10:20 12 նոյեմբերի 2019
Ուղիղ եթեր
  • USD477.22
  • GBP610.79
  • EUR526.33
  • RUB7.47
Արսեն Խաչատուրյան

Խաչատուրյան քույրերի եղբայրն ամեն ինչից տեղյակ է եղել ու լռել է. նոր մանրամասներ

© Sputnik / youtube/Телеканал 360
Հասարակություն
Ստանալ կարճ հղումը
Հայրասպան Խաչատուրյան քույրերի պատմությունը (79)
1067 0 0

Հոր սպանության մեջ մեղադրվող քույրերի ազգականն ամբողջ ընթացքում ինքնամոռաց պաշտպանում էր Միխայիլ Խաչատուրյանին։

ԵՐԵՎԱՆ, 7 հոկտեմբերի — Sputnik. Արսեն Խաչատուրյանը` հանգուցյալ Միխայիլ Խաչատուրյանի զարմիկը, իրականում իմացել է, թե ինչպես է հայրը վարվում դուստրերի հետ։ Այս մասին հայտնում է «Կոմսոմոլսկայա պրավդան»։

Ավելի վաղ Արսեն Խաչատուրյանը հայտարարել էր, որ քույրերի հաշվեհարդարի պատճառը ոչ թե ստորացումներն ու սեռական բռնությունն են եղել, այլ Միխայիլ Խաչատուրյանի խստությունն ու պահպանողականությունը։

Սակայն «Կոմսոմոլսկայա պրավդային» հայտնի է դարձել, որ Արսենը միշտ իմացել է, թե ինչպես է Խաչատուրյանը վարվում դուստրերի հետ։ Ավելին, նա նամակագրական կապ է ունեցել քույրերի հետ, որոնք նրան ցույց են տվել կապտուկները։ Միխայիլ Խաչատուրյանի գործողությունները սկզբում զայրացրել են զարմիկին, հետո նա աղջիկներին ասել է, որ չտարածեն այն, ինչ կատարվում է իրենց տանը։

«Միայն ոչ մեկին այդ լուսանկարը ցույց մի տուր։ Եվ ոչ մեկին ոչինչ մի պատմիր։ Նա դև է», – քույրերից մեկին գրել է Արսենը։

Երբ Խաչատուրյան քույրերը սպանել են հորը, Արսենը նույնիսկ չի պաշտպանել նրանց, այլ հակառակը` փորձել է համոզել հանրությանը, որ աղջիկները մեղավոր են և պետք է համապատասխան պատիժ կրեն։

Արսեն Խաչատուրյանը մասնակցել է Առաջին ալիքի եթերով հեռարձակվող «Թող խոսեն» և «Իրականում» հաղորդումներին և վստահեցրել, որ Միխայիլը բարի մարդ էր, իսկ բռնության վարկածը ոչ այլ ինչ է, քան քույրերի հորինած պատմությունը։

Միխայիլ Խաչատուրյանի աղմկահարույց սպանությունը տեղի էր ունեցել Մոսկվայում՝ 2018 թվականի հուլիսի 27-ին։ 57-ամյա տղամարդու դիակը` վզի և կրծքավանդակի բազմաթիվ կտրած–ծակած վերքերով, հայտնաբերվել էր Մոսկվայի Լոբաչևսկի մայրուղում գտնվող տան շքամուտքում։ Երեք դուստրերը, որոնք մեղադրվում են հոր սպանության մեջ, խոստովանել են, որ իրենք են սպանել հորը։ Քննության ընթացքում պարզվել է, որ Խաչատուրյանը տարիներ շարունակ բարոյական և ֆիզիկական բռնության է ենթարկել դուստրերին։

Խաչատուրյան քույրերի աղմկահարույց գործի վերաբերյալ ֆիլմ–հետաքննությունն է նկարահանվել

Նշենք, որ քննության վարկածի համաձայն` կրտսեր դուստրը` 11–րդ դասարանի աշակերտուհին, հոր պարանոցին ու մարմնին դանակի առնվազն 35 հարված է հասցրել։ Մյուս երկուսը` գլխին են հարվածել։ Դրանից հետո քույրերից մեկը փոքրի ձեռքից խլել է դանակն ու հարվածել հոր սրտին։ Սպանությունից հետո կրտսեր քույրն անձամբ է ոստիկանություն զանգել։

Հիշեցնենք` Մոսկվայի Սանահինյան դատարանը 2018թ–ի օգոստոսի 2-ին կալանավորել էր երեք քույրերին։ Սեպտեմբերի 27-ին Մոսկվայի Բասմանյան դատարանը հավանություն էր տվել Խաչատուրյան քույրերի կալանքը «որոշակի գործողությունների արգելքով» փոխարինելու միջնորդությանը։ Նրանք տեղավորվել էին առանձին բնակարաններում։

Խաչատուրյան քույրերի գործը. փաստաբանը հրապարակել է նրանց հոր սկանդալային նամակագրությունը

թեմա:
Հայրասպան Խաչատուրյան քույրերի պատմությունը (79)

Ըստ թեմայի

«Այս դեպքում զոհը միայն սպանվածը չէ». Սերժ Թանկյանն աջակցել է Խաչատուրյան քույրերին
Խաչատուրյան քույրերը ծաղրե՞լ են տատին. սպանված Միխայիլի մայրը դատի է տվել թոռնուհուն
«Մեր թասիբի հարցն է». հայտնի մարդիկ պաշտպանում են Խաչատուրյան քույրերին

Գլխավոր թեմաներ