11:26 20 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Լիճք գյուղ, Սյունիքի մարզ

Տարեցների ու լռության գյուղը. ինչպես են Լիճքում աստիճանաբար մոռանում մանկան ծիծաղը

© Sputnik / Nana Martirosyan
Հասարակություն
Ստանալ կարճ հղումը
39420

Լիճքը տարբերվում է ոչ միայն իր բացառիկ գեղեցկությամբ, այլ նաև մարդկանցով։ Այստեղ ապրում են միայնակ, բայց հոգատար ծերունիներ, որոնք պատրաստ են զրուցել, հյուրասիրել և նույնիսկ որդեգրել։

ԵՐԵՎԱՆ, 28 սեպտեմբերի — Sputnik, Նանա Մարտիրոսյան. Սյունիքի մարզի Լիճք գյուղը խիստ տարբերվում է երկրի շատ գյուղերից։ Այստեղ խնձոր չեն գողանում, ապակիները գնդակներով չեն կոտրում։ Միշտ լռություն է, իսկ մանկական ծիծաղի արձագանքը լեռներում չի տարածվում։ Այս գյուղում երեխաներ չկան։

Дом в селе Личк Сюникской области
© Sputnik / Nana Martirosyan
Լիճքի տներից, Սյունիքի մարզ

Գյուղում ընդամենը 67 մարդ է ապրում, բոլորն էլ` պատկառելի տարիքի։ Նրանք քայլում են նեղլիկ փողոցներով և հոգ տանում իրենց տների մասին։ Բնակիչները Լիճքն անվանում են «մեծ ծերանոց», բայց գյուղում մթնոլորտը ճնշող չէ։ Հակառակը` գյուղ մտնելիս հյուրերին դիմավորում են «Շատ շարժվել` երկար ապրել», «Չգիտես, մի վնասիր», «Կա առողջություն, կա կյանք» գրություններով, որոնք ավտոտնակների վրա գրել է գյուղից հեռացած բնակիչներից մեկը։

Мусорный бак в селе Личк Сюникской области
© Sputnik / Nana Martirosyan
Աղբաման

Երբեմն աչքի են ընկնում կանաչ աղբամանները, որոնք, չգիտես ինչու, ասոցացվում են մանկապարտեզի հետ։ Եվ, իհարկե, գյուղի «տեսարժան վայրը» խանութն է` «Խաչիկի մոտ» ուրախ ցուցանակով։ Խանութպանը պատմում է, որ անվանումը հորինել են գյուղի բնակիչները։ Երբ եկել է «ռեկլամիստը» (ցուցանակի դիզայները), խանութպանը տեղում չի եղել։ Խանութի մոտ հավաքված տղամարդիկ առաջարկել են գրել են «Խաչիկի մոտ» անվանումը։

Вход в магазин Хачика в селе Личк Сюникской области
© Sputnik / Nana Martirosyan
«Խաչիկի մոտ» խանութ Լիճքում, Սյունիքի մարզ

Խանութ այցելում են գյուղի բոլոր բնակիչները, բայց այստեղ ամենասպասված այցելուն 80–ամյա տիկին Օլյան է. 3 դուստր, 9 թոռ և 10 ծոռ ունի, բայց մենակ է ապրում։ Օլյա տատիկն առաջին հայացքից աշխույժ և ուրախ կին է։ Նա պատմում է, թե ինչպես է մայրն իր կամքին հակառակ ամուսնացրել իրեն, բայց ամուսինը` Արամը, այնքան լավ է պահել, որ գյուղի բոլոր կանայք նախանձել են իրեն։

Жительница села Личк Сюникской области Армении бабушка Оля
© Sputnik / Nana Martirosyan
Օլյա տատիկը, Լիճքի բնակիչ, Սյունիքի մարզ

«53 տարի միասին ենք ապրել։ Նա ինձ սիրում էր, խանդում, հոգատար էր։ Արամն արդեն 10 տարի է չկա։ Իհարկե, կարոտում եմ, բայց չեմ սիրում իմ տխրությունը պարտադրել ուրիշներին, դրա փոխարեն տնային գործերով եմ զբաղվում, երեխաներիս համար չրեր, պահածոներ և քաղցրեղեն եմ պատրաստում»,– ասում է նա և ցույց տալիս մաքրությունից փայլող տունը, չորացող անուշահամ լավաշը, կոնֆետ հյուրասիրում և առաջարկում մնալ իր տանը։

Жительница села Личк Сюникской области Армении бабушка Оля
© Sputnik / Nana Martirosyan
Օլյա տատիկը, Լիճքի բնակիչ, Սյունիքի մարզ

Նա սիրով պատմում է իր զարմիկի` Վասիլի մասին, որը Խաչիկի հայրն է։ Ասում է` իր բախտը բերել է, քանի որ միշտ պաշտպանել է իրեն, իսկ հիմա ոչ միայն չի թողնում ձանձրանա, այլ նաև հոգ է տանում, ինչպես մանուկ հասակում։ Մենք փոխանցում ենք Օլյա տատիկի խոսքերը Վասիլ պապիկին, նա գոհ ժպտում է և կամաց ասում. «Նա արժանի է դրան»։ Այնուհետև կանչում է Խաչիկին և նրանք միասին լրագրողներին առաջարկում են գնալ այգի, որպեսզի համտեսեն տեղական բրենդ Լիճքի տանձը։

Хачик, владелец магазина села Личк Сюникской области, во дворе собственного дома
© Sputnik / Nana Martirosyan
«Խաչիկի մոտ» խանութի սեփականատերը` Խաչիկը` իր տան այգում

«Ամոթ է գալ Լիճք  և տանձ չուտել», – ասում է Խաչիկը և կնոջը` Նառային հասկացնում, որ սուրճ եփի։

Խաչիկը գյուղում չի ապրում։ Նա ամեն օր գյուղ է գալիս ծնողների մոտ, բացում խանութը, չէ որ գյուղի տարեց բնակիչները չեն կարող ուրիշ տեղից առևտուր անել։ Նրա «նիսյայի» տետրում գրված են գրեթե բոլոր բնակիչների անունները և պարտքի չափը։ Նա խոստովանում է, որ սիրում է գյուղը և կուզեր ապրել այստեղ, բայց Լիճքում դպրոց չկա, իսկ կինը բուժքույր է աշխատում Մեղրիում։ Այդպես նրանք ստիպված են շաբաթվա մեծ մասն անցկացնել քաղաքում, հանգստյան օրերը` գյուղում։

Владелец магазина села Личк Сюникской области Армении Хачик
© Sputnik / Nana Martirosyan
«Խաչիկի մոտ» խանութի սեփականատեր

«Գյուղը կամաց–կամաց դատարկվում է։ Շատ տներ կան, որտեղ վաղուց լույս չի վառվել։ Այդ ամենը տխուր է, բայց միգուցե ինչ–որ բան փոխվի, իզո՞ւր ենք եկեղեցու համար նոր դուռ պատվիրել։ Այնտեղ դեռ շատ սերունդներ են աղոթելու»,– ասում է Խաչիկը։

Церковь в селе Личк Сюникской области
© Sputnik / Nana Martirosyan
Церковь в селе Личк Сюникской области

Ինչպես պնդում են բնակիչները դատարկության պատճառը աշխատատեղերի բացակայությունն է և ծանր սոցիալական պայմանները, դրա հետ մեկտեղ նրանք դեմ են մոտակայքում գտնվող հանքի շահագործմանը։ Տատիկները և պապիկները վստահ են, որ այն վնաս է հասցնում ամբողջ մարզին ու երկրին, իսկ նրանք ուզում են, որպեսզի իրենցից հեռու ապրող երեխաները և թոռները ոչ միայն լավ կրթություն ստանան, այլ նաև մաքուր ջուր խմեն ու առողջ լինեն։

  • Լիճք գյուղ, Սյունիքի մարզ
    Լիճք գյուղ, Սյունիքի մարզ
    © Sputnik / Nana Martirosyan
  • Նստարան Լիճք գյուղում, Սյունիքի մարզ
    Նստարան Լիճք գյուղում, Սյունիքի մարզ
    © Sputnik / Nana Martirosyan
  • «Խաչիկի մոտ» խանութի սեփականատեր Խաչիկի այգու բերքը, Լիճք, Սյունիքի մարզ
    «Խաչիկի մոտ» խանութի սեփականատեր Խաչիկի այգու բերքը, Լիճք, Սյունիքի մարզ
    © Sputnik / Nana Martirosyan
  • Լիճք գյուղի տներից
    Լիճք գյուղի տներից
    © Sputnik / Nana Martirosyan
  • Խաչիկի տունը Լիճք գյուղում, Սյունիքի մարզ
    Խաչիկի տունը Լիճք գյուղում, Սյունիքի մարզ
    © Sputnik / Nana Martirosyan
  • «Խաչիկի մոտ» խանութի սեփականատեր Խաչիկի այգու բերքը, Լիճք, Սյունիքի մարզ
    «Խաչիկի մոտ» խանութի սեփականատեր Խաչիկի այգու բերքը, Լիճք, Սյունիքի մարզ
    © Sputnik / Nana Martirosyan
  • Խաչիկի կինը` Նառան, Լիճք, Սյունիքի մարզ
    Խաչիկի կինը` Նառան, Լիճք, Սյունիքի մարզ
    © Sputnik / Nana Martirosyan
  • Լիճք գյուղի բնակիչ Վասիլ պապիկը, Սյունիքի մարզ
    Լիճք գյուղի բնակիչ Վասիլ պապիկը, Սյունիքի մարզ
    © Sputnik / Nana Martirosyan
  • Լիճք գյուղի եկեղեցու մուտքը, Սյունիքի մարզ
    Լիճք գյուղի եկեղեցու մուտքը, Սյունիքի մարզ
    © Sputnik / Nana Martirosyan
  • Լիճք գյուղի եկեղեցու զանգը, Սյունիքի մարզ
    Լիճք գյուղի եկեղեցու զանգը, Սյունիքի մարզ
    © Sputnik / Nana Martirosyan
  • Օլյա տատիկի չոր լավաշը
    Օլյա տատիկի չոր լավաշը
    © Sputnik / Nana Martirosyan
  • Լիճք գյուղի բնակիչ Օլյա տատիկը, Սյունիքի մարզ
    Լիճք գյուղի բնակիչ Օլյա տատիկը, Սյունիքի մարզ
    © Sputnik / Nana Martirosyan
  • Լիճքի գյուղապետարանի հայտարարությունը, Սյունիքի մարզ
    Լիճքի գյուղապետարանի հայտարարությունը, Սյունիքի մարզ
    © Sputnik / Nana Martirosyan
  • Լիճք գյուղի միակ խանութը, Սյունիքի մարզ
    Լիճք գյուղի միակ խանութը, Սյունիքի մարզ
    © Sputnik / Nana Martirosyan
  • Լիճք գյուղի բնակիչ Օլյա տատիկը, Սյունիքի մարզ
    Լիճք գյուղի բնակիչ Օլյա տատիկը, Սյունիքի մարզ
    © Sputnik / Nana Martirosyan
1 / 15
© Sputnik / Nana Martirosyan
Լիճք գյուղ, Սյունիքի մարզ

Ըստ թեմայի

Փրկիչ Կաթողիկոսը․ 25 տարի առանց Վազգեն Առաջինի
Սեպտեմբերի մեկն առանց 1-ին դասարանի. Տավուշի գյուղերում կա՛մ երեխաներն են քիչ, կա՛մ դպրոցը դպրոց չէ
Աղջիկ վարորդներն ավելի ճկուն են. «Շիրակ» ավտոարշավին`ամենագնացով դեպի «Թռչկան». տեսանյութ
Ինչպես երիտասարդը Գյումրուց տեղափոխվեց գյուղ ու որոշեց ծղոտե հյուրատուն կառուցել
թեգերը:
մանկապարտեզ, երեխա, խանութ, Սյունիք, տարեց, Հայաստան

Գլխավոր թեմաներ