ԵՐԵՎԱՆ, 29 հոկտեմբերի — Sputnik. Երևանի մի քանի ստորգետնյա անցումներ կսկսեն հիմնանորոգել 2020թ–ին։ Այդ մասին այսօր հայտարարեց Երևանի փոխքաղաքապետ Հայկ Սարգսյանը` պատասխանելով «Բարգավաճ Հայաստանի» պատգամավոր Սերգեյ Բագրատյանի` Երևանի ստորգետնյա անցումների մասին հարցին։
Բագրատյանը քաղաքային իշխանություններին մեղադրեց նրանում, որ մի քանի ստորգետնյա անցումներում կեղտոտում են, իսկ մի քանիսում նույնիսկ լուսավորություն չկա։
Դրան փոխքաղաքապետը պատասխանեց, որ հատկապես վատ վիճակում է Մաշտոցի պողոտայի սկզբում գտնվող ստորգետնյա անցումը` Գրիգոր Լուսավորիչ և Պարոնյան փողոցների խաչմերուկում։
«Այստեղ խոնավություն է կուտակվում, որը կաթում է առաստաղից։ Ուստի անհրաժեշտ է հիմնանորոգել։ Առանց դրա ամեն ինչ նորից կխոնավանա։ Ոչ ոք չի համաձայնում այստեղ խանութներ բացել», – հավելեց Սարգսյանը։
Երևանի գետնանցումներից մեկը կահավորվել է հաշմանդամների համար նախատեսված վերելակներով
Այժմ քաղաքապետարանը ժամանակավոր լուսավորություն է անցկացնում անցումներում, որպեսզի մութ չլինի։ Իսկ հիմնանորոգման համար կապալառուի մրցույթ կհայտարարվի մյուս տարի։
Եվ թող լինի լույս. Կասպերսկին «լուսավորեց» Երևանի ստորգետնյա անցումներից մեկը
Նշենք, որ Երևանի գրեթե բոլոր գետնանցումները լի են խանութներով կամ այլ տաղավարներով, որոնք կրկնակի նեղացնում են անցումները։ Նշված գետնանցումը, որը դեռ վերանորոգված չէ, շատ «սիրված վայր» է ԼԳԲՏ ներկայացուցիչների համար։
