11:38 15 հոկտեմբերի 2019
Ուղիղ եթեր
  • USD476.44
  • GBP598.27
  • EUR525.85
  • RUB7.42
Զորակոչ

Հայաստանում կանցկացվի աննախադեպ մասշտաբի զորահավաք

© Sputnik / Asatur Yesayants
Հասարակություն
Ստանալ կարճ հղումը
6394 0 0

Հայաստանի պահեստազորում գտնվող քաղաքացիները կզորակոչվեն զորահավաքների. 4 տոկոսը` 3-5 օրով, մյուսները` 1։

ԵՐԵՎԱՆ, 19 սեպտեմբերի — Sputnik. Սեպտեմբերի 24-ից հոկտեմբերի 5-ը Հայաստանում լայնածավալ զորահավաք կանցկացվի։ Այս մասին այսօր կառավարության նիստում հայտարարեց ՀՀ պաշտպանության նախարար Դավիթ Տոնոյանը` հավելելով, որ զորահավաքն իր մասշտաբով լինելու է աննախադեպ։

«Նման մասշտաբի զորահավաք չենք ունեցել, բայց ես ուզում եմ ընդգծել, որ թվակազմի առումով այն մեր միջազգային պարտավորությունների սահմանում է»,– ասաց Տոնոյանը։

Նրա խոսքով` զորահավաքի նպատակն է գնահատել Հայաստանի զորահավաքային նախապատրաստության վիճակ, քանի որ 2018 թվականին անցկացված ռազմավարական հրամանատարաշտաբային եռաստիճան զորավարժությունների ընթացքում զորահավաքային պատրաստության միջոցառումներ գործնականում չեն իրականացվել և հնարավոր չի եղել գնահատել զորահավաքային նախապատրաստության վիճակը։

Զորահավաքին ներգրավվելու են նաև պահեստազորայինները։ Ուստի ՀՀ վարչապետ Նիկոլ Փաշինյանը կոչ արեց վերջիններին ակտիվորեն մասնակցել ու ծանուցման դեպքում ներկայանալ զորահավաքի։

Պաշտպանության նախարարը հայտնեց նաև, որ զորահավաքի մասնակիցների միայն 4 տոկոսն է ուսումնական հավաքներին ներգրավվել ու 3-5 օրով։ Մնացած 96 տոկոսը հավաքներին կմասնակցի միայն 1 օրով։

Արցախում զինվորական մարզումներ են անցկացվել. բանակն ունակ է ապահովել երկրի անվտանգությունը

«4 տոկոսի ընտրությունը կատարվել է իրենց զինվորական մասնագիտությունները հաշվի առնելով, և իրենք արդեն տեղեկացված են դրա մասին»,– ասաց Տոնոյանը` հորդորելով գիտակցաբար վերաբերվել կազմակերպվող միջոցառմանը։

Վարչապետ Նիկոլ Փաշինյանն էլ կարևորեց, որ զորահավաքը ֆորմալ բնույթ չկրի, ինչպես եղել է նախկինում։

Ըստ թեմայի

Նիկոլ Փաշինյանն այցելել է զորամաս ու խոսել բանակի մասին
«Եթե չաշխատեն, ինքնասպանության դեպքերը կլինեն ոչ թե 2, այլ 12». Դավթյանը` բանակի մասին
«Սրբի դեմքով կազմակերպությունների` բանակի մասին ասածներն արդարացի չեն». Հովհաննիսյան
թեգերը:
ՀՀ Պաշտպանության նախարարություն (ՊՆ), Նիկոլ Փաշինյան, ՀՀ կառավարություն, զորակոչ, Դավիթ Տոնոյան, Հայաստան

Գլխավոր թեմաներ