05:30 28 սեպտեմբերի 2020
Ուղիղ եթեր
  • USD485.27
  • GBP617.36
  • EUR565.05
  • RUB6.28
Հասարակություն
Ստանալ կարճ հղումը
287 0 0

48–ամյա կինը, օգտվելով երեք անչափահաս երեխաների մոր ու 16–ամյա աղջնակի անօգնական վիճակից, նրանց դրդել է զբաղվել մարմնավաճառությամբ, իսկ գումարը վերցրել և տնօրինել է ինքը։

ԵՐԵՎԱՆ, 29 հոկտեմբերի – Sputnik. ՀՀ քննչական կոմիտեում քննվող քրեական գործով մեղադրանք է առաջադրվել 1970թ. ծնված կնոջը՝ մարդուն սեռական շահագործման ենթարկելու, ինչպես նաև նույն արարքը անչափահասի նկատմամբ կատարելու համար: Այս մասին հայտնում է Քննչական կոմիտեն։

Արագածոտնի մարզի 48–ամյա բնակչուհին 2018 թվականի օգոստոսին տեղեկանալով, որ երեք փոքրահասակ երեխաների հետ անօթևան մնացած կինը բնակության վայր է փնտրում, աշխատանքով ապահովելու պատրվակով նրան և նրա երեք անչափահաս երեխաներին տեղափոխել է իր տուն, ապա վերցրել անձնագիրն ու նրա կամքին հակառակ, սպառնալիքների ներքո դրդել է զբաղվել մարմնավաճառությամբ:

«Նախաքննության ընթացքում պարզվել է, որ տանից դուրս հանելու սպառնալիքներ տալու, ինչպես նաև նրա կյանքի ու առողջության համար ոչ վտանգավոր բռնություն գործադրելու՝ ծեծի ենթարկելու միջոցով, մինչև 2018թ. դեկտեմբերի կեսերը հարկադրել է գրեթե ամեն օր ինչպես իր տանը, այնպես էլ տարբեր մարզերում գտնվող հյուրանոցային համալիրներում սեռական հարաբերություններ ունենալ իր կողմից մատնանշած տարբեր տղամարդկանց հետ, վերջիններիցս անձամբ ստանալով գումարները՝ տնօրինել է դրանք»,–ասվում է Քննչական կոմիտեի տարածած հաղորդագրության մեջ։

Անչափահաս երեխաների մայրն այս մասին ոստիկանությունում հաղորդում է ներկայացրել 2019թ.–ի մայիսին։

Գիշերվա ժամին անչափահաս երեխային թրաֆիքինգի են ենթարկում. նախարար

Օրեր անց կրկին նույն կնոջ կողմից շահագործման ենթարկելու դեպքի վերաբերյալ հաղորդում է տվել անչափահաս մեկ այլ բնակչուհի:

Քննչական կոմիտեն պարզել է, որ տեղեկանալով ծնողի հսկողությունից դուրս մնացած 16 տարին լրացած աղջկա կողմից աշխատանք փնտրելու ցանկության մասին, կինը գայթակղելով մոլորության մեջ է գցել վերջինիս և մինչև 2019 թվականի ապրիլն ընկած ժամանակահատվածում, ինչպես  իր տանը, այնպես էլ տարբեր հյուրանոցային համալիրներում, կազմակերպելով հանդիպումներ տարբեր տղամարդկանց հետ,  պոռնկության շահագործման է ենթարկել աղջկան և ինքնուրույն տնօրինել սեռական ծառայության դիմաց վճարված գումարները:

Ձեռք բերված բավարար ապացույցների հիման վրա՝ 48-ամյա կնոջը մեղադրանք է առաջադրվել՝ ՀՀ քրեական օրենսգրքի 132-րդ հոդվածի (Մարդու թրաֆիքինգը և սեռական շահագործումը) 1-ին մասով և 132.2-րդ հոդվածի 1-ին մասով: Նրա նկատմամբ որպես խափանման միջոց է ընտրվել կալանավորումը:

Նախաքննությունը շարունակվում է:

Հաշվի առնելով քրեական գործի առանձնահատկությունները՝ այլ մանրամասներ հրապարակման ենթակա չեն:

Ըստ թեմայի

Ընտանեկան բռնության ու թրաֆիքինգի ենթարկվածները օգնություն կստանան. վարչապետ
Ստիպել են Երևանի փողոցներում անձեռոցիկ վաճառել ու խլել են ողջ գումարը. թրաֆիքինգի նոր դեպք
Շիրակում աղջիկը ապրել է սարերում, ապա 8 տարի մնացել գերության մեջ` թրաֆիքինգի ենթարկվելով
«Ծնողիս «մամայով» էր դիմում». շիրակցի ֆերմերը հերքում է աղջկան թրաֆիքինգի ենթարկելու փաստը
թեգերը:
Քրեական գործ, Թրաֆիքինգ, աղջիկ, Կին, ՀՀ քննչական կոմիտե

Գլխավոր թեմաներ