցություն է ունենալու»,-նշում է պատգամավորը և հավելում, որ գիշերօթիկ կրթօջախների հարցով, անպայման, հանրային լսումներ են պետք:

Գևորգ Պետրոսյանն անդրադառնում է նաև ավանդական արժեքների, ընտանիքի դեմ ուղղված երևույթներին, ԱԺ-ում հայտնված «օրենսդրական պլանկտոնին», այսինքն՝ պատգամավորի մանդատ ստացած այն շրջանակին, որ որոշակի առումով ակամայից է հայտնվել խորհրդարանում և պատգամավորական աշխատանքով զբաղվելու ձգտում չի դրսևորում:

Ավելի մանրամասն՝ տեսանյութում:

 

 

Ըստ թեմայի

ՍՕՍ մանկական գյուղեր. ինչո՞վ են դրանք տարբերվում մանկատներից
Մանկատան տղային գտել են. ինչո՞ւ էր Հովհաննեսը Գավառից հասել Երևան
Գյումրու մանկատան բակում հայտնաբերված փոքրիկները վերադարձել են ընտանիք
թեգերը:
Բարգավաճ Հայաստան կուսակցություն (ԲՀԿ), Պատգամավոր, Գևորգ Պետրոսյան, երեխա, մանկատուն, գիշերօթիկ, Հայաստան

Գլխավոր թեմաներ