05:18 21 նոյեմբերի 2019
Ուղիղ եթեր
  • USD476.98
  • GBP615.73
  • EUR527.68
  • RUB7.46
Նիկոլ Փաշինյան

Փաշինյանը չի հրաժարվել 10 մլն ծառ տնկելու գաղափարից. վարչապետը կրկնեց իր հայտարարությունը

© Sputnik / Aram Nersesyan
Հասարակություն
Ստանալ կարճ հղումը
63 0 0

«Հանուն անտառների. գլոբալ ջանքերը և Հայաստանը» համաժողովում ՀՀ վարչապետը դարձյալ անդրադարձել է մեկ տարվա ընթացքում 10 մլն ծառ տնկելու ծրագրին։

ԵՐԵՎԱՆ, 22 հոկտեմբերի — Sputnik. Հայաստան ծառատունկ ծրագիրը (Armenia Tree Project) մեր երկրում իր գործունեության 25 տարվա ընթացքում  6 մլն ծառ է տնկել։ Այսօր կազմակերպության հոբելյանին նվիրված  «Հանուն անտառների. գլոբալ ջանքերը և Հայաստանը» համաժողովի բացման խոսքում ասաց ՀՀ վարչապետ Նիկոլ Փաշինյանը։

«Համոզված եմ, որ ATP-ն շարունակելու է նպաստել մեր երկրի կայուն զարգացմանը։ Մենք երախտապարտ կլինենք ձեր մասնակցությանը մինչև 2050թ–ը մեր երկրի անտառածածկ տարածքները կրկնապատկելու ռազմավարական ծրագրի իրականացմանը։ Հուսով եմ` տեղյակ եք 2020թ–ին մեկնարկող 10 մլն ծառ տնկելու մեր նախաձեռնության մասին, և կարծում եմ, որ այդ նախաձեռնությունը կդառնա Հայաստանի անտառածածկը կրկնապատկելու ուղղությամբ առաջին քայլը»,– ասաց վարչապետը։

Նա նաև նշեց, որ ՀՀ կառավարությունն այս տարի 424 մլն դրամ է հատկացրել`մինչև տարեվերջ 140 հա–ի վրա 500 000 ծառ տնկելու համար։

Ծրագրի արդյունքում ստեղծվել է 1000 ժամանակավոր աշխատատեղ, որոնցից միայն 500-ն է համալրվել։

Ավրորա Մարդիգանյանի ծառուղի. ֆորումի մասնակիցներն այցելել են Ծիծեռնակաբերդ. լուսանկարներ

«Այս պահին 300 աշխատատեղ կա  Լոռու մարզում, 200` Տավուշի,  50` Սյունիքի մարզերում։ Աշխատանքն, իհարկե, վճարովի է։ Այնպես, որ այս մարզերի բնակիչները կարող են ցանկության դեպքում դիմել «Հայանտառ» ՊՈԱԿ–ի մասնաճյուղեր»,– ասաց Փաշինյանը։ 

Փաշինյանը շեշտեց, որ կառավարության անտառվերականգնման ծրագրերն իրենց մասշտաբներով աննախադեպ են և վկայում են ՀՀ կառավարության վճռականության մասին` Հայաստանում անտառների վերականգնման ու պահպանման հարցում։

Հիշեցնենք, 2019թ–ի հոկտեմբերի 16-ին «Գլոբալ ինովացիոն ֆորում 2019. փոխակերպելով բանականությունը» համաժողովում ունեցած իր ելույթում ՀՀ վարչապետ Նիկոլ Փաշինյանը հայտնել էր 2020 թվականի 10-րդ ամսվա 10-րդ օրը 10 միլիոն ծառ տնկելու ծրագրի մասին։

Մինչ այդ, այս գաղափարը հնչել էր կառավարության նիստում, և շրջակա միջավայրի նախարարի Էրիկ Գրիգորյանի խոսքով` նախապես չէր քննարկվել հնարավոր դոնորների ու մասնագետների հետ։

Այդուհանդերձ, ծրագրի մասին պաշտոնապես արդեն մի քանի անգամ հայտարարվել է։

Բայց բնապահպանները տարակուսում են` հայտարարելով, որ այդ ծավալի աշխատանքների համար պետք է նախապատրաստվել նախապես` ունենալ մշակված հողատարածք, ոռոգման հնարավորություն ու մեծ գումար` 10 մլն տնկի ձեռք բերելու համար։

Ըստ թեմայի

Վանքի անվտանգությունը հսկող քահանան. տեր Հովհաննեսը փորձում է փրկել Դադիվանքը փլուզումից
«Եռաբլուրը» ծառապատվում է, նախարարը մասնակցում է ծառատունկին
Քանի միլիարդ արժե ավելի կանաչապատ Երևանը
Հարությունյան. «Ծառը միայն տնկելով չէ, պետք է տնկին 4-5 տարի պարբերաբար խնամվի»
Որքանո՞վ է իրատեսական Փաշինյանի ասած 10 մլն ծառ տնկելը. վերցնենք ցնցուղն ու ջրենք անապատը
թեգերը:
ծառատունկ, Նիկոլ Փաշինյան, ծառ, Հայաստան

Գլխավոր թեմաներ