00:47 17 հոկտեմբերի 2019
Ուղիղ եթեր
  • USD476.76
  • GBP608.06
  • EUR526.20
  • RUB7.42
Պյոտր Բարլոգան և Մաուգոժատա Լուժինցկա

Արագածի վրա զոհված լեհ երիտասարդի մարմինը կտեղափոխեն հայրենիք

© Photo : provided by Małgorzata Lurzyńska
Հասարակություն
Ստանալ կարճ հղումը
191 0 0

Սեպտեմբերի 24-ին Պյոտր Բարլոգայի մարմինը կտեղափոխվի Լեհաստան, իսկ կիրակի մայրաքաղաք Վարշավայում տեղի կունենա նրա հուղարկավորությունը:

ԵՐԵՎԱՆ, 22 սեպտեմբերի-Sputnik. Արագածի վրա արջի հետ անհավասար կռվում զոհված 33-ամյա լեհ երիտասարդի՝ Պյոտր Բարլոգայի մարմինը սեպտեմբերի 24-ին կտեղափոխվի հայրենիք՝ Լեհաստան:

Ողբերգական դեպքը տեղի էր ունեցել սեպտեմբերի 14-ին, սակայն այս օրերի ընթացքում Պյոտրի նշանածը՝ Մաուգոժատա Լուժինցկան, և դեպքից հետո Հայաստան ժամանած նրա քույրը՝ Աննա Բարլոգան, կարգավորում էին թղթաբանական տարբեր հարցեր՝ մարմինը տեղափոխելու համար, ինչպես նաև անհրաժեշտ քննություններ էին կատարում պատկան մարմինները

Ինչպես ավելի վաղ տեղեկացրել էինք, երիտասարդի հուղարկավորությունը կանցկացվի Լեհաստանի մայրաքաղաք Վարշավայում սեպտեմբերի 29-ին:

Հիշեցնենք, որ Պյոտրն ու Մաուգոժատան Հայաստան էին ժամանել սեպտեմբերի 10-ի առավոտյան: Sputnik Արմենիայի հետ զրույցում Մաուգոժատան պատմել էր Արագածի վրա տեղի ունեցած ողբերգական դեպքի մանրամասները:

«Պյոտրն ինձնից առաջ էր քայլում։ Այնպես որ չէր երևում, թե հետևում ինչ կա։ Երբ հասավ այդ վայրը, աջ թեքվեց, կանգնեց ու գոռաց»,- պատմել էր Մաուգոժատան՝ նշելով, որ առաջին վայրկյաններին չէր հասկացել, թե ինչու է Պյոտրը բղավում: Երբ հասկացել էր, արջն արդեն հարձակվել էր Պյոտրի վրա, և երկուսով գլորվում էին։

Մի քանի հարյուր մետր գլորվել էին։ Մաուգոժատան վազել էր նրանց հետևից՝ տեսնելու, թե ինչ եղավ։ Հանկարծ արջը փախել էր։ Մաուգոժատան վազելով մոտեցել էր Պյոտրին։ 

Արջը դեռ ոռնում է․ Արագածի այն հատվածը, որտեղ ողբերգական դեպքն է եղել, դեռ վտանգավոր է      

«Ես բժիշկ եմ, հասկացա, որ նա մահացած էր. հայացքը սառած էր, գլուխը՝ ջախջախված, բայց միևնույն է՝ սրտի մերսում արեցի, արհեստական շնչառություն տվեցի։ Ոչինչ չօգնեց։ Պյոտրի ուսապարկից հանեցի հեռախոսն ու զանգահարեցի փրկարարներին։ Մեզ չէին կարողանում գտնել, ստիպված նորից վազելով բարձրացա վերև, որպեսզի GPS-ն աշխատի»,- պատմել էր աղջիկը։ Արդեն ոստիկանական տեղամասում Մաուգոժատային հայտնել էին Պյոտրի մահվան լուրը:

Sputnik Արմենիայի թղթակցի հետ հարցազրույցի ընթացքում Մաուգոժատան պատմել էր նաև իր ու Պյոտրի սիրո պատմությունը:  

Ըստ թեմայի

«Պյոտրը հանկարծ կանգ առավ ու բղավեց». արջի հարձակման մասին պատմում է մահացած տղայի նշանածը
Խուսափե՛ք մոտ օրերս Արագած բարձրանալուց. Զբոսաշրջության կոմիտեի զգուշացումը
Արագած լեռան վրա արջի հարձակման զոհ դարձած երիտասարդի դին Աշտարակում է, որտե՞ղ է աղջիկը
Լեհաստանի ԱԳՆ-ն զբաղվում է Հայաստանում մահացած զբոսաշրջիկի դին հայրենիք տեղափոխելու հարցով
թեգերը:
Դիակ, Մահ, Արագած, Լեհաստան, Երիտասարդ, արջ, Հայաստան

Գլխավոր թեմաներ