08:35 22 նոյեմբերի 2019
Ուղիղ եթեր
  • USD476.69
  • GBP617.03
  • EUR528.46
  • RUB7.47
Արման Թաթոյան, ՀՀ ՄԻՊ

Մարդու իրավունքների պաշտպանը պարզաբանում է պահանջել ՀՔԾ–ից Արսեն Բաբայանի գործի մասին

© Photo: official site of the PM of RA
Հասարակություն
Ստանալ կարճ հղումը
54 0 0

Մարդու իրավունքների պաշտպանը զբաղվում է Արսեն Բաբայանի գործով։ ՄԻՊ աշխատակիցներն այցելել են ձերբակալված Արսեն Բաբայանին։

ԵՐԵՎԱՆ, 22 հոկտեմբերի — Sputnik. Մարդու իրավունքների պաշտպանն ԱԺ աշխատակազմի ղեկավարի նախկին տեղակալ Արսեն Բաբայանի ձերբակալության վերաբերյալ պարզաբանումներ է պահանջել Հատուկ քննչական ծառայությունից և պատասխանի համար մեկօրյա ժամկետ սահմանել։ Այս մասին հայտնում է ՄԻՊ Արման Թաթոյանը Facebook-ի իր էջում։

Նա նաև հայտնում է, որ հանձնարարել է իր աշխատակիցներն այցելել Ձերբակալվածներին պահելու վայր՝ տեսակցելու Արսեն Բաբայանին:

Մինչ այդ Արման Թաթոյանն ուսումնասիրել է Բաբայանի ձերբակալության մասին Հատուկ քննչական ծառայության հայտարարությունն ու այդ առիթով մասնագիտական մի շարք դիտարկումներ արել։

Արսեն Բաբայանի ձերբակալումը ՍԴ նախագահի դեմ սկսած օպերացիայի հերթական սերիան է. Շարմազանով

Մասնավորապես, պաշտպանն ընդգծում է, որ պաշտոնական հաղորդագրության համաձայն` Արսեն Բաբայանը ձերբակալվել է Քրեական օրենսգրքի 314-րդ հոդվածի 1-ին մասով նախատեսված ենթադրյալ արարքի համար։

2018 թվականի համաներման մասին օրենքով` մինչև 2018 թվականի հոկտեմբերի 21-ը ներառյալ կատարած հանցագործությունների դեպքերով այս արարքը ենթակա չէ քրեական հետապնդման։

Համաներման մասին օրենքով այդ հիմքով հարուցված քրեական գործերի վարույթը ենթակա է կարճման։ Քրեական հետապնդումը չի կարող դադարեցվել միայն այն դեպքում, եթե մեղադրյալը դրա դեմ առարկություն ունի:

«Մեջբերված օրենսդրական դրույթները ենթադրում են, որ եթե նույնիսկ անձն իր նկատմամբ համաներման մասին օրենքի կիրառման դեմ առարկում է, այդ գործով դատապարտման պարագայում անգամ նա որևէ դեպքում ազատազրկման ենթարկվել չի կարող»,– արձանագրում է Մարդու իրավունքների պաշտպանը։

Պատասխան են տալու. Ծառուկյանը` Արսեն Բաբայանի ձերբակալության մասին

Հիշեցնենք, որ երեկ ` հոկտեմբերի 21-ի երեկոյան, պաշտոնեական կեղծիք կատարելու կասկածանքով ձերբակալվել էր ՀՀ ԱԺ աշխատակազմի ղեկավարի նախկին տեղակալ Արսեն Բաբայանը։ Հատուկ քննչական ծառայության պաշտոնական հիմնավորման համաձայն` պաշտոնատար անձինք, այդ թվում` և՛ Բաբայանը, ՀՀ սահմանադրական դատարանի նախկին նախագահ Գագիկ Հարությունյանի` լիազորությունները վայր դնելու գործընթացում կատարել են պաշտոնեական կեղծիքներ։ Պաշտոնատար անձինք այդ քայլին դիմել են  խմբային շահերից ելնելով, անձամբ, ինչպես նաև պաշտոնատար անձ չհանդիսացող աշխատակիցների միջոցով։

Ըստ թեմայի

Յուրի Խաչատուրովի փաստաբանը դատարանից նկատողություն ստացավ
Գագիկ Խաչատրյանին կալանավայրից հիվանդանոց են տարել
Գործը չի ջրվել. ԱԱԾ–ն հերքում է «Ժամանակ» թերթի և 1in.am-ի հրապարակումները
Ինչպես են բերման ենթարկել ոստիկանի սպանության մեջ կասկածվող եղբայրներին. տեսանյութ
թեգերը:
Արսեն Բաբայան, Հատուկ քննչական ծառայություն (ՀՔԾ), ՀՀ ՄԻՊ, Արման Թաթոյան

Գլխավոր թեմաներ