ԵՐԵՎԱՆ, 17 հոկտեմբերի – Sputnik. Ռուսաստանաբնակ դիմահարդար և ոճաբան Գոհար Ավետիսյանը որոշել է երգչուհի դառնալ: Նա այս մասին հայտնել է Instagram-ի իր էջում և նոր տեսանյութ հրապարակել :
«Օր, որին սպասել էի ամբողջ կյանքում: Այսօր իմ «Միամիտը» երգը հասանելի կլինի բոլոր թվային հարթակներում։ Սպասո՞ւմ էիք»,- տեսանյութին կից գրել է դիմահարդարը:
Երկրպագուներից շատերը ողջունել են նրա ցանկությունը:
«Իհարկե սպասում ենք, դու տաղանդավոր աղջիկ ես, վստահ եմ, տեսահոլովակը ցնցող կլինի», «գեղեցկուհի ես», «կեցցես, սպասում ենք», «այ թե անակնկալ էր»,-գրել են էջի հետևորդները:
Նշենք, որ Գոհար Ավետիսյանը Ռուսաստանում ամենահայտնի բյութի բլոգերն է։ Հիմա նա Instagram-ում ավելի քան 5 միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։
Գոհարն ինքնուրույն է հասել հաջողության, նա ինքնուս դիմահարդար է: Այս ոլորտում առաջին փորձերն արել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետ:
«Որքան գեղեցիկ ես». դիմահարդարման վարպետ Գոհար Ավետիսյանը՝ Վարդայի նոր կերպարի մասին
Արդեն առաջին կուրսում Գոհարը սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը:
2012թ-ին սկսել է դասախոսել, դիմահարդարման վարպետության դասեր անցկացնել։ Հիմա արդեն հայտնի դիմահարդարը Մոսկվայի կենտրոնում սեփական դպրոց և ստուդիա ունի:
«Ո՞վ է խժռել ամբողջ թխվածքը». Գոհար Ավետիսյանը Երևան է եկել ու նոր լուսանկար հրապարակել
