21:55 21 հունվարի 2020
Ուղիղ եթեր
  • USD479.33
  • GBP625.24
  • EUR531.82
  • RUB7.75
Հասարակություն
Ստանալ կարճ հղումը
«Հոկտեմբերի 27». ահաբեկչություն, դատավարություն (26)
11501

ԲՀԿ խմբակցության պատգամավոր Արման Աբովյանը նշել է, որ չի ուզում մեկնաբանել անգամ` ճիշտ է, թե սխալ Նաիրի Հունանյանի` վաղաժամկետ ազատման խնդրանքը։

ԵՐԵՎԱՆ, 25 հոկտեմբերի — Sputnik. ԱԺ «Բարգավաճ Հայաստան» խմբակցության  քարտուղար Արման Աբովյանը, որպես մարդ ու որպես քաղաքական գործիչ, բազմաթիվ հարցեր ունի «Հոկտեմբերի 27-ի» գործով ահաբեկչական խմբավորման ղեկավար Նաիրի Հունանյանին։ Այս մասին այսօր Աբովյանն ասաց ԱԺ ճեպազրույցի ժամանակ` անդրադառնալով Հունանյանի` վաղաժամկետ ազատ արձակման խնդրանքին։

«Դժվար է խոսել Հոկտեմբերի 27–ի մասին, քանի որ այդ օրը փոխվեց ՀՀ ճանապարհը։ Դա ՀՀ նորագույն պատմության ամենացավալի, ամենասուր ու վատ օրն էր։ Ինչ վերաբերում է դատապարտյալի խնդրանքին, որի նույնիսկ ազգանունը չեմ ուզում ասել, ապա պետք է սպասել։ Չեմ ուզում մեկնաբանել անգամ` ճի՞շտ է, թե՞ սխալ նրա խնդրանքը»,–ասաց նա։

Պատգամավորի խոսքով` այս պարագայում  որքան էլ էմոցիոնալ ընկալում ունենանք, պետք է սպասենք, թե ինչ որոշում կընդունի իշխանությունը։

Հիշեցնենք, որ «Հոկտեմբերի 27-ի» գործով ահաբեկչական խմբավորման ղեկավար Նաիրի Հունանյանը սեպտեմբերի 11–ին դիմում էր ներկայացրել` վաղաժամկետ ազատ արձակման խնդրանքով, քանի որ դատապարտվելուց 20 տարի անց ցմահ դատապարտյալներն իրավունք ունեն դիմել պայմանական վաղաժամկետ ազատման համար։

Դիմումը քննվելու է 80–օրյա ժամկետում։

Նաիրի Հունանյանը պատիժը կրում է «Երևան Կենտրոն» քրեակատարողական հիմնարկում։

Հիշեցնենք նաև, որ 1999թ-ի հոկտեմբերի 27-ին ոճրագործների խումբը` Նաիրի Հունանյանի գլխավորությամբ, ներխուժել էր ՀՀ Ազգային ժողովի նիստերի դահլիճ և սպանել ԱԺ խոսնակ Կարեն Դեմիրճյանին, վարչապետ Վազգեն Սարգսյանին, փոխխոսնակներ Յուրի Բախշյանին և Ռուբեն Միրոյանին, օպերատիվ հարցերով նախարար Լեոնարդ Պետրոսյանին, պատգամավոր Արմենակ Արմենակյանին, Հենրիխ Աբրահամյանին և Միքայել Քոթանյանին:

Ահաբեկիչների նկատմամբ դատական գործը սկսվեց 2001թ.-ի փետրվարին և տևեց մինչև 2003թ.-ի դեկտեմբերը։

Դատարանի որոշմամբ` Նաիրի Հունանյանը, նրա եղբայրը` Կարեն Հունանյանը, նրանց քեռին` Վռամ Գալստյանը, ինչպես նաև Դերենիկ Բեջանյանը, Էդիկ Գրիգորյանը և Աշոտ Կնյազյանը դատապարտվեցին ցմահ, Համլետ Ստեփանյանը` 14 տարվա ազատազրկման։

թեմա:
«Հոկտեմբերի 27». ահաբեկչություն, դատավարություն (26)

Ըստ թեմայի

«Փորձում են իրենց արածը գցել ուրիշի վրա». Սամվել Բաբայանը` «Հոկտեմբերի 27»-ի մասին
«Հոկտեմբերի 27»-ի գործով դատապարտված Նաիրի Հունանյանն ուզում է դուրս գալ բանտից
1999թ.–ի ԱԺ անդամների սպանությունը. ՀՔԾ–ն չի զբաղվում ԱԱԾ-Հունանյան կապերը ստուգելով
Ռոբերտ Քոչարյանը գիտի՞ Վահան Շիրխանյանի աղմկահարույց նամակի մասին
թեգերը:
Պատգամավոր, Բարգավաճ Հայաստան կուսակցություն (ԲՀԿ), Հոկտեմբերի 27, Նաիրի Հունանյան, Արման Աբովյան, ԱԺ, Հայաստան

Գլխավոր թեմաներ