22:35 12 դեկտեմբերի 2019
Ուղիղ եթեր
  • USD477.71
  • GBP629.96
  • EUR531.55
  • RUB7.56
Արայիկ Հարությունյան

Սատանիզմի հիմքով համերգներն այլևս չեն չեղարկվի. նախարարը` ազատ արվեստի և «Մել» ֆիլմի մասին

© Sputnik / Aram Nersesyan
Հասարակություն
Ստանալ կարճ հղումը
154801

Մեծ աղմուկ բարձրացրած «Մել» վավերագրական ֆիլմի ֆինանսավորումը հատկացրել է մշակույթի նախարարությունը կա՛մ Լիլիթ Մակունցի, կա՛մ Նազենի Ղարիբյանի ղեկավարության օրոք, բայց Արայիկ Հարությունյանն էլ դեմ չէ ֆիլմի ստեղծմանը։

ԵՐԵՎԱՆ, 31 հոկտեմբերի — Sputnik. «Մել» աղմկահարույց ֆիլմի ֆինանսավորումը եղել է մինչ Արայիկ Հարությունյանի` կրթության, գիտության, մշակույթի և սպորտի նախարար դառնալը։ Նա այս մասին ասաց այսօր լրագրողների հետ զրույցում, բայց չհստակեցրեց` մշակույթի նախկին նախարարներից որի օրոք է եղել`Լիլիթ Մակունցի՞, թե՞ Նազենի Ղարիբյանի (ԺՊ)։

«Այո, իմ օրոք չի եղել։ Բայց կա մի շատ կարևոր բայց. իմ նախարարության օրոք մշակույթի ոլորտում ցենզուրա չի լինելու»,– հայտարարեց նախարարը։

Հարությունյանի համոզմամբ` եթե գեղագիտական խորհուրդներում ընդգրկված մասնագետները կհամարեն, որ արվեստի տվյալ գործն արժանի է հանրայնացվելու, այդ որոշումը կիրագործվի։

«Սատանիզմի հիմքով համերգներ չեղարկելն այլևս չի լինելու Հայաստանում, ինչ–որ մտացածին հիմքերով ինչ–որ բաներ չեղարկելը չի լինելու։ Արվեստը լինելու է ազատ, որովհետև անկախ պետության գրավականներից մեկն ազատ արվեստն է»,– ասաց նա։

Իսկ այն մարդիկ, որոնք փորձում են նման հարցերի շահարկման միջոցով քաղաքական դիվիդենտներ հավաքել, նախարարի խոսքով, «հետադիմության առաջամարտիկներ» են։

Կրթաթոշակ ստացողների թիվը 900–ով կավելանա. նախարար

Հիշեցնենք` օրերս հայտնի դարձավ, որ ծանրամարտիկ Մելինե (Մել) Դալուզյանի մասին ֆիլմ է նկարահանվելու։Ֆիլմի առանցքային թեման սիրող զույգի պատմություն է՝ սեռային փոքրամասնությունների իրավունքները պաշտպանելու նրանց պայքարը, միասին անցած ճանապարհը և այն, թե արտաքին ու ներքին ազդեցությունների տակ ինչպես են փոխվում Մելի ու Ծաղիկի (պայմանական անուն) փոխհարաբերությունները։ «Մելը» 2019 թվականին Հայաստանի ազգային կինոկենտրոն ներկայացված 65 հայտերից երկրորդ փուլ անցած լիամետրաժ նախագծերի թվում է: Պետությունը ֆիլմի ֆինանսավորման համար հատկացրել է 20 միլիոն դրամ:

Նշենք, որ հոկտեմբերի 4-ին Երևանի պետական տիկնիկային թատրոնում պետք է կայանար լեհական Vader խմբի համերգը։ Սակայն հանրության շրջանում դժգոհություններ ծագեցին առ այն, որ խումբը սատանիստական է, և համերգը չեղարկվեց։

Դասագրքերը վատ վիճակում են. ե՞րբ սպասել փոփոխությունների

Ըստ թեմայի

Այն, որ ներկրման ոլորտում մենաշնորհ ունենք, պարզ էր, բայց դպրոցո՞ւմ. վարչապետը զարմացավ
Կառավարությունը նախակրթարաններ է բացել Գեղարքունիքի մարզի դպրոցներում. լուսանկարներ
Աշխատավարձերը նորից են բարձրացրել. որքան է լինելու ուսուցչի նվազագույն աշխատավարձը
թեգերը:
Մելինե (Մել) Դալուզյան, ֆիլմ, Արայիկ Հարությունյան, Հայաստան

Գլխավոր թեմաներ