ԵՐԵՎԱՆ, 17 Հոկտեմբեր — Sputnik. «Աջակցություն երիտասարդ ընտանիքներին» պետական ծրագիրը հոկտեմբերից լուրջ խնդիրների, անգամ փակման վտանգի առաջ է կանգնած։
Խնդիրը լուծելու համար կառավարությունն այսօր որոշում է ընդունել։
««Բնակարան երիտասարդներին» ՎՎԿ ՓԲԸ-ի վերաֆինանսավորված և նոր վերաֆինանսավորվելիք վարկերի տոկոսավճարների սուբսիդավորման գումարների անբավարար լինելու պարագայում միջոցառման հետագա իրականացումը՝ 2019 թ․-ի հոկտեմբեր ամսից կկանգնի լուրջ խոչընդոտների առաջ, անհրաժեշտություն է առաջացել միջոցառումը բնականոն իրականացնելու նպատակով չորրորդ եռամսյակում հատկացնել 300 մլն ՀՀ դրամ»,– նշված է որոշման նախագծում։
Կառավարությունը կխթանի ծնելիության աճը. միանվագ նպաստը կբազմապատկի, հիփոթեքին կօգնի
Ծրագիրը փրկելու համար պահանջվող 300 մլն հայթայթելու համար կառավարությունն այսօր որոշեց կրթության, գիտության, մշակույթի և սպորտի նախարարությանն այս տարվա բյուջեով «Կրթությանը տրամադրվող օժանդակ ծառայություններ» բաժնին հատկացված գումարից 300 մլն դրամը փոխանցել «Աջակցություն երիտասարդ ընտանիքներին» միջոցառմանը։
Ովքե՞ր կարող են հիփոթեքով բնակարան գնել Հայաստանում
Նշենք, որ բյուջեում վերաբաշխում անելու առաջարկը կառավարության նիստում ընդունվեց միաձայն` առանց զեկուցելու և առանց քննարկման։
