ԵՐԵՎԱՆ, 23 սեպտեմբերի — Sputnik. Երգիծաբան Եվգենի Պետրոսյանն Instagram–ի իր էջում լուսանկար է հրապարակել, որում նա կանգնած է Մոսկվայի Զաչատևսկի նրբանցքում գտնվող իր աշխատասենյակի ֆոնին (այնտեղ են նկարել նրա «Ծիծաղի համայնապատկեր» (Սմեխոպանորամա) հաղորդումը), և բողոքել, որ ավելի քան մեկ տարի է` չի եղել տանը և զրկված է սեփական իրերից օգտվելու հնարավորությունից։
Նա տարիների ընթացքում հումորային և թատերական գրականության հավաքածու է հավաքել, որոշ գրքեր էլ անձամբ է վերականգնել։ Եվ հիմա զրկված է դրանք տեսնելու հնարավորությունից։
Գալկինն անցել է Պետրոսյանին. «կորպորատիվ» ելույթի համար նա 50 հազար եվրո է պահանջում
«Ցավոք, արդեն մեկ տարուց ավելի ես զրկված եմ իմ տուն մտնելու, իմ իրերից օգտվելու հնարավորությունից։ Այս անօրինության վերջը չի երևում։ Բռնազավթված են իմ անձնական իրերը։ Ես նույնիսկ չեմ կարող օգտվել իմ աշխատանքային փաստաթղթերից, անձնական համակարգչից և իմ ձեռագրերից, ինչի պատճառով չեմ կարող լիարժեք աշխատել։ Այս ամենը, իհարկե, անօրինական է։ Բայց, ավաղ, կյանքում ամեն ինչ պատահում է», – գրել է Պետրոսյանը։
Посмотреть эту публикацию в Instagram
Բայց երգիծաբանը չի վհատվում և վստահ է ինքն ամեն դեպքում չի ընկճվի։
«Ոչ ոք ինձ չի հանի շարքից, որովհետև իմ աշխատանքը ես եմ, իսկ ես իմ մասնագիտությունն եմ։ Որքան բարդ է ուղին, այնքան շատ են մկանները։ Այնքան քաղցր է ինձ համար հանդիսատեսի մոտ հաջողությունը», – գրել է Պետրոսյանը։
Ելենա Ստեպանենկոն Եվգենի Պետրոսյանից գրեթե կես միլիոն դոլար է թաքցրել
Մոտ մեկ տարի առաջ Եվգենի Պետրոսյանը հայտնվեց լրատվամիջոցների ուշադրության կենտրոնում` Ելենա Ստեպանենկոյի հետ ամուսնալուծության պատճառով։ Անցած տարի զույգը հայտարարեց ապահարզանի մասին։ Պաշտոնական ամուսնալուծությունից հետո նախկին ամուսինները սկսել էին բաժանել համատեղ ունեցվածքը։
