14:40 13 դեկտեմբերի 2019
Ուղիղ եթեր
  • USD477.71
  • GBP629.96
  • EUR531.55
  • RUB7.56
«Իմ հոգու տուն, Գյումրի» փազլը

Հայաստանի ամենամեծ փազլն արդեն հավաքված է. ինչու են Գյումրիում սպասում Փաշինյանին

© Sputnik / Asatur Yesayants.
Հասարակություն
Ստանալ կարճ հղումը
82210

«Գյումրին առանց տնակների» հիմնադրամի մեկնարկած նախաձեռնությունը մոտեցել է վերջնագծին. մնում է` Նիկոլ Փաշինյանը ևս մեկ անգամ մեկնի Գյումրի։

ԵՐԵՎԱՆ, 13 հոկտեմբերի – Sputnik, Արմենուհի Մխոյան. Գյումրեցի նկարիչ, ՀՀ մշակույթի վաստակավոր գործիչ Սուսաննա Մկրտչյանի «Իմ հոգու տուն, Գյումրի» շարքի նկարներից մեկը, որ 15 000 կտորով փազլի էր վերածվել ու յուրաքանչյուր կտորը վաճառվել հազար դրամով, այս պահին արդեն գրեթե ամբողջությամբ հավաքվել է՝ բացառությամբ մի կտորի: Այդ կտորն անձամբ ՀՀ վարչապետ Նիկոլ Փաշինյանն է խոստացել ամրացնել:

Самый большой пазл в Армении в собранном виде
© Sputnik / Armenuhi Mkhoyan
«Իմ հոգու տուն, Գյումրի»

Հիշեցնենք, որ հավաքված գումարով նախատեսվում բնակարան գնել գյումրեցի 2 անօթևան ընտանիքի համար։ Փազլի առաջին 9 կտորը Փաշինյանն էր գնել, վերջին կտորը նույնպես նրանն է։

«Փազլն ամբողջովին այս պահին հավաքված չենք կարող համարել դեռ, քանի որ տեղադրված չէ վարչապետի գնած վերջին կտորը: Մեր տեղեկություններով` այդ կտորը վարչապետի մոտ է, և նա ոչ մեկին չի փոխանցել: Այդ կտորի տեղադրումից հետո նախաձեռնության առաջին փուլը կհամարենք ավարտված»,-Sputnik Արմենիային ասաց հիմնադրամի գործադիր տնօրենի ժամանակավոր պաշտոնակատար Գևորգ Գրիգորյանը։

Նրա խոսքով` միայն փազլի վաճառքից 15 մլն 46 հազար դրամ է հավաքվել։ Թե այդ գումարն ում համար տանիք կդառնա, դեռ հայտնի չէ. առայժմ շահառուներին չեն ընտրել։

Логотип фонда Гюмри без домиков у самого большого пазла в Армении
© Sputnik / Armenuhi Mkhoyan
«Գյումրին առանց տնակների» նախաձեռնություն

2 ընտանիքին կորոշեն հիմնադրամի հոգաբարձուների խորհրդի անամները: Ընտանիքների ընտրությունը կարվի հիմնադրամի 21 անդամից բաղկացած հոգաբարձունների սահմանած չափորոշիչներին համապատասխան, բայց նախապատվությունը կտրվի բազմազավակ ընտանիքին։

Ըստ տվյալների` փազլի գնմանը մասնակցել են ավելի քան 8500 անհատ, մյուսները եղել են տարբեր կազմակերպություններ:

Հիմնադրամը նախատեսում է նաև աճուրդի հանել հավաքված փազլը, որի գումարը ևս կուղղվի անօթևան ընտանիքներին բնակարանների գնմանը:

Հազարավոր գործազուրկներ ու 380 թափուր աշխատատեղ. ինչ մասնագետների պահանջարկ ունի Գյումրին

«Այս պահին որոշում ենք, թե որտեղ և ինչպես ենք աճուրդն անցկացնելու»,- նշեց պատասխանատուն:

Ի դեպ, հիմնադրամն արդեն մինչև 15 մլն դրամի աճուրդի առաջարկ ունի, հենց աճուրդի վաճառքի ստացված գումարից էլ կախված է, թե ևս քանի ընտանիք բնակարան կունենա:

Գյումրիում տեղադրվում է Հայաստանի ամենամեծ բեմը. սպասում են «Ավրորայի» մասնակիցներին

Ըստ թեմայի

Ազգությամբ ադրբեջանցի, հոգով՝ հայ. էջմիածնեցի Ալիևի փառքի ճամփան
Վանաձորցի ընտանիքի թալիսմանը մասուրն է, կամ զբոսաշրջիկները հիացած են հայկական ապուրով
Գյումրիում ազատ տնտեսական գոտի կստեղծվի. կարևորը՝ Մեղրիի ճակատագիրը չունենա
թեգերը:
բնակարան, Նիկոլ Փաշինյան, փազլ, Գյումրի, Հայաստան

Գլխավոր թեմաներ