20:30 30 հոկտեմբերի 2020
Ուղիղ եթեր
  • USD493.60
  • GBP639.46
  • EUR576.08
  • RUB6.24
Հասարակություն
Ստանալ կարճ հղումը
173 0 0

ԱԺ նախագահը համոզված է, որ Անդրանիկ Քոչարյանի արտահայտությունները էթիկայի հանձնաժողովի մասշտաբի չեն։

ԵՐԵՎԱՆ, 4 հոկտեմբերի — Sputnik. ԱԺ նախագահ Արարատ Միրզոյանը կարծում է, որ «Իմ քայլը» խմբակցության պատգամավոր Անդրանիկ Քոչարյանի` ՀՀ արդարադատության նախկին նախարար Արփինե Հովհաննիսյանին ուղղված արտահայտությունը գեղեցիկ չէր, բայց միաժամանակ այնքան լուրջ չէր, որ հարցը քննարկվի էթիկայի հանձնաժողովում։ Միրզոյանն այս մասին ասաց այսօր լրագրողների հետ զրույցում։

«Գեղեցիկ չէր, բայց ես կարծում եմ` դա ոչ միայն կոնկրետ Անդրանիկ Քոչարյանի դեպքում է։ Մենք տեսնում ենք վերջին ամիսներին Հայաստանում բանավեճի, քննադատության մեջ արտահայտություններ, որոնք, իհարկե, անցանկալի են»,– ասաց Միրզոյանը`կոչ անելով պահպանել հարգանքը միմյանց նկատմամբ։

ԱԺ նախագահը հիշեցրեց, որ մինչ այդ Արփինե Հովհաննիսյանը արդարադատության նախարարին «անուղեղ», Դանիել Իոաննիսյանին էլ «հիվանդ» էր անվանել։

Հարցին, թե ինչու միջադեպը չի ներկայացվում էթիկայի հնձնաժողովի քննարկմանը, Արարատ Միրզոյանը պատասխանեց, որ հանձնաժողովը շատ ավելի լուրջ դեպքերի համար է։

Քոչարյանը ներողություն չի խնդրի, բայց պատրաստ է հանդիպել Արփինե Հովհաննիսյանի հայրիկին

«Ես սա էլ եմ համարում լուրջ դեպք, բայց կարծում եմ, որ էթիկայի հանձնաժողովն, այնուամենայնիվ, չափազանց լուրջ դեպքերի է վերաբերում։ Եվ եթե այս գործիքը սկսի չարաշահվել, կարող է մի յուրօրինակ մահակ հանդիսանալ պատգամավորների համար, ինչը կարող է կաշկանդել նրանց քաղաքական գործունեությունն ու սահմանափակել այս կամ այն հարցի շուրջ դիրքորոշում  հայտնելը»,– ասաց Միրզոյանը։

Նշենք, որ Անդրանիկ Քոչարյանն օրերս հարցազրույց էր տվել ԶԼՄ–ներից մեկին։ Լրագրողը հիշեցրել էր, որ Արփինե Հովհաննիսյանը վերջին հարցազրույցներից մեկում, խոսելով թալանված ակտիվների, ապօրինի գույքի վերադարձի մասին, պայմանականորեն տվել էր նաև Անդրանիկ Քոչարյանի ու Գագիկ Ջհանգիրյանի անունը։ Ի պատասխան` Քոչարյանն ասել էր. «Արփինե Հովհաննիսյանը, լինելով արդարադատության նախկին նախարար, փոխանակ իր հնարավորությունները կամ ռեսուրսները ներդնի իր՝ Հայաստանից փախած թիմակիցներին Հայաստան վերադարձնելու ուղղությամբ, զբաղված է աջուձախ անհեթեթ, չփաստարկված հայտարարություններ տարածելով։ Արփինե Հովհաննիսյանը պետք է խոսի փաստերով, իսկ պայմանական կարող է տալ իր մայրիկի և անհայտ հայրիկի անունները»։

Մակունցի համար ընդունելի չէ քաղաքական դիսկուրսը անձնական տիրույթ տեղափոխելը

Այս արտահայտությունից հետո քաղաքական և քաղաքացիական հանրության մի շարք ներկայացուցիչներ դատապարտեցին Քոչարյանի արտահայտությունը` որակելով այն վիրավորանք։ Դատապարտողների շարքում էին ԱԺ նախագահի տեղակալ Լենա Նազարյանը, պատգամավորներ Նաիրա Զոհրաբյանը, Անի Սամսոնյանը, Սասուն Միքայելյանը, նախագահի խորհրդական Թևան Պողոսյանը, վարչապետի նախկին խորհրդական Արսեն Խառատյանը, Դանիել Իոաննիսյանը և ուրիշներ։

Ըստ թեմայի

Նախագահն առաջադրողն է, ընտրողը չէ. Տարասյանը` ՍԴ–ում Վահե Գրիգորյանի թեկնածության մասին
«Ի՞նչ եք մի կաթիլ մեղր սարքել». վրդովված Ծառուկյանը կրկին չի գնացել հարցաքննության
«Իմ քայլի» անդամը պահանջում է ԱԺ–ից վռնդել Գևորգ Պետրոսյանին. ինչո՞ւ են տղամարդիկ զայրացել
ԱԺ փոխնախագահի նկատմամբ վարույթ է հարուցվել
թեգերը:
Անդրանիկ Քոչարյան, ԱԺ, Արփինե Հովհաննիսյան, Հայաստան

Գլխավոր թեմաներ