15:15 12 դեկտեմբերի 2019
Ուղիղ եթեր
  • USD478.02
  • GBP628.02
  • EUR529.79
  • RUB7.53
Վլադիմիր Պուտին

Որտեղ են հանդիպել Վլադիմիր Պուտինն ու Բելլա Քոչարյանը և ինչ են քննարկել

© Sputnik / Asatur Yesayants
Հասարակություն
Ստանալ կարճ հղումը
248520

«168 ժամ» թերթի տվյալներով` խոսակցության հիմնական թեման եղել է ՀՀ երկրորդ նախագահ Ռոբերտ Քոչարյանի կալանքը, նրա շուրջ ստեղծված իրավիճակը։

ԵՐԵՎԱՆ, 2 հոկտեմբերի - Sputnik. Եվրասիական տնտեսական բարձրագույն խորհրդի նիստին մասնակցելու նպատակով ՀՀ-ում գտնվող ՌԴ նախագահ Վլադիմիր Պուտինն իր աշխատանքային այցի ավարտին այցելել է ՀՀ-ում ՌԴ դեսպանատուն: Այս մասին գրում է «168 ժամը»։

Ռուսական պատվիրակության կազմում գտնվող աղբյուրի հաղորդմամբ` ՌԴ նախագահ Վլադիմիր Պուտինը Ռուսաստան մեկնելուց առաջ ՀՀ-ում ՌԴ դեսպանատանը հանդիպել է ՀՀ երկրորդ նախագահ Ռոբերտ Քոչարյանի տիկնոջը՝ Բելլա Քոչարյանին:

«Մեր աղբյուրների հաղորդմամբ, ՌԴ նախագահը և ՀՀ երկրորդ նախագահի տիկինը թեյել են և երկար զրույց ունեցել: Բնականաբար, հասկանալի է, որ խոսակցության հիմնական թեման եղել է ՀՀ երկրորդ նախագահ Ռոբերտ Քոչարյանի կալանքը, նրա շուրջ ստեղծված իրավիճակը, իշխանությունների կողմից ծավալվող գործողությունները նրա նկատմամբ, սակայն այլ մանրամասներ մեր աղբյուրներին հայտնի չեն դարձել»,- գրում է թերթը:

Sputnik Արմենիայի հետ զրույցում Ռոբերտ Քոչարյանի գրասենյակի ղեկավար Վիկտոր Սողոմոնյանը հաստատեց, որ ՌԴ նախագահ Վլադիմիր Պուտինը և Ռոբերտ Քոչարյանի կինը` Բելլա Քոչարյանը հանդիպել են։

Բյուրոկրատիա, կեղծ ապրանքներ. ինչի դեմ են ԵԱՏՄ–ում պայքարելու երևանյան գագաթնաժողովից հետո

Հիշեցնենք, որ հոկտեմբերի 1-ին աշխատանքային այցով Երևանում էր ՌԴ նախագահ Վլադիմիր Պուտինն, ով իր այցի ընթացքում մասնակցեց Եվրասիական տնտեսական բարձրագույն խորհրդի նիստի աշխատանքներին, որի շրջանակներում ունեցավ հանդիպումներ ինչպես ՀՀ վարչապետ Նիկոլ Փաշինյանի, այնպես էլ Իրանի Իսլամական Հանրապետության նախագահ Հասան Ռոհանիի հետ:

Ըստ թեմայի

Վերաքննիչ դատարանը հրաժարվել է քննել Քոչարյանի կալանքի վերաբերյալ բողոքը
Լուրջ, բայց ոչ պաշտոնական. ԵԱՏՄ գագաթնաժողովի ուշագրավ դրվագները` լուսանկարներով
Ոչ մի խափանում չի եղել. Պուտինը շնորհակալություն հայտնեց ՀՀ վարչապետին
Պուտինը ժամանեց Երևան
թեգերը:
Եվրասիական Տնտեսական Միություն (ԵԱՏՄ), Բելլա Քոչարյան, Ռոբերտ Քոչարյան, Վլադիմիր Պուտին, Հայաստան

Գլխավոր թեմաներ