12:07 29 սեպտեմբերի 2020
Ուղիղ եթեր
  • USD485.66
  • GBP624.12
  • EUR565.55
  • RUB6.16
Հասարակություն
Ստանալ կարճ հղումը
1773 0 0

Համացանցում տեսանյութ է հրապարակվել, որում Միխայիլ Խաչատուրյանը ծաղրում է դուստրերին, որ նրանք կոնֆետով թեյ են խմել և կոնֆետի թղթերը թողել խոհանոցի սեղանին։

ԵՐԵՎԱՆ, 30 սեպտեմբերի — Sputnik. Միխայիլ Խաչատուրյանի նկարահանած տեսանյութում ցուցադրվում է, թե ինչպես է նա զայրանում իր երեք դուստրերի վրա` կերած կոնֆետների և թղթերը չհավաքելու համար, և նույնիսկ հարվածում նրանցից մեկին, հրապարակել է Baza պորտալը։

​Խաչատուրյանը նկարահանում է այդ ամենը, որպեսզի հետագայում հրապարակորեն ցուցադրի  դուստրերի փնթիությունը, իսկ աղջիկները կանգնած են անկյունում և լուռ լալիս են։  Ամբողջ տեսանյութի ընթացքում հայրը բղավում է, իսկ երբ դուստրերից մեկը հրաժարվում է նրա կողմ շրջվել, նա հարվածում է աղջկան։

«Ա՛յ ուռոդ, շրջվի՛ր այս կողմ», – բղավում է Խաչատուրյանը։

Դուստրերի ձեռքով սպանված Միխայիլ Խաչատուրյանի դեմ քրեական գործ է հարուցվել

Սակայն, անկախ աղջիկների հետ դաժան վերաբերմունքից, տեսանյութի վերաբերյալ սոցցանցերում օգտատերերի կարծիքները տարբեր են։ Ոմանք գրում են, որ որևէ սարսափելի բան տեղի չի ունեցել, և դա ընդամենը դաստիարակչական միջոց է փնթի աղջիկների նկատմամբ։ Մեծամասնությունն էլ կարծում է, որ նման վերաբերմունքը տեղին չէ և դաժանության է նման։

Միխայիլ Խաչատուրյանի աղմկահարույց սպանությունը տեղի էր ունեցել Մոսկվայում՝ 2018 թվականի հուլիսի 27-ին։ 57-ամյա տղամարդու դիակը` վզի և կրծքավանդակի բազմաթիվ կտրած–ծակած վերքերով, հայտնաբերվել էր Մոսկվայի Լոբաչևսկի մայրուղում գտնվող տան շքամուտքում։ Երեք դուստրերը, որոնք մեղադրվում են հոր սպանության մեջ, խոստովանել են, որ իրենք են սպանել հորը։ Քննության ընթացքում պարզվել է, որ Խաչատուրյանը տարիներ շարունակ բարոյական և ֆիզիկական բռնության է ենթարկել դուստրերին։

Նշենք, որ քննության վարկածի համաձայն` կրտսեր դուստրը` 11–րդ դասարանի աշակերտուհին, հոր պարանոցին ու մարմնին դանակի առնվազն 35 հարված է հասցրել։ Մյուս երկուսը` գլխին են հարվածել։ Դրանից հետո քույրերից մեկը փոքրի ձեռքից խլել է դանակն ու հարվածել հոր սրտին։ Սպանությունից հետո կրտսեր քույրն անձամբ է ոստիկանություն զանգել։

«Մեր թասիբի հարցն է». հայտնի մարդիկ պաշտպանում են Խաչատուրյան քույրերին

Հիշեցնենք` Մոսկվայի Սանահինյան դատարանը 2018թ–ի օգոստոսի 2-ին կալանավորել էր երեք քույրերին։ Սեպտեմբերի 27-ին Մոսկվայի Բասմանյան դատարանը հավանություն էր տվել Խաչատուրյան քույրերի կալանքը «որոշակի գործողությունների արգելքով» փոխարինելու միջնորդությանը։ Նրանք տեղավորվել էին առանձին բնակարաններում։

Ըստ թեմայի

Թաթոյանը հայրասպան Խաչատուրյան քույրերի հարցը քննարկել է Մոսկալկովայի հետ
Խաչատուրյանների գործը կկասեցվի. ապացուցվել է, որ հայրը խոշտանգել է նրանց. փաստաբան
Նա գազան էր, ոչ թե մարդ. Խաչատուրյան քույրերի մայրը չի զղջում ամուսնու մահվան համար
Խաչատուրյան քույրերի աղմկահարույց գործի վերաբերյալ ֆիլմ–հետաքննությունն է նկարահանվել
թեգերը:
տեսանյութ, Սպանություն, Մեղադրանք, Խաչատուրյան քույրեր, Հայաստան

Գլխավոր թեմաներ