04:51 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
Վահարան

Հազվագյուտ ձեռագրեր, բացառիկ նկարներ. 10 տարի հիմնանորոգված Վեհարանը շատերին կզարմացնի

© Sputnik / Aram Nersesyan
Հասարակություն
Ստանալ կարճ հղումը
21330

Վեհարանի բոլոր սրահները նորոգվել, կահույքով են համալրվել, ինչպես նաև նոր` 650 հոգանոց հանդիսությունների սրահ է բացվել։

ԵՐԵՎԱՆ, 18 սեպտեմբերի — Sputnik. Շուրջ 10 տարվա հիմնանորոգման աշխատանքներից հետո Մայր Աթոռ Սուրբ Էջմիածնում այսօր կվերաբացվի Վեհարանը` Ամենայն Հայոց Կաթողիկոսների նստավայրը։ Վեհարանում` արդեն իսկ վերանորոգված սրահներում այցելուները կարող են տեսնել հազվագյուտ ձեռագրեր, սրահների պատերին արված յուրահատուկ փորագրություններ, Այվազովսկու, Մինասի բացառիկ նկարները, առաստաղին արված ձեռագիր քարտեզ, կրոնական արժեքավոր ու եզակի նմուշներ։ Լրագրողների հետ զրույցում Ամենայն Հայոց Կաթողիկոս Ն.Ս.Օ.Տ.Տ Գարեգին Բ-ն նշեց, որ Էջմիածինը համայն հայության նվիրական սրբավայրն է, և դարերի ընթացքում մշտապես վերակառուցվել է։

«Շնորհիվ ազգային բարերար Սամվել Կարապետյանի, հնարավորություն ունեցանք հիմնանորոգել Վեհարանը։ Այն գրեթե մեկ դար առաջ է կառուցվել` Ալեքսանդր Մանթաշյանի նվիրատվությամբ։ Սակայն երկար ժամանակ Վեհարանը գործածվել է որպես զինվորական հոսպիտալ, և միայն 1962թ–ին Վազգեն Վեհափառի ջանքերով հնարավոր եղավ շինությունը Էջմիածնին վերադարձնել»,–ասաց նա։

Գարեգին Բ–ն հայտնեց, որ Վեհարանի դռները բաց են լինելու և յուրաքանչյուրն ազատ ելումուտ է ունենալու ինչպես այնտեղ, այնպես էլ Հայոց Հայրապետի մոտ։ Նա հույս հայտնեց, որ առաջիկայում այն եկեղեցիները, որոնք նորոգության կարիք ունեն, կվերականգնվեն ու կհիմնանորոգվեն։

Մայր Աթոռի թանգարանների և արխիվի տնօրեն Ասողիկ աբեղա Կարապետյանի խոսքով` հիմնանորոգվել ու կահավորվել են Վեհարանի բոլոր սրահները, կառուցվել է 650 և ավելի տեղ ունեցող հանդիսությունների սրահ։ Սրահում, ըստ նրա, կլինեն սիմֆոնիկ համերգներ, համաժողովներ։

Ուշագրավ բացահայտումներ` Էջմիածնի վերականգնվող Մայր տաճարում. ինչո՞վ կզարմացնի Մայր Աթոռը

«Վեհարանի գրադարանում 1000 ձեռագիր մատյաններ են պահվում, իսկ գրադարանի առաստաղը զարդարված է յուրօրինակ քարտեզով։ Քարտեզի բնօրինակն այժմ պահվում է Իտալիայի Բոլոնյա քաղաքի գրադարանում։ Քարտեզը մեզ համար յուրահատուկ է, քանի որ այն ներկայացնում է 17-18–րդ դարերում Հայկական լեռնաշխարհում առկա հայոց վանքերն ու կալվածքները»,–ասաց նա։

Մայր Աթոռի վարչատնտեսական բաժնի տնօրեն Մուշեղ եպիսկոպոս Բաբայանն էլ հայտնեց, որ սրահներում ներկայացված է օրինակ` Մինասի` հրդեհված արվեստանոցից պահպանված եզակի նկար, որը նա նվիրել էր Վազգեն Առաջինին։ Բացի այդ, կա Այվազովսկու առաջին նկարը, որը նկարիչը հայերենով` «Այվազյան» է մակագրել։

«Ասորական եկեղեցու խաչն ու սրբապատկերներն այրել են». բաց նամակ Փաշինյանին ու Գարեգին Բ–ին

«Վեհարանում է նաև թանգարանը, որտեղ ցուցադրված են բացառիկ նմուշներ, օրինակ` Ստեփան Ներսիսյանի նկարած Մեսրոպ Մաշտոցի պատկերը, որը բոլորին հայտնի է «Այբբենարաններից»։ Այստեղ է նաև ոսկեձույլ հայոց այբուբենը, ոսկեձույլ ծաղկած խաչը»,–ասաց նա։

Ի դեպ, Վեհարանի հիմնանորոգման ճարտարապետը` Աշոտ Արշակյանն է։

  • Վեհարանի վերանորոգված սրահներից
    Վեհարանի վերանորոգված սրահներից
    © Sputnik / Aram Nersesyan
  • Մուշեղ եպիսկոպոս Բաբայանը և Ասողիկ քահանա Կարապետյանը
    Մուշեղ եպիսկոպոս Բաբայանը և Ասողիկ քահանա Կարապետյանը
    © Sputnik / Aram Nersesyan
  • Վեհարանի գրադարանի առաստաղը զարդարող յուրօրինակ քարտեզը
    Վեհարանի գրադարանի առաստաղը զարդարող յուրօրինակ քարտեզը
    © Sputnik / Aram Nersesyan
  • Հովհաննես Այվազովսկու նկարներից
    Հովհաննես Այվազովսկու նկարներից
    © Sputnik / Aram Nersesyan
  • Գարեգին Բ
    Գարեգին Բ
    © Sputnik / Aram Nersesyan
  • Ոսկեջուր այբուբենն ու ծաղկած խաչը Վեհարանում
    Ոսկեջուր այբուբենն ու ծաղկած խաչը Վեհարանում
    © Sputnik / Aram Nersesyan
  • Մեսրոպ Մաշտոցի դիմանկարը Վեհարանում
    Մեսրոպ Մաշտոցի դիմանկարը Վեհարանում
    © Sputnik / Aram Nersesyan
  • Ասողիկ քահանա Կարապետյան
    Ասողիկ քահանա Կարապետյան
    © Sputnik / Asatur Yesayants.
  • Խորհրդային Հայաստանի զինանշանը
    Խորհրդային Հայաստանի զինանշանը
    © Sputnik / Aram Nersesyan
  • Մինասի կտավներից
    Մինասի կտավներից
    © Sputnik / Aram Nersesyan
1 / 10
© Sputnik / Aram Nersesyan
Վեհարանի վերանորոգված սրահներից

Ըստ թեմայի

Ուսումնասիրվում են պատմական փաստերը. Հայ եկեղեցին պատասխանել է ասորական համայնքին
Սիրո միաբանության գլխավոր միանձնուհու խոստովանությունը Ամենայն Հայոց Կաթողիկոսին
Ուշագրավ բացահայտումներ` Էջմիածնի վերականգնվող Մայր տաճարում. ինչո՞վ կզարմացնի Մայր Աթոռը
Հավատացյալներին եկեղեցիներում օրհնված խաղողի ողկույզներ բաժանեցին` ի նշան բերքի առատության
թեգերը:
Վեհարան, Էջմիածին, Մայր տաճար, Հայաստան

Գլխավոր թեմաներ