03:37 06 հունիսի 2020
Ուղիղ եթեր
  • USD481.74
  • GBP608.44
  • EUR546.00
  • RUB7.01
Հասարակություն
Ստանալ կարճ հղումը
79 0 0

Գևորգ Պապոյանը նշել է, որ «Հայփոստը» տնտեսապես անարդյունավետ և թանկ ծառայություններ է մատուցում, և պետք է այդ խնդիրը լուծել։

ԵՐԵՎԱՆ, 1 հոկտեմբերի — Sputnik. «Հայփոստի» մասնավորեցման դեպքում բնակչության մի զգալի մասն ուղղակիորեն կենսաթոշակ ստանալու, թերթ գնելու կամ տարբեր տեսակի վճարումներ կատարելու համար խնդիրներ կունենան: Այս մասին Ազգային ժողովում ասաց ԱԺ «Իմ քայլը» խմբակցության անդամ Գևորգ Պապոյանը։

Նշենք, որ այսօր ընթացող ԱԺ նիստի օրակարգում է նաև «Հայփոստ» ընկերությունը մասնավորեցման ցանկից հանելու մասին կառավարության ներկայացրած օրենքի նախագիծը:

«Չնայած տրամաբանորեն միշտ հակառակն եմ  նշել՝ մասնավորն ավելի լավ է կառավարում, պետք է ընկերությունները տանք մասնավորին, սակայն «Հայփոստը» մի փոքր այլ է։ Խնդիրն այն է, որ հանրապետության  601 համայնքների մեծ մասում մասնավոր ոչ մի ներդրում չի լինի «Հայփոստի» մասով, որովհետև տնտեսապես  ոչ արդյունավետ կլինի այն»,- ասաց նա:

Նրա խոսքով`  «Հայփոստը» տնտեսապես անարդյունավետ և թանկ ծառայություններ է մատուցում, և պետք է այդ խնդիրը լուծել։ Ըստ նրա` պետք է ձգտել «Հայփոստի»  ծառայությունները դարձնել ավելի էժան։

Պապոյանը վստահեցրեց, որ «Հայփոստն» աշխատում է, քանի որ չունի մրցակից։

Թոշակառուները բողոքում են, որ իրենցից գումար են պահում. Բաթոյանը դիմել է «Հայփոստի» ղեկավարին

Հիշեցնենք, որ դեռ մայիս ամսին կառավարությունը որոշում էր կայացրել «Հայփոստը» չմասնավորեցնել։ Նշվում էր, որ  «Հայփոստի» մասնավորեցման դեպքում, կառավարության համոզմամբ, գյուղական բնակչության մեծամասնության համար փոստային կապի ծառայությունները կդառնան ոչ հասանելի, քանի որ «Հայփոստ» ՓԲԸ-ի 885 փոստային բաժանմունքներից 601-ը գտնվում են գյուղական համայնքներում ու սահմանամերձ շրջաններում, ուստի կարող են դասվել տնտեսապես անարդյունավետ անշարժ գույքերի շարքը։

Ըստ թեմայի

Դպրոցի պահակը գյուղապետից շատ ձայն է ստացել. Հայաստանի գյուղերում իրավիճակ է փոխվում
«Հայփոստն» ու «Էներգաիմպեքսը» կմնան պետական. կառավարությունը դրանք չի մասնավորեցնի
Հրազդանում 12 տարեկան երեխան գողություն է արել «ՀայՓոստից»
Նախկին պաշտոնյաները կաշառք են վերցրել նպաստի դիմաց. ովքե՞ր են «կերել» անապահովների փողը
թեգերը:
Գևորգ Պապոյան, թոշակառու, Հայաստան

Գլխավոր թեմաներ