09:09 08 հուլիսի 2020
Ուղիղ եթեր
  • USD485.12
  • GBP605.43
  • EUR546.92
  • RUB6.72
Հասարակություն
Ստանալ կարճ հղումը
297 0 0

Տեղամասային թերապևտի, մանկաբույժի կամ ընտանեկան բժշկի մոտ այցերի անբաժան մաս կազմող հերթերն ու ժամանակի կորուստը շուտով անցյալում կմնան: Մայրաքաղաքի 13 պոլիկլինիկաներում արդեն հնարավոր է հերթագրվել էլեկտրոնային եղանակով, մնացածներում համակարգը կներդրվի մինչև տարեվերջ։

ԵՐԵՎԱՆ, 23 սեպտեմբերի — Sputnik. Երևանի պոլիկլինիկաներում ներդրվել է հերթագրման էլեկտրոնային համակարգ: Քաղաքապետարանը ծրագիրն իրականացնում է «Արմեդ» Էլեկտրոնային առողջապահության ազգային օպերատորի հետ: Այս մասին հայտնում են Երևանի քաղաքապետարանից։

«Տարիներ շարունակ պոլիկլինիկաներում եղել է խնդիր հերթերի հետ կապված և քաղաքացիների արդարացի դժգոհությունը: Էլեկտրոնային հերթագրման համակարգը ևս մեկ քայլ է մեր քաղաքացիներին էլ ավելի հասանելի և մատչելի դարձնելու պոլիկլինիկաների մատուցած ծառայությունները»,-նշում է քաղաքապետի տեղակալ Սերգեյ Հարությունյանը:
Նշվում է, որ հերթագրման համակարգն արդեն ներդրվել և գործում է Երևանի 13 պոլիկլինիկաներում: Ծրագիրը հնարավորություն է տալիս քաղաքացիներին տնից, աշխատավայրից կամ հարմար այլ վայրից ընդամենը հեռախոսազանգի միջոցով, չկորցնելով ավելորդ ժամանակ ու նյարդեր, հերթագրվել տարածքային թերապևտի մոտ հարմար օրը և հարմար ժամին:
Քաղաքացիները կարող են հերթագրվել աշխատանքային օրերին՝ ժամը 09:00-17:00-ն:

Հերթագրման համար առանձնացվել են հատուկ հեռախոսահամարներ, որոնք ամրացված են բոլոր պոլիկլինիկաներում: Հերթագրվել հնարավոր է նաև այցելելով պոլիկլինիկա:

«Համակարգում ներբեռնված են քաղաքացիների հիմնական տվյալները: Այցի օրը նշանակված ժամից մի քանի րոպե շուտ պետք է մոտենալ մատենավարման բաժին, որտեղ կտրամադրվի այցելության թերթիկն ու անկետան»,- հայտնում են քաղաքապետարանից:

Գրանցումների արդյունքում յուրաքանչյուր քաղաքացու կտրամադրվի 15-20 րոպե ժամանակ: Բժշկի մոտ մտնելու ժամային որոշ շեղումներ, այնուամենայնիվ հնարավոր են:

Մինչև տարեվերջ ծառայությունը հասանելի կլինի քաղաքի բոլոր 24 պոլիկլինիկաներում:

«Ծրագիրը դեռ աշխատում է միայն տեղամասային թերապևտ կամ մանկաբույժ բժշկի մոտ հերթագրվելու համար: Երկրորդ փուլով նեղ մասնագետների մոտ գրանցումը ևս կիրականացվի հերթագրմամբ»,- ասում է Երևանի քաղաքապետարանի առողջապահության վարչության պետ Կամսար Բաբինյանը:

Պոլիկլինիկաներում հերթագրումն այսուհետ պարտադիր պայման է: Առանց հերթագրվելու կարող եք այդպես էլ սպասել և չսպասարկվել: Սա չի վերաբերում, իհարկե, բուժօգնության կարիք ունեցող քաղաքացիների հրատապ դեպքերին:
Երևանի քաղաքապետարանն այժմ մշակում է առողջապահության ոլորտում բարեփոխումների նոր ծրագրեր:

Պոլիկլինիկաներում հերթագրման համարներ
Այն պոլիկլինիկաները, որտեղ արդեն գործում է հերթագրման համակարգը

Ըստ թեմայի

Բուժօգնության է դիմել պայմանագրային զինծառայող՝ դեմքի ու մարմնի վնասվածքներով
Փոփոխություններ` դեղերի բաց թողնման կարգում. որ դեղերն են դուրս գրվելու դեղատոմսով
Բժշկական ապահովագրության մասին նախագիծը շրջանառության մեջ կդրվի 2 ամսվա ընթացքում. Թորոսյան
Անծով Հայաստանի 85-ամյա կապիտանը. ինչպես Վրեժ Հովհանիսյանը գրավեց ծովն ու իր սաների սրտերը
թեգերը:
Երևանի քաղաքապետարան, Երևան, էլեկտրոնային հերթագրում, հերթեր, բժիշկ, պոլիկլինիկա, Հայաստան

Գլխավոր թեմաներ