21:13 21 հունվարի 2020
Ուղիղ եթեր
  • USD479.33
  • GBP625.24
  • EUR531.82
  • RUB7.75
Հասարակություն
Ստանալ կարճ հղումը
76010

Զարուհի Բաթոյանի հայտարարությունը վրդովմունքի նոր ալիք է բարձրացրել Գյումրու տուն-ինտերնատում։ Աշխատակիցները համոզված են, որ իրենցից շատերը համալրելու են գործազուրկների շարքերը, իսկ հացադուլ հայտարարած տղամարդը չի ուզում բաժանվել իրեն խնամողներից։

Արմենուհի Մխոյան, Sputnik.

Արդեն մի քանի օր է, ինչ բողոքի ալիք է բարձրացել «Գյումրու տուն-ինտերնատ» ՊՈԱԿ-ում: Պատճառը ՀՀ կառավարության` «Գյումրու տուն-ինտերնատ պետական ոչ առևտրային կազմակերպությունը լուծարելու մասին» որոշման նախագիծն է, որով նախատեսվում է տարեցներին մատուցվող շուրջօրյա խնամքի ծառայությունները պատվիրակել ոչ պետական կազմակերպության։ Sputnik Արմենիան այցելել է տուն–ինտերանտ ու տեղում ծանոթացել իրավիճակին։

Աշխատակիցներին արդեն ծանուցել են, որ լուծարման պատճառով 2 ամսից ազատվելու են աշխատանքից, սակայն ոչ մեկը չի ստորագրել ծանուցման տակ, ավելին` 2012 թվականից տուն–ինտերնատում բնակվող Սահակ Այվազյանը, իմանալով, որ իրեն խնամող աշխատակիցներին կարող են ազատել աշխատանքից, հացադուլ էր հայտարարել:

«Որևէ մեկը կա՞, որ ինձ խնամող սանիտարկեքի պես ինձ նայի, համոզված չեմ, որ կան, ու հենց դրա համար էի հացադուլ հայտարարել, բայց հենց նրանց հորդորներով էլ կրկին հրաժարվեցի հացադուլի մտքից»,- Sputnik Արմենիային ասաց Այվազյանը:

Житель дома-интерната в Гюмри Саак Айвазян
© Sputnik / Armenuhi Mkhoyan
Սահակ Այվազյան

ՀՀ աշխատանքի և սոցիալական հարցերի նախարար Զարուհի Բաթոյանը երեկ Facebook–ի իր էջում անդրադարձել էր այս թեմային ու նշել` տեղեկությունները, թե «Գյումրու տուն-ինտերնատ» ՊՈԱԿ-ի տարեց խնամյալները դուրս են հանվելու խնամքի տնից, կեղտոտ մանիպուլյացիայի հետևանք են և չեն համապատասխանում իրականությանը: «Մենք շարունակելու ենք բարեփոխումները հանուն մեր տատիկների և պապիկների, իսկ նրանք, ովքեր այս գործում անձնական շահ կհետապնդեն, կարժանանան համապատասխան վերաբերմունքի՝ օրենքով սահմանված կարգով»,– գրել էր նախարարը։

Նախարարի այս գրառումն ավելի է զայրացել ինտերնատի աշխատակիցներին՝ ստիպելով նրանց ստեղծել ինտերնատի աշխատակիցների շահերի պաշտպանության կոմիտե:

Գյումրու ճանապարհները կբարեկարգվեն. կառավարությունը 4.5 մլն եվրո կտրամադրի

«Ես 33 տարի է` աշխատում եմ այստեղ, այս ընթացքում նվիրված աշխատել եմ ոչ միայն ես, այլ նաև բոլոր գործընկերներս, ու եթե կար խնդիր, մեր աշխատանքից դժգոհ էին, դրա համար է նախարարությունը որոշել ծառայությունը մատուցելու համար այլ կազմակերպություն ընտրել, ապա թող իրենց դժգոհությունն ավելի վաղ արտահայտեին: Ես իմ մասին չեմ մտածում, այլ ջահելների, որ այս լուծարման պատճառով լրացնելու են գործազուրկների թիվը»,- ասաց սոցիալական աշխատող Ամալյա Հովհաննիսյանը:

Социальный работник дома-интерната в Гюмри Амалья Ованнисян
© Sputnik / Armenuhi Mkhoyan
Ամալյա Հովհաննիսյան

Գյումրու տուն-ինտերնատի տնօրենի ժամանակավոր պաշտոնակատար Արմեն Սարուխանյանն էլ Sputnik Արմենիայի հետ զրույցում նշեց, որ այս դեպքում խոսքը վերաբերում է ոչ թե տուն-ինտերնատի շենքին ու ինտերնատում բնակվող տատիկ-պապիկներին, այլ անձնակազմին: Նրա կարծիքով` այն, որ ծառայության որակը պետք է բարձրացվի, քննարկման ենթակա չէ։

И.о. директора дома-интерната в Гюмри Армен Саруханян
© Sputnik / Armenuhi Mkhoyan
Արմեն Սարուխանյան

Տնօրենը վստահեցրեց, որ իրենք տուն-ինտերնատում ոչ մի հեղափոխական տրամադրություն չունեն, պարզապես իրենց իրավունքներն են պաշտպանում ու ինքը` որպես տնօրենի ժամանակավոր պաշտոնակատար, իր աշխատակազմի կողքին է, բայց քանի որ նախարարությունում սա արդեն «անձնական շահից բխող դիտավորություն» են համարում, որոշել է՝ աշխատակազմի իրավունքներն այսուհետ նորաստեղծ կոմիտեն է պաշտպանելու:

Կոմիտեի անդամները Sputnik Արմենիայի հետ զրույցում նշեցին, որ նախարարությունը մրցույթի մասին իրազեկումը նորմալ չի կատարել, որպեսզի իրենք էլ հավասարը հավասարին իրավունքով, ժամանակ ունենալով ստեղծեին հասարակական կազմակերպություն և մասնակցեին մրցույթին։ Նրանց խոսքով` այս ողջ ընթացքում ոչ մի անգամ չեն հանդիպել աշխատակիցներին, չեն շփվել շահառուների հետ։ Նրանք հիմա համոզված են, որ մրցույթի մասին խոսելն արդեն ավելորդ է, եթե շրջանառվում է Կարմիր խաչի անունը` որպես ընտրված կազմակերպություն:

Ինչպես երիտասարդը Գյումրուց տեղափոխվեց գյուղ ու որոշեց ծղոտե հյուրատուն կառուցել

Գյումրու տուն-ինտերնատում ապրում են ոչ միայն միայնակ ծերերը, այլև հաշմանդամություն ունեցող անձինք: Շահառուների թիվն այս պահի դրությամբ 156 է: Ունի 72 աշխատակից:

Дом-интернат в Гюмри
© Sputnik / Armenuhi Mkhoyan
Գյումրու ծերերի տուն-ինտերնատ

Ըստ թեմայի

Գյումրու պատմության մոռացված մասնիկը. ինչ կլինի Ֆրունզիկի և Գալյա Նովենցի «սիրո տան» հետ
Սատանան մանրուքներում է. ինչու են Գյումրու գլխավոր եկեղեցին անվանում «Յոթ վերք»
Ֆլեշմոբ Գյումրու կենտրոնում. երեխաները կյանքի կոչեցին Ալեքպոլի որբանոցի սաների լուսանկարը
թեգերը:
հացադուլ, Զարուհի Բաթոյան, Գյումրի, Հայաստան

Գլխավոր թեմաներ