02:16 20 հունվարի 2020
Ուղիղ եթեր
  • USD479.61
  • GBP626.18
  • EUR533.71
  • RUB7.81
Հասարակություն
Ստանալ կարճ հղումը
434 0 0

Ամերիկայում ամենահայտնի ռեալիթի շոուի աստղը խոստացել էր շարունակել պայքարը Օսմանյան կայսրությունում տեղի ունեցած Հայոց ցեղասպանությունը ճանաչելու համար, սակայն դա չի խանգարել նրան արտադրություն հիմնել Թուրքիայում։

ԵՐԵՎԱՆ, 29 սեպտեմբերի - Sputnik. ԱՄՆ–ում հայ համայնքի շահերը ներկայացնող ամենաազդեցիկ կազմակերպությունը «հարձակվել է» հայտնի ամերիկահայ հեռուստաաստղ Քիմ Քարդաշյանի վրա։

ԱՄՆ Հայ դատի գրասենյակը (ANCA), սեպտեմբերի 25-ին  Twitter–ի իր էջում դժգոհություն է հայտնել, որ Skims  ներքնազգեստի  սեփականատերը այն արտադրում է ամենաանհարմար վայրում` Թուրքիայում։

Ուղերձի սկզբում երախտագիտություն հայտնելով համաշխարհային աստղին այն ամենի համար, ինչ նա անում է 1915 թվականի Հայոց ցեղասպանությունը ճանաչելու, ինչպես նաև Հայաստանն աշխարհում ճանաչելի դարձնելու համար, ANCA–ն գրել է. «Մենք տեսանք, որ դուք Skims ապրանքանիշի արտադրանքը պատրաստում եք Թուրքիայում։ Խնդրում ենք, մտածեք դա Հայաստանում անելու մասին, որը հայտնի է հիանալի վարպետներով»։

Keeping up with the Kardashians ռեալիթի շոուի աստղն իր հերթին Twitter–ում մեծ  գրառում է արել, որտեղ նշել է, որ պետք չէ խտրական վերաբերմունք դրսևորել որևէ ազգի նկատմամբ նրա անցյալի համար։

Քիմը պարզաբանել է, որ ապրանքանիշը Թուրքիայում արտադրելու որոշումը հիմնված է եղել ոչ թե գաղափարախոսության վրա, այլ բիզնեսի տեսանկյունից շահավետության նկատառումներից ելնելով։

«Երբ սկսեցի երազել հագուստի սեփական ապրանքանիշի մասին, գիտեի, որ ուզում եմ, որ յուրաքանչյուր դետալ արված լինի լավագույն ձևով, լավագույն նյութերից` էսքիզի ստեղծումից մինչև արտադրություն, թեստավորում և նորարաություններ», – գրել է հեռուստաաստղը։

Քիմի խոսքով` նա խորհրդակցել է փորձագետների հետ, որոնք առաջարկել են Թուրքիայի գործարանները։

«Մենք դեմ ենք նրան, որպեսզի խտրականություն դրվի որևէ մեկի կամ առանձին ազգի նկատմամբ` հիմնվելով անցյալի վրա»,- նշել է նա։

Նա խոստացել է, որ «առաջիկա երկու շաբաթվա ընթացքում» Հայաստան կժամանի և հույս հայտնել, որ կկարողանա «տարբերակներ գտնել բարելավելու առևտուրը և աշխատատեղեր ստեղծել հայերի համար, որն իր մեջ նաև արտադրություն կներառի»։

«Ես ամբողջ հոգով հավատում եմ, որ փոփոխությունների համար, պետք է պատրաստ լինել աշխատել բոլորի հետ, նույնիսկ եթե քաղաքական հայացքները չեն համընկնում», – գրել է Քիմը։

Միևնույն ժամանակ նա նշել է, որ շարունակելու է պայքարել Ցեղասպանության ճանաչման համար, որն իրեն շատ է մտահոգում։

Ավելի վաղ հայտնի էր դարձել, որ Քիմ Քարդաշյանը Հայաստան կայցելի WCIT ՏՏ համաշխարհային համաժողովի շրջանակում, որտեղ նա գլխավոր զեկուցողներից մեկն է։ Համաժողովն, ի դեպ, Հայաստանում առաջին անգամ է անցկացվում։

Ըստ թեմայի

«Մերն ես». Քիմ Քարդաշյանը խմբագրել է լուսանկարը` գովազդելով հայկական հավելվածը
«Փոքրիկ Փսալմը շատ քաղցրիկն է». Քիմ Քարդաշյանը ցույց է տվել 2 ամսական որդուն
Քիմ Քարդաշյանը կոտրում է հայրիշխանական արաբական աշխարհի կարծրատիպերը․ Vogue-ի ցնցող լուսանկարները
Քիմ Քարդաշյանը ստիպել է, որ քույրը հուզվի հայ տատի լուսանկարի պատճառով
թեգերը:
Ներքնազգեստ, Թուրքիա, Քիմ Քարդաշյան, Հայաստան

Գլխավոր թեմաներ