08:33 06 հունիսի 2020
Ուղիղ եթեր
  • USD481.74
  • GBP608.44
  • EUR546.00
  • RUB7.01
Հասարակություն
Ստանալ կարճ հղումը
Դու մենակ չես (9)
618730

Sputnik Արմենիան նոր` «Դու մենակ չես» նախագծի շրջանակում ներկայացնում է քաղցկեղը հաղթահարած ու հաղթահարող երեխաների պատմություններ։ Նրանք և նրանց ծնողները պատմում են` ինչպես ուժեղ լինել ու լայն ժպտալ։

ԵՐԵՎԱՆ, 30 հոկտեմբերի – Sputnik. Նանա Մարտիրոսյան. Էրիկ Տեր–Մկրտչյանը յոթ տարեկան է։ Արդեն երկու տարի նա պայքարում է ծանր հիվանդության` T-բջջային լիմֆոմայի դեմ։ Հիվանդությունը կարողացել է հաղթահարել ծնողների, բժիշկների ու իր հորինած երկրորդ «ես»-ի շնորհիվ, որը ոչ միայն բնավորությամբ է իր հիմնական «ես»-ից տարբերվում, այլ նաև անունով։ Էրիկը երազանքներ ունի, բայց գերադասում է չխոսել դրանց մասին։ Վստահ է` երբ բարձրաձայնում ես, երազանքդ չի իրականանում։

Герой проекта Ты не один Эрик Тер-Мкртчян
© Sputnik / Aram Nersesyan
7–ամյա Էրիկ Տեր–Մկրտչյանը

Էրիկի մայրը` Հասմիկ Կարապետյանը, խոստովանում է` այս երկու տարում ամենածանր ապրումներն ունեցել է երեխայի հիվանդության մասին լսելիս։ Դժվար էր նաև, երբ ութամսյա բուժումից հետո հիվանդությունը կրկնվեց։

Герой проекта Ты не один Эрик Тер-Мкртчян с мамой Асмик Карапетян
© Sputnik / Aram Nersesyan
Էրիկ Տեր–Մկրտչյանը մոր` Հասմիկ Կարապետյանի հետ

«Չգիտեի` ինչ է T-լիմֆոման։ Երբ իմացա, որ քաղցկեղ է, ամեն ինչ փուլ եկավ գլխիս։ Ուզում էի` սիրտը լիներ կամ երիկամը, որ կարողանայի իմը տալ ու փրկել երեխայիս։ Էրիկս միանգամից մեծացավ»,- ասում է մայրը։

Խնդրեց չլացել, շարունակել ապրել հանուն հայրիկի ու քրոջ. երբ մանկական քաղցկեղը դատավճիռ է

Հասմիկի խոսքերը հաստատվում են մեր զրույցի առաջին իսկ վայրկյաններին. Էրիկը հեքիաթներ ու մուլտֆիլմեր չի սիրում, փոխարենն ուզում է ռենջեր լինել ու պաշտպանել աշխարհը չարությունից։ Նա վստահ է` չար մարդիկ քիչ են, բայց նույնիսկ նրանց է պետք պաշտպանել վատ երևույթներից ու կենդանիներից։ Ի դեպ, կենդանիների հանդեպ նույնպես անտարբեր է. եթե պահեր, ապա միայն առյուծ կամ արծիվ, որովհետև արքաներ են ու ուժեղ են։

Герой проекта Ты не один Эрик Тер-Мкртчян
© Sputnik / Aram Nersesyan
7–ամյա Էրիկ Տեր–Մկրտչյանը

Էրիկն ինքն էլ ուզում է ուժեղ լինել ու արդեն մտածել է` ինչ է դառնալու։

«Մենակ սպորտսմեն եմ ուզում դառնալ։ Ինչ սպորտ ուզում է՝ լինի, կարևորը` սպորտ լինի։ Մարտ առանց կանոնների եմ սիրում, բայց դեռ չեմ կարող դրանով զբաղվել։ Հենց առողջանամ, կգնամ Սարգիս Վարդանյանի մոտ ու կսովորեմ նրանից»,-ասում է 7–ամյա տղան։

Բուժման սկզբում նրան ոգեշնչել են բժիշկները, որոնց, ի դեպ, շատ է սիրում ու աչքերի փայլով է խոսում իրեն բուժողների մասին։ Ամեն անգամ Լիլիթ Ռադիկովնային ծաղիկներ է բերում ու ամուր–ամուր գրկում։ Ասում է` այդ պահերին զգում է` ինչպես է բարությունը լցվում ներսն ու իրեն ավելի ուժեղ դարձնում։

Герой проекта Ты не один Эрик Тер-Мкртчян с лечащим врачем Лилит Саркисян
© Sputnik / Aram Nersesyan
Էրիկ Տեր–Մկրտչյանը բժշկուհու` Լիլիթ Ռադիկովնայի հետ

«Սկզբում ցավոտ էր, երբ կատետր էին տեղադրում կամ տևագրաստիմ սրսկում (նա գիտի իր բոլոր դեղերը), բայց ես չէի լացում, իսկ հիմա արդեն սովորել եմ: Սիրով եմ գալիս բժիշկներիս մոտ. գիտեմ, որ դա ինձ պետք է»,–պատմում է Էրիկը։

Հիվանդանոցում նա արդեն հասցրել է նաև ընկերներ ձեռք բերել։ Արմենի ու Դավթի հետ հիվանդանոցից դուրս էլ են հանդիպում, բայց միևնույնն է` լավագույն ընկերը եղբայրն է, իսկ հարազատ հոգին` իր հորինած երկրորդ «ես»-ը` Նարեկը։

Աննա Հակոբյանն այցելել է Ուռուցքաբանականում բուժում ստացող մանուկներին

Հիվանդության հայտնաբերումից ամիսներ առաջ Էրիկն արթնացել է ու պահանջել, որ իրեն Նարեկ կոչեն։ Ծնողները չեն հասկացել՝ ինչ է կատարվում, իսկ բուժման ընթացքում փոքրիկը սկսել է պահանջել, որ իր համար Գրիգոր Նարեկացու «Մատյան ողբերգությանը» կարդան։

Герой проекта Ты не один Эрик Тер-Мкртчян
© Sputnik / Aram Nersesyan
Էրիկ Տեր–Մկրտչյանը

«Նարեկը խելոք է, ինքը լսում է բժիշկներին ու ծնողներին։ Էրիկն ավելի չարաճճի է, իսկ այ Արիստակեսը (կնքանուն) ամենաչարաճճին է։ Բայց իրենք բոլորն էլ բարի են ու երեքով ավելի ուժեղ են, քան մենակ–մենակ»,- աչքերն արագ–արագ պրպտացնելով պնդում է տղան։

Герой проекта Ты не один Эрик Тер-Мкртчян
© Sputnik / Aram Nersesyan
Էրիկ Տեր–Մկրտչյանը

Ի դեպ, Էրիկն ասում է, որ իր երեք «ես»-երն էլ մաթեմատիկա են սիրում ու այն սովորել են փող հաշվելով։ Նա չի որոշել՝ ինչքան փող է ուզում ունենալ, բայց որ ունենա, հաստատ ուրիշներին էլ կտա։ Չի հասկանում` ինչու մարդիկ ավելի կամեցող չեն, բայց պատրաստ է բոլորին բաժին հանել իր ժպիտից ու մատիտներից, բացի նարնջագույնից. իր սիրած գույնն է։ Բոլոր նրանց, ովքեր դեռ չեն ավարտել բուժումը, Էրիկն ընդամենը մի բան ունի ասելու` թող շուտ առողջանան։

Герой проекта Ты не один Эрик Тер-Мкртчян с папой Эдвардом Тер-Мкртчяном
© Sputnik / Aram Nersesyan
Էրիկ Տեր–Մկրտչյանը` հայրիկի հետ

Նշենք, որ Sputnik Արմենիայի «Դու մենակ չես» նախագծի հերոսները City of Smile բարեգործական հիմնադրամի շահառուներն են։ Հիմնադրամն աջակցում է երեխաներին հաղթահարել քաղցկեղը և արյան հիվանդությունները՝ տրամադրելով անվճար բուժում, դեղորայք և սնունդ։

Դու մենակ չես. 7-ամյա Էրիկը գտել է իր երկրորդ «ես»-ը, անվանել Նարեկ ու նրա օգնությամբ հաղթահարել քաղցկեղը
թեմա:
Դու մենակ չես (9)

Ըստ թեմայի

Ամերիկահայ բժիշկ Արմենյանի թիմը քաղցկեղը հաղթահարած մարդկանց համար սարք է մշակել․ բացառիկ
Ձգտում ենք քաղցկեղի այնպիսի կենտրոն ստեղծել, որը կսպասարկի ողջ տարածաշրջանին. Հակոբյան
Պետությունը ֆինանսավորելու է քաղցկեղի բուժման միայն մի մասը
թեգերը:
հիվանդանոց, տղա, երեխա, քաղցկեղ, Էրիկ Տեր–Մկրտչյան, «Դու մենակ չես»

Գլխավոր թեմաներ