ԵՐԵՎԱՆ, 3 նոյեմբերի — Sputnik. Վարչապետ Նիկոլ Փաշինյանի և գործարար Սամվել Ալեքսանյանի լուսանկարը կատակների տարափ է առաջացրել սոցիալական ցանցերում։ Տեսնելով Սամվել Ալեքսանյանի՝ ուրախությունից փայլատակող դեմքը, ինչ-որ մեկը հիշել է աֆրիկյան մայրցամաքի քրմերին, իսկ ինչ-որ մեկը` հենց իրեն` ուրբաթ երեկոյան։
Օգտատերերից մեկը հիշյալ լուսանկարը հրապարակել է և գրել․«Մոտս դիսկամֆորտ ա՝ կարամ քեզ Ազատիչով դիմեմ»։
«Ազատիչ» ասելով օգտատերը նկատի ունի Հայաստանի երրորդ նախագահ Սերժ Ազատի Սարգսյանին, որի վստահված անձը ոչ հեռավոր անցյալում սույն գործարարն էր։
Ինչ-որ մեկը սկսել է կատակել «ասֆալտին փռելու»` Փաշինյանի անցած տարվա սպառնալիքի թեմայով, որը հասցեագրած էր օլիգարխներին։
Այդ մեմում Ալեքսանյանը վարչապետին հարցնում է․ «Փռվե՞մ ասֆալտին , ձյաձ»։
Չեն մոռացել անգամ երգչուհի Զեմֆրիայի հայտնի երգերից մեկի ռոմանտիկ տողերը․
«Хочешь сладких апельсинов ?
Хочешь в слух рассказов длинных ?
Хочешь я убью соседей ?
Что мешают спать ..»
(Ուզու՞մ ես քաղցր նարինջներ,
Ուզո՞ւմ ես երկար պատմություններ,
Ուզո՞ւմ ես՝ սպանեմ հարևաններին,
Որոնք խանգարում են քնել․․․)
Հիշել են նաև հայկական ժողովրդական երգի համապատասխանող հատվածը․ «Կուզե՞ս մարալդ էղնիմ, կուզե՞ս ջեյրանդ էղնիմ»։
Լրագրող Արմեն Դուլյանը նույնպես իր ավանդն է ունեցել։ Նա Փաշինյանի և Ալեքսանյանի լուսանկարին ավելացրել է լուսանկար ֆաբրիկայից, որտեղ գրված է վարչապետի նշանաբանը․ «Հայաստանն իմ օջախն է, ժողովուրդն իմ ընտանիքն է»։
Վարչապետը տեքստիլ ֆաբրիկա է այցելել նոյեմբերի 1-ին։ Սակայն համացանցում մինչև հիմա չեն դադարում կատակները նրանց լուսանկարի շուրջ։
