14:14 09 ապրիլի 2020
Ուղիղ եթեր
  • USD496.58
  • GBP612.23
  • EUR539.43
  • RUB6.56
Հասարակություն
Ստանալ կարճ հղումը
146 0 0

Կանայք հիմնականում պահանջում են, որ իրենց նույնպես տրամադրվի խոշոր չափի փոխհատուցում, ինչպես Մարտի 1-ի զոհերի իրավահաջորդներին։

ԵՐԵՎԱՆ, 17 Հոկտեմբեր — Sputnik. Վարչապետ Նիկոլ Փաշինյանն այսօր կառավարությունում ընդունեց խաղաղ պայմաններում զոհված զինծառայողների մայրերին ու այրիներին։ Կանայք մեկ ամսվա ընթացքում մի քանի անգամ կառավարության շենքի առաջ բողոքի ակցիա են կազմակերպել` պահանջելով իրենց նույնպես խոշոր չափի փոխհատուցում տրամադրել։ Պահանջի հիմքում այն է, որ այս տարվա օգոստոսին Մարտի 1-ի զոհերի իրավահաջորդներին Փաշինյանի կառավարությունը 30 մլն դրամի փոխհատուցում է տրամադրել, իսկ խաղաղ պայմաններում զոհված զինծառայողների ընտանիքները տարիներ շարունակ ամսական 30 հազար դրամ են ստացել։

Հանդիպման ժամանակ վարչապետը նշեց, որ Զինծառայողների ապահովագրության հիմնադրամի շահառուների շրջանակները մեծ տեմպերով ընդլայնվում են և 2020թ-ի հունվարից հիմնադրամը վճարումներ կկատարի 1998թ-ից սկսած հայրենիքի պաշտպանության ժամանակ զոհված զինծառայողների ընտանիքների անդամներին, 1-ին կամ 2-րդ խմբի հաշմանդամություն ստացած զինծառայողներին:

Զոհված զինվորի ընտանիքն այլևս անօթևան չէ. կառավարությունը բնակարան նվիրեց որդեկորույս մորը

«Մենք մեկուկես տարում 19 տարվա հարց ենք լուծել, 19 տարվա շահառուների խնդիրը լուծել ենք: Դա մեզնից աշխատանք է պահանջել, որը մենք կատարել ենք», – ասաց Փաշինյանը։

Հանդիպմանը ներկա ութ սևազգեստ կանանցից հիմնականում ելույթ ունեցավ «Զինվոր» համակարգող խորհրդի նախագահ Մարգարիտա Խաչատրյանը։ Նա ասաց, որ արդար չէ անհավասար վերաբերմունքը Մարտի 1-ի զոհերի և խաղաղ պայմաններում զոհված զինծառայողների նկատմամբ։

«Հեղափոխություն է եղել, հիմա պետությունը փող ունի, մեր ասածն այն է, որ բոլորին հավասար հատկացումներ տրվեն», – ասաց Խաչատրյանը։

Վարչապետն ի պատասխան վստահեցրեց, որ իր կառավարությունը բոլոր զոհված զինվորների փոխհատուցումների հարցերը կլուծի։

«Պարզապես պետք է հիշել, որ երկար տարիներ այս հարցերը ընդհանրապես չեն լուծվել։ Մենք մեկուկես տարվա ընթացքում քսան տարվա խնդիր ենք լուծել։ Իմ խնդրանքն է ձեզնից` սպասել ևս մեկուկես տարի, կամ գուցե ավելի քիչ, որ մենք հասցնենք հինգ կամ տասը կամ տասնհինգ տարվա հարցեր լուծել», – ասաց Փաշինյանը։

Հիշեցնենք` վարչապետ Նիկոլ Փաշինյանը հոկտեմբերի 9-ին Facebook-ի իր էջում գրառում էր արել, որտեղ նշել էր, որ Զինծառայողների ապահովագրության (1000 դրամների) հիմնադրամը 2020 թվականի հունվարի 1-ից կսկսի աջակցություն ցուցաբերել նաև 1998 թվականի հունվարի 1-ին ներառյալ և դրանից հետո հայրենիքի պաշտպանության ժամանակ զոհված զինծառայողների ընտանիքների անդամներին, 1-ին կամ 2-րդ խմբի հաշմանդամություն ստացած զինծառայողներին:

Փաշինյանը հիշեցրել էր, որ նախորդ տարվա դրությամբ հիմնադրամը փոխհատուցում էր միայն 2017 թվականի հունվարի 1-ին ներառյալ և դրանից հետո տեղի ունեցած դեպքերը:

Վարչապետը նշել էր, որ որոշման մանրամասները կհայտարարվի լրացուցիչ։

  • Նիկոլ Փաշինյանը հանդիպեց խաղաղ պայմաններում զոհված զինծառայողների մայրերին
    Նիկոլ Փաշինյանը հանդիպեց խաղաղ պայմաններում զոհված զինծառայողների մայրերին
    © Photo / official site of the Prime minister of RA.
  • Նիկոլ Փաշինյանը հանդիպեց խաղաղ պայմաններում զոհված զինծառայողների մայրերին
    Նիկոլ Փաշինյանը հանդիպեց խաղաղ պայմաններում զոհված զինծառայողների մայրերին
    © Photo / official site of the Prime minister of RA.
  • Նիկոլ Փաշինյանը հանդիպեց խաղաղ պայմաններում զոհված զինծառայողների մայրերին
    Նիկոլ Փաշինյանը հանդիպեց խաղաղ պայմաններում զոհված զինծառայողների մայրերին
    © Photo / official site of the Prime minister of RA.
1 / 3
© Photo / official site of the Prime minister of RA.
Նիկոլ Փաշինյանը հանդիպեց խաղաղ պայմաններում զոհված զինծառայողների մայրերին

Ըստ թեմայի

Պատվի հարց է. Հայաստանում կընդլայնեն փոխհատուցում ստացող զինծառայողների ցանկը
Զոհված զինծառայողների` փոխհատուցման ենթակա ընտանիքների ցանկն ընդլայնվել է
Փաշինյանը զրուցեց զոհված զինծառայողների ծնողների հետ. վերջիններս դժգոհ մնացին
Հաշմանդամ զինծառայողների իրավունքը վերականգնվեց. փոխհատուցում կստանան բոլորը
թեգերը:
զինծառայող, 2008թ.-ի մարտի1, մայր, Նիկոլ Փաշինյան, Հայաստան

Գլխավոր թեմաներ