01:38 15 նոյեմբերի 2019
Ուղիղ եթեր
  • USD477.51
  • GBP613.60
  • EUR525.36
  • RUB7.45
Սուսաննա Եգորյանը

«Ես հայուհի եմ և հպարտ եմ դրա համար». Սուսաննա Եգորյանը բնակություն կհաստատի Հայաստանում

© instagram/ susa_bonn
Հասարակություն
Ստանալ կարճ հղումը
786 0 0

Ճանաչված մոդել Սուսաննա Եգորյանը, որը ծնվել և մեծացել է Ղրղըզստանում, հաճախ է հայտնվում սկանդալների կիզակետում: Վերջին օրերին նրա հրապարակումն այն մասին, որ ցանկանում է փոխել իր քաղաքացիությունը, զայրացրել է շատ ղրղըզների:

ԵՐԵՎԱՆ, 15 հոկտեմբերի –Sputnik, Աստղիկ Սուքիասյան. Մոդել Սուսաննա Եգորյանը որոշել է հեռանալ Ղրղըզստանից  ու հաստատվել Հայաստանում։ Այս մասին նա ասել է Sputnik Արմենիայի հետ զրույցում։

«Ծնողներս, որոնք  զտարյուն հայ են, հաճախ են ինձ հետ այցելում Հայաստան, հատկապես տոն օրերին: Ցանկություն ունեմ Հայաստանում ապրելու: Մի քանի շաբաթից կլինեմ այդտեղ»,- ասաց Սուսաննան։ Նա նշեց, որ թեև ղրղըզ ժողովուրդը լավն է, բայց քիչ չեն նաև իր վատը կամեցողները:

Ըստ մոդելի՝ իրեն օրական հազարավոր ղրղըզներ են գրում և շեշտում, որ իր տեղը Ղրղըզստանում չէ:

«Նրանք կարծում են, որ եթե ես հայ եմ, ուրեմն իմ տեղը Հայաստանում է: Եվ ես որոշեցի`իսկ ինչո՞ւ ոչ։ Կապրեմ Հայաստանում: Նոյեմբերի 4-ին իմ ծննդյան 20–ամյակն է, և ես ուզում եմ այն անցկացնել իմ երկրում»,–պատմեց Սուսաննան:

Ըստ մոդելի` Հայաստանում իրեն  ճանաչողներն այնքան էլ շատ չեն, չնայած, որ երկու անգամ գեղեցկության միջազգային մրցույթներում ներկայացել է որպես հայ, և դա արել է սրտանց: Սուսաննան ասաց` չի բացառում, որ Հայաստանում բնակություն հաստատելուց հետո համագործակցի հայ մոդելների հետ և միջազգային մրցույթներում որպես հայ ներկայանա արդեն Հայաստանի դրոշի ներքո։

«Ես հայուհի եմ և հպարտ եմ դրա համար: Ճիշտ եմ համարում  իմ ազգությունը ցույց տալը»,-ասաց նա:

Սուսաննան անդրադարձավ նաև վերջին օրերի իր սկանդալային հայտարարությանը, ըստ որի` ցանկանում է հրաժարվել Ղրղըզստանի քաղաքացիությունից: Իր գրառման մեջ մոդելը պարզաբանել էր, որ հիասթափված է Ղրղըզստանի կառավարությունից և իշխանությունից, քանի որ հենց իր շնորհիվ  է, որ Ղրղըզստանն առաջին անգամ հաղթել է գեղեցկության միջազգային մրցույթում, սակայն իրեն նույնիսկ շնորհակալություն չեն հայտնել:

«Օրինակ, արտասահմանում ընդունված է, որ մարզիկներին, գեղեցկության մրցույթներում հաղթող մոդելներին տարատեսակ նվերներ են հանձնում՝  բնակարան կամ խոշոր գումար, իսկ մեզ մոտ՝ Ղրղըզստանում, մրցույթներում հաղթողները չեն գնահատվում»,-ասաց մոդելը։

Նա պատմեց, որ իր այս գրառմանն արձագանքել է Ղրղըզստանի խորհրդարանի պատգամավոր Մարլեն Մամատալիևը և առաջարկել չհրաժարվել Ղրղըզստանի քաղաքացիությունից:

«Մամատալիևն ինձ գրել էր, որ չփոխեմ քաղաքացիությունս, որ իրենք հպարտանում են ինձնով, որ անձամբ կառավարությանը կհայտնի իմ  հաղթանակի մասին»,-ասաց մոդելը։

Հայ մոդելը` Gucci–ի ցուցադրությանը. ինչպես է 23–ամյա Արմինեն աստղ դարձել

Նա նշեց, որ մտածում է պատգամավորի ասածների շուրջ, գուցեև հետ կանգնի իր որոշումից, բայց անպայման ՀՀ քաղաքացի  է դառնալու: Այդ դեպքում արդեն երկքաղաքացիություն կունենա:

Հիշեցնենք, որ 2017 թվականին նույնպես Սուսաննան հայտնվել էր  սկանդալի կիզակետում։ World NextTop Model 2017-ի եզրափակիչ փուլում նա հանդես էր եկել հայկական ժապավենով։ Աղջկան Ղրղըզստանում մեղադրել էին դավաճանության մեջ։ Ավելի ուշ նա բացատրել էր, որ մրցույթում Ղրղըզստանը չի ներկայացրել, այլ իր ազգությունը, ուստի, չէր կարող դավաճանել երկրին։

Ըստ թեմայի

Սեքսուալ ու գեղեցիկ. Գոայի լողափային շոուի ֆիթնես մոդելները
«Չեմ վախենում տնից դուրս գալ առանց․․․»․ մոդել Յուլյա Եղյանը՝ Miss Europe տիտղոսի մասին
Նոր սկանդալ. Victoria's Secret-ի մոդելները պահանջում են աշխատանքից ազատել լուսանկարիչներին
Victoria's Secret շոուի կուլիսներում. մոդելները սիրում են «ցանցառություն» անել. ֆոտոշարք
թեգերը:
Ղրղըզստան, Հայաստան, հայ, Սուսաննա Եգորյան, մոդել

Գլխավոր թեմաներ