23:19 13 նոյեմբերի 2019
Ուղիղ եթեր
  • USD477.46
  • GBP613.63
  • EUR526.02
  • RUB7.42
Նիկոլ Փաշինյան

Երևանում մեկնարկեց WCIT համաշխարհային ՏՏ համաժողովը

© Photo : Vahram Baghdasaryan
Հասարակություն
Ստանալ կարճ հղումը
WCIT համաշխարհային համաժողովը Երևանում (25)
97 0 0

Համաժողովի հյուրերի թվում են նաև աշխարհահռչակ հեռուստաաստղ Քիմ Քարդաշյանը, ամերիկահայ գործարար և Reddit կայքի ու Initialized Capital վենչուրային ընկերության համահիմնադիր Ալեքսիս Օհանյանը։

ԵՐԵՎԱՆ, 7 հոկտեմբերի — Sputnik. Երևանում մեկնարկեց WCIT-2019 տեղեկատվական տեխնոլոգիաների համաշխարհային համաժողովը։  WCIT-2019-ի պաշտոնական մասի բացմանը ելույթ ունեցավ Հայաստանի վարչապետ Նիկոլ Փաշինյանը, Տեղեկատվական տեխնոլոգիաների և ծառայության համաշխարհային դաշինքի (WITSA) նախագահ Իվոն Չիուն և WCIT 2019 կազմակերպչական հանձնաժողովի նախագահ, Առաջատար տեխնոլոգիաների ձեռնարկությունների միության նախագահ Ալեքսանդր Եսայանը։

ՀՀ վարչապետն իր ելույթում նշեց, որ WCIT-ի 40-ամյա պատմության ընթացքում համաժողովն առաջին անգամ տեղի է ունենում այնպիսի փոքր երկրում, ինչպիսին Հայաստանն է և ընդգծեց, որ պատմության ընթացքում հայ ժողովուրդը ունեցել է բազմաթիվ ականավոր գործիչներ տարբեր ոլորտներում և լրջագույն ներդրում ունեցել մարդկության զարգացման և կենսամակարդակի բարձրացման գործում։ 

«Տեղեկատվական տեխնոլոգիաների և ծառայությունների համաշխարհային դաշինքը ներկայացնում է համաշխարհային ՏՀՏ համայնքի 90 տոկոսը և հաճախ ազդում է միջազգային հանրային քաղաքականության վրա։ Համաժողովը Հայաստանում անցկացնելու ` Տեղեկատվական տեխնոլոգիաների և ծառայությունների համաշխարհային դաշինքի որոշումն անհերքելիորեն հաստատում է Հայաստանի` որպես համաշխարհային տեխնոլոգիական հանգույցի կարգավիճակը։ Նորարարությունը և նախաձեռնողականությունը երկար ժամանակ եղել են հայկական ինքնության առանցքը»,- ասաց ՀՀ վարչապետը։

WCIT 2019-ը նվիրված է «Ապակենտրոնացման ուժը․ հեռանկարներ և ռիսկեր» թեմային։

Համաժողովում քննարկման հիմնական թեման այն է, թե ինչպես են տեղեկատվական և հաղորդակցական տեխնոլոգիաները դրական ու բացասական կերպով ձևավորում մեր կյանքը, ինչպիսի ազդեցություն ունեն շահույթի և բարեկեցության, հուսալիության և անվտանգության, ժողովրդավարության ու մարդասիրության վրա։

Համաժողովին մասնակցում են ավելի քան 2500 մասնակիցներ 70 երկրներից։

Մասնակցության համար Հայաստան են ժամանել ավելի քան 20 երկրների նախարարական պատվիրակություններ` ավելի քան 2000 մասնակիցներով։ 23 պատվիրակություններ կժամանեն ոլորտային նախարարների գլխավորությամբ, այդ թվում՝ Իրանից, Հունաստանից, Լիբանանից, ԱՄԷ-ից, Վրաստանից, Բուլղարիայից, Ռումինիայից, Ղազախստանից, Ուզբեկստանից, Բանգլադեշից, Բրազիլիայից, Բալթյան երկրներից, Մալայզիայից ու Եթովպիայից ժամանած պատվիրակություններ։

Հոկտեմբերի 6-ին համաժողովի բացումը նշանավորվեց վիթխարի համերգով, որի ընթացքում 15 երկրների երաժիշտներից կազմված նվագախումբը՝ Հայաստանի պետական սիմֆոնիկ նվագախմբի գլխավոր դիրիժոր Սերգեյ Սմբատյանի գլխավորությամբ, նվագեց արհեստական բանականության ստեղծած երաժշտությունը։

WCIT–2019 ՏՏ համաշխարհային համաժողովը Երևանում կանցկացվի   հոկտեմբերի 6–9-ը։ Համաժողովի հյուրերի թվում են նաև աշխարհահռչակ հեռուստաաստղ Քիմ Քարդաշյանը, ամերիկահայ գործարար և Reddit կայքի ու Initialized Capital վենչուրային ընկերության համահիմնադիր Ալեքսիս Օհանյանը։

թեմա:
WCIT համաշխարհային համաժողովը Երևանում (25)

Ըստ թեմայի

Երևան ժամանեց Տեղեկատվական տեխնոլոգիաների համաշխարհային կոնգրեսի առաջին հյուրը. լուսանկար
«Թանկագին հյուրեր ունենք». Նիկոլ Փաշինյանը լուսանկար է հրապարակել
Եվս մեկ հյուր. Սերժ Թանկյանը ժամանեց Հայաստան
Հայաստան ժամանեց աշխարհահռչակ դիջեյ Արմին վան Բյուրենը. լուսանկարներ
թեգերը:
WCIT 2019, Նիկոլ Փաշինյան, Ալեքսիս Օհանյան, Քիմ Քարդաշյան, համաժողով, Հայաստան

Գլխավոր թեմաներ