02:49 25 հոկտեմբերի 2020
Ուղիղ եթեր
  • USD494.01
  • GBP646.41
  • EUR585.25
  • RUB6.47
Հասարակություն
Ստանալ կարճ հղումը
51 0 0

ՀՀ Ազգային ժողով արդեն իսկ վավերացրել է ՀՀ–ի և Լիբանանի միջև ռազմատեխնիկական համագործակցության նոր համաձայնագիրը։

ԵՐԵՎԱՆ, 20 սեպտեմբերի — Sputnik. Հայաստանի և Լիբանանի միջև ռազմական և ռազմատեխնիկական համագործակցության նոր համաձայնագիր է կնքվել, որը ՀՀ ԱԺ–ն արդեն վավերացրել է։ Այս մասին ասաց ՀՀ պաշտպանության նախարար Դավիթ Տոնոյանը` Լիբանանի պաշտպանության նախարար Էլիաս Բու Սաաբի հետ համատեղ ասուլիսի ժամանակ։

«2018–ի նոյեմբերին իմ` Լիբանան կատարված այցի ընթացքում ստորագրվել է ՀՀ–ի և Լիբանանի միջև համագործակցության համաձայնագիր։ Այն այժմ երկու երկրների ԱԺ–ում վավերացման գործընթաց է անցնում։ ՀՀ ԱԺ–ն վավերացրել է համաձայնագիրն ու առաջիկայում ՀՀ նախագահն այն կստորագրի»,–ասաց նա։

Նախարարը նշեց, որ նոր համաձայնագիրը 2001–ից Լիբանանի հետ գործող համաձայնագրի արդիական տարբերակն է, և ռազմական և ռազմատեխնիկական համագործակցության ավելի լայն շրջանակ է ընդգրկում։

Լիբանանի պաշտպանության նախարար Էլիաս Բու Սաաբի խոսքով` Լիբանանում ևս համաձայնագիրը վավերացման փուլում է, և հիմա ժամանակն է  կյանքի կոչել համաձայնագրով նախատեսված համագործակցությունը։

«Մենք քննարկել ենք հետախուզական տեղեկատվական փոխանակման մասին հարցեր, ինչը շատ օգտակար կլինի երկու կողմերի համար։ Հայաստանն ու Լիբանանն իրենց սահմանային հարևանների հետ խնդիրներ ունեն, ուստի փորձի փոխանակումը պետք է երկու երկրներին էլ»,–ասաց նա։

«Բաքվից դեռ խաղաղասիրական ոչինչ չենք լսել». Էնֆիաջյանի ելույթը Թուրքիայում

Հիշեցնենք, որ Հայաստանի Հանրապետության և Լիբանանի Հանրապետության միջև դիվանագիտական հարաբերությունները հաստատվել են 1992թ. մարտի 4-ին։ 1994թ. հունիսից Լիբանանում գործում է Հայաստանի դեսպանությունը: Հայաստանում Լիբանանը դեսպանություն հիմնել է 1997թ. սեպտեմբերին:

Հայաստանն ու Չեխիան կզարգացնեն համագործակցությունը ռազմական ոլորտում. Տոնոյան

2018թ. հունվարին ՀՀ նախագահին իր հավատարմագրերն է հանձնել Լիբանանի դեսպան Մայա Դաղերը: 2018թ. նոյեմբերին Լիբանանում ՀՀ դեսպան է նշանակվել Վահագն Աթաբեկյանը։

Ըստ թեմայի

Մտածեցի՝ ցանկում իմ անունն էլ կարող է գտնեմ. Մակունցը՝ հնարավոր պաշտոնանկությունների մասին
Հայաստանում կանցկացվի աննախադեպ մասշտաբի զորահավաք
Տոնոյանը մեկնաբանեց ադրբեջանցի դիվերսանտներին ՀՀ քաղաքացիների հետ փոխանակելու հարցը
Ապրիլյան պատերազմի մասնակիցը բուժում կստանա Գերմանիայում
թեգերը:
ռազմարդյունաբերություն, համաձայնագիր, Լիբանան, Հայաստան

Գլխավոր թեմաներ