ԵՐԵՎԱՆ, 20 սեպտեմբերի - Sputnik. Քիչ առաջ մայրաքաղաքում ողբերգական դեպք է կանխվել:
Երևանի կամուրջներից մեկի արգելապատնեշների վտանգավոր եզրագիծն անցած թոշակառու տղամարդու կյանքը հաջողվել է փրկել:
Հավաքված քաղաքացիներն ու ոստիկանները մոտ մեկ ժամ համոզել են տղամարդուն հետ կանգնել ինքնասպանության մտքից: Վերջին րոպեներին արդեն, ուժասպառ եղած ծերունին նույնիսկ ակամա կարող էր ընկնել կիրճը, սակայն ոստիկաններին հաջողվել է բռնել նրան ու անցկացնել անվտանգ գոտի:
Երևանում ոստիկանները կանխել են 26 տարեկան երիտասարդի ինքնասպանության փորձը
Տղամարդը տարածքից հեռացվել է ոստիկանական մեքենայով:
Sputnik Արմենիայի տեղեկություններով՝ նա Տավուշի մարզի բնակիչ է: Վարկած կա, որ այդ ծայրահեղ քայլին դիմելու մտադրության պատճառը սոցիալական խնդիրներն են, ինչը կհերքվի կամ կհաստատվի իրավապահների աշխատանքի արդյունքում:
