03:43 13 նոյեմբերի 2019
Ուղիղ եթեր
  • USD477.40
  • GBP612.93
  • EUR526.81
  • RUB7.46
Դավիթ Սանասարյան. արխիվային լուսանկար

Այս խմորը դեռ շատ ջուր է տանելու. Սանասարյանի դեմ հաղորդում են ներկայացրել

© Sputnik / Asatur Yesayants.
Հասարակություն
Ստանալ կարճ հղումը
203 0 0

Մի շարք ԶԼՄ–ներ գրեցին, որ Սանասարյանը վրաերթի է ենթարկել 9-ամյա երեխայի, հետո բժիշկների հետ պայմանավորվել, որ այդ մասին տեղեկությունը չփոխանցեն ոստիկանություն։

ԵՐԵՎԱՆ, 15 հոկտեմբերի – Sputnik. ՊՎԾ պետ Դավիթ Սանասարյանի դեմ (լիազորությունները ժամանակավորապես դադարեցված են) հաղորդում են ներկայացրել ՀՀ ոստիկանություն։ Այս մասին Facebook–ի իր էջում հայտնել է փաստաբան Տիգրան Աթանեսյանը։

Ոստիկանությունում Սանասարյանի դեմ հաղորդում է ներկայացրել այն երեխայի ծնողը, որին իբր Դավիթ Սանասարյանը վրաերթի է ենթարկել։ 

Հիշեցնենք` երեկ մի շարք ԶԼՄ–ներ գրեցին, որ Սանասարյանը սեպտեմբերի 12-ին Կիևյան 4 հասցեում գտնվող շենքի կամարանցումի (դալան) մոտ վրաերթի է ենթարկել 9-ամյա Ա.Ղևոնդյանին։ Երեխային վրաերթի ենթարկելուց հետո Սանասարյանը որևէ բան չի ձեռնարկել: Պատահական անցորդներից մեկը զանգահարել է Ա.Ղ.-ի մորը, որն էլ երեխային տեղափոխել է «Արմենիա» հանրապետական բժշկական կենտրոն: Սանասարյանը, տեղեկանալով, որ երեխան տեղափոխվել է բուժկենտրոն, գնացել է և տեղում պայմանավորվել բժիշկ Արսեն Գևորգյանի հետ, որպեսզի դեպքը ոստիկանությունում չգրանցվի որպես վրաերթ, այլ գրանցվի որպես բակում խաղալու ընթացքում ստացած կենցաղային վնասվածք:

«Շառ են անում, ես ոչ մի երեխայի վրաերթի չեմ ենթարկել»,– գրել էր նա իր Facebook-յան էջում և ավելացրել, որ մի երեխա քարի վրայից ցատկել, դիպել է մեքենային ու ընկել, ինչից հետո ինքն այդ երեխայի ու մոր հետ գնացել է բժշկական կենտրոն։ Այնտեղ զննել են երեխային և ասել, որ ոչ մի խնդիր չկա։

«Հաջորդ օրը կինը նորից զանգեց ու ասեց` նորից ստուգման կարիք կա, նորից գործերս թողած՝ գնացի, ժամերով հիվանդանոցում անցկացրեցի, նորից ռենտգեն արեցին ու նորից ասեցին, որ խնդիր չկա։ Տեղեկացնում եմ, որ դրանից երկու օր անց այդ կինը ինձանից 300.000 դրամ փող էր պահանջում և սպառնում, որ չտալու դեպքում լրատվամիջոցներին կասի, որ իր երեխային վրաերթի եմ ենթարկել, այն ժամանակ, երբ ինձանից լսեց, որ ոչ մի գումար էլ չեմ տալու, ասեց, որ լրատվամիջոցներին տեղեկացնելու է»,– գրել էր Սանասարյանը։

Նա նշել էր, որ ամեն օր հետաքրքրվել է երեխայի որպիսության մասին, մինչև այն օրը, երբ գումարի վերաբերյալ մերժում ստանալով՝ իրենից պահանջել են այլևս չհետաքրքրվել երեխայով։

Սանասարյանն իր գրառման հետգրության մեջ նշել էր, որ հաղորդում է ներկայացնելու հանցագործության վերաբերյալ՝ շորթման հոդվածով։

Հիշեցնենք նաև, որ պետական վերահսկողական ծառայության գնումների վերահսկողության վարչության պետ Սամվել Ադյանը և ՊՎԾ մեկ այլ աշխատակից՝ բժշկական սարքավորումների մասնագետ Գևորգ Խաչատրյանը, փետրվարի 26-ին ձերբակալվել էին բժշկական հաստատությունների կողմից հայտարարված հեմոդիալիզի պարագաների մրցույթներին ենթադրյալ միջամտության դեպքով հարուցված քրեական գործի շրջանակում։

Գործը չի ջրվել. ԱԱԾ–ն հերքում է «Ժամանակ» թերթի և 1in.am-ի հրապարակումները

ԱԱԾ–ում քննվող քրեական գործի շրջանակում մեղադրանք էր առաջադրվել նաև Դավիթ Սանասարյանին` ՀՀ քրեական օրենսգրքի 308-րդ հոդվածի 1-ին մասով (պաշտոնեական լիազորությունները չարաշահելը)։

Նրա նկատմամբ խափանման միջոց էր ընտրվել չհեռանալու մասին ստորագրությունը։ Ժամանակավորապես դադարեցվել էր նաև նրա պաշտոնավարումը։

Դավիթ Սանասարյանը ԱԱԾ–ի առաջադրած մեղադրանքները շինծու էր որակել` հայտարարելով, որ պատրաստ է իր ձեռքը կտրել, եթե հրապարակվի այն տեսանյութը, որտեղ ինքը կաշառք է վերցնում։

Սանասարյանի պաշտպանները դիմել էին դատախազություն, որպեսզի նրա նկատմամբ քրեական հետապնդումը դադարեցվի:

Ըստ թեմայի

Արթուր Դավթյանը հրաժարվեց Դավիթ Սանասարյանի գործի վերաբերյալ դիրքորոշում հայտնել
Ամեն ինչում Վանեցյա՞նն է մեղավոր. Դավիթ Սանասարյանը` «շինծու» մեղադրանքով գործի մասին
Թորոսյանը Սանասարյանին խորհուրդ է տալիս ապագան պլանավորելիս դասեր քաղել կատարվածից
թեգերը:
Տիգրան Աթանեսյան, Ոստիկանություն, Վրաերթ, Դավիթ Սանասարյան

Գլխավոր թեմաներ