11:40 15 հոկտեմբերի 2019
Ուղիղ եթեր
  • USD476.44
  • GBP598.27
  • EUR525.85
  • RUB7.42
Դպրոցականներ, արխիվային լուսանկար

Փորձնական նախագիծ Վանաձորում. ինչու դպրոցականներին չեն կարողանում կտրել դասից

© Sputnik / Asatur Yesayants
Հասարակություն
Ստանալ կարճ հղումը
252410

Ուսումնական փորձնական ծրագիրը կօգնի, որ երեխաներն արդեն 6-7–րդ դասարաններում պարզ ալգորիթմներ կազմեն համակարգչային խաղերի համար, իսկ 9-րդ դասարանն ավարտելիս կտիրապետեն Html և Python լեզուներին։

ԵՐԵՎԱՆ, 19 սեպտեմբերի –Sputnik, Արամ Գարեգինյան. Ինչ կլինի, եթե 11-րդ դասարանցուն նստեցնես համակարգչի դիմաց և միացնես C++–ը։

Անկեղծ ասած`դժվար թե հրաշք տեղի ունենա։ Եթե նախկինում նա երբեք ծրագրավորմամբ չի զբաղվել, ապա հավանականությունը քիչ է, որ կյուրացնի լեզուն։ Գուցե էկրանին տեսնելով անվերջանալի «if», «typeid» և «namespace» բառերը, երեխան կսկսի երկմտել. «Եթե այս ամենը պետք է սովորել, ճի՞շտ եմ արել, որ որոշել եմ ծրագրավորող դառնալ»։

«Այդ պատճառով հնարավորինս վաղ տարիքում պետք է երեխաներին հասկացնել, թե ինչ է անում ծրագրավորողը»,– ընդգծում է վանաձորցի երիտասարդ ուսուցիչ Եղիշե Սաֆարյանը։

Սիսիանցի դպրոցականը մեքենա է հավաքել, անունն էլ դրել` «Хищник». տեսանյութ և լուսանկարներ

Եղիշեն իր գործընկերների հետ Վանաձորի տեխնոլոգիական կենտրոնի (VTC) աջակցությամբ ինֆորմատիկայի խորացված ուսումնական ծրագիր է մշակել։ Համեմատության համար նշենք, որ այսօր 6-րդ դասարանում ինֆորմատիկայի դասաժամերին երեխաները սովորում են նկարել Paint ծրագրով և սկսում են ուսումնասիրել Word–ը, 7-ում սովորում են Word և Excel ծրագրերը, 8-ում` CorelDraw և Access, 9-ում ուսումնասիրում են Photoshop–ն ու ընդհանուր պատկերացում են ստանում ալգորիթմների մասին։

Пособие по новому, углубленному изучению программирования в школах Армении
© Sputnik / Aram Gareginyan
Ծրագրավորման ձեռնարկները

Այսպիսով, թեև դպրոցական առարկան կոչվում է «ինֆորմատիկա», սակայն բովանդակությամբ այն ավելի շուտ համակարգչային հմտությունների ուսումնասիրություն է, քանի որ հիմնական դպրոցում (առաջին 9-ը դասարաններում) ծրագրավորում գրեթե չեն ուսումնասիրում։ Այդ պատճառով վարժարանում (10-12–րդ դասարաններ) խորացված ուղղություն ընտրելով` երեխան չի կարողանում հասկանալ` արդյոք նա ցանկանում է հետագայում շարունակել ծրագրավորում սովորելը, թե ոչ (իհարկե, եթե դպրոցից դուրս չի զբաղվում դրանով)։ Եվ դրանից հետո` 11-րդ դասարանում, դպրոցական ծրագրում հանկարծակի հայտնվում են Pascal և C++ ծրագրավորման լեզուները։

«Այդ պատճառով մենք առաջարկեցինք արդեն 6-րդ դասարանից երեխաներին ծրագրավորման լեզուներ սովորեցնել` պարզից դեպի բարդ», – ասում է Սաֆարյանը։

Իր և գործընկերների առաջարկած ծրագրով 6–րդ և 7-րդ դասարաններում երեխաները սովորում են KodU և Scratch ծրագրերը։ Այստեղ դեռ ծրագրային կոդեր գրել պետք չէ, սակայն արդեն կարելի է ոչ բարդ խաղեր գրել ալգորիթմի պատրաստի «կտորներից»։ Սրա շնորհիվ 7-րդ դասարանի վերջում երեխան արդեն ոչ թե աբստրակտ պատկերացում կունենա, այլ գործնական մակարդակում կհասկանա`ինչ է ալգորիթմը և ինչպես է այն պետք կազմել։ Նման հիմք ունենալով` 8-րդ դասարանում աշակերտները կսովորեն ծրագրավորման առաջին լեզուն` Html CSS–ը, իսկ 9-ում` Python–ը։

«Այս լեզուն հետաքրքիր է նրանով, որ այն մի քանի մակարդակ ունի։ Ընդհանրապես բարդ է, դրանով կարելի է պրոֆեսիոնալ ծրագրեր գրել։ Սակայն սկզբում այն հնարավոր է սովորել պարզ մակարդակում և պարզ բաներ կազմել։ Այդ է պատճառը, որ Python–ը կարող է դառնալ լավ ներածություն` և՛ C++, և՛ այլ բարդ ծրագրային լեզուների համար», – պարզաբանեց Սաֆարյանը։

Ծրագիրն արդեն երկրորդ տարին է` փորձարկվում է Լոռու մարզում. սկզբում` 4 դպրոցներում, հիմա`21–ում (Վանաձորում և գյուղերում)։ Ուսուցիչների համար մեթոդական ձեռնարկներ են թողարկել, իսկ անհրաժեշտության դեպքում վերապատրաստման դասընթացներ են անցկացնում։

«Չէ՞ որ ես միայն տեսաբան չեմ, ուսուցիչ էլ եմ։ Երբ մենք 6-րդ դասարանցիների հետ սկսեցինք ուսումնասիրել KodU–ն, նրանք չէին ցանկանում դասերից բացակայել։ Երբ արդեն անձամբ են կարողանում խաղեր գրել, նրանց դասից կտրելն անհնար է» , – ժպտում է Եղիշեն։

Սաֆարյանն ուսումնական ծրագրի համար նախապատրաստել է Python լեզվի մեթոդաբանությունը, նրա գործընկեր Շուշան Աբովյանը` KodU–ի, Անի Դերձյանը` Scratch–ի, իսկ Շավարշ Ոսկանյանը` Html–ի։

Կոտրելով կարծրատիպերը. ինչերի միջով է անցել հատուկ հոգեբան Նարեն ու ինչ է ուզում կյանքից

Եթե կրթության նախարարությունը հավանություն տա նախագծին, այն հնարավոր կլինի ավելացնել ինֆորմատիկայի դպրոցական ծրագրում։ Այսինքն` երեխաները կսովորեն և՛ համակարգչային հմտություններ ձեռք բերել, և՛ ծրագրավորում` որպես այդպիսին։ Վանաձորի և Գյումրու տեխնոլոգիական կենտրոնները տեղեկատվական ծրագրավորման փոքր և (ավելի փոքր ծավալով) էլեկտրոնային ինժեներիայի կլաստերներ են: Կենտրոնները ստեղծվել են Համաշխարհային բանկի վարկային ծրագրերից մեկով և կառավարվում են «Ձեռնարկությունների ինկուբատոր» հիմնադրամի կողմից։

Ըստ թեմայի

Հայ դպրոցականները 2 արծաթ և 3 բրոնզ են նվաճել աստղագիտության միջազգային օլիմպիադայում
«Նոր հագուստով չեմ «թիթիզանալու». 6–ամյա լճափցի Ռուբենին դեռ դպրոցական հագուստ չեն գնել
«Մեզ մոտ ոչ թե դպրոց էր, այլ իսկական տուն». նախկին տնօրենի դպրոցական հիշողությունները
թեգերը:
ՏՏ, Աշակերտ, դպրոց, Վանաձոր

Գլխավոր թեմաներ