05:36 21 նոյեմբերի 2019
Ուղիղ եթեր
  • USD476.98
  • GBP615.73
  • EUR527.68
  • RUB7.46
Սեռական բռնություն

Ինչպես է տղամարդը 13 և 16 տարեկան աղջիկներին ստիպել սեռական հարաբերություն ունենալ իր հետ

© Sputnik / Табылды Кадырбеков
Հասարակություն
Ստանալ կարճ հղումը
2903 0 0

Տղամարդը կարողացել է ստանալ դեռահաս աղջիկների մերկ լուսանկարները, հետո սպառնացել է հրապարակել դրանք, եթե իր հետ սեռական հարաբերություն չունենան։ ՀՀ քննչական կոմիտեն մանրամասներ է հայտնում։

ԵՐԵՎԱՆ, 5 նոյեմբերի — Sputnik. Տղամարդը սոցիալական ցանցերով ծանոթանալով 13, 16 տարեկան աղջիկների հետ` նրանցից ստացել է մերկ լուսանկարներ, իսկ հետո շանտաժի եղանակով ստիպել է իր հետ սեռական հարաբերություններ ունենալ։ Այս մասին հայտնում է ՀՀ քննչական կոմիտեն` ներկայացնելով քրեական գործի մանրամասները, որի նախաքննությունն ավարտվել է։

«Տղամարդը «ВКонтакте. com» սոցիալական կայքում գրանցել է իգական սեռի ներկայացուցչի անուն ազգանունով էջ և դրա միջոցով ծանոթացել ու նամակագրություն է վարել անչափահաս աղջկա հետ: Փոխադարձ շփման ընթացքում նա տեղեկացել է, որ աղջիկը 13 տարեկան է, սակայն շարունակելով կայքի միջոցով շփվել նրա հետ՝ համոզել և նրանից ստացել է վերջինիս մերկ լուսանկարը»,- նշված է հաղորդագրության մեջ։

Դրանից հետո տղամարդն իր կողմից օգտագործվող այլ էջից հաղորդագրություններ է ուղարկել դպրոցահասակ աղջկան, ներգործել նրա հոգեկան աշխարհի վրա, շանտաժի ենթարկել և պահանջել ու ստացել է վերջինիս մերկ մի քանի այլ լուսանկարներ ևս: Այնուհետև, դարձյալ շանտաժի ենթարկելով, պահանջել է իր հետ սեռական հարաբերություններ ունենալ՝ սպառնալով իր պահանջը չկատարելու դեպքում նշված լուսանկարներն ուղարկել նրա դասընկերներին, ինչպես նաև տարածել համացանցով:

Քրեական գործի նախաքննության ընթացքում տվյալներ են ձեռք բերվել նաև, որ նույն տղամարդը շանտաժի եղանակով երեք այլ անձանց նույնպես հարկադրել է սեռական հարաբերության ունենալ:

Այսպես՝ տղամարդը «ВКонтакте. com» սոցիալական կայքում դարձյալ գրանցել է իգական սեռի ներկայացուցչի անուն ազգանունով մեկ այլ էջ և դրա միջոցով ծանոթացել ու նամակագրություն է վարել Լոռու մարզի բնակչուհու հետ։ Նա շանտաժի ենթարկել, պահանջել և ստացել է վերջինիս մերկ լուսանկարները, շանտաժի ենթարկելով` պահանջել է իր հետ սեռական հարաբերություններ ունենալ՝ սպառնալով հիշյալ պահանջը չկատարելու դեպքում նշված լուսանկարները հրապարակել նրա համագյուղացիների, հարազատների շրջանում:

Բացի այդ, տղամարդը նույն եղանակով ծանոթացել է մեկ այլ՝ 16 տարին լրացած աղջկա հետ, ինչպես նաև Տավուշի մարզի բնակչուհու հետ։ Վերջիններիս հետ նույնպես սեռական հարաբերություն է ունեցել՝ շանտաժի դիմելով։

Արմավիրում անչափահասները սեռական հարաբերություն են ունեցել 13-ամյա աղջնակի հետ. նա հղի է

Տղամարդուն մեղադրանք է առաջադրվել՝ ՀՀ քրեական օրենսգրքի 140-րդ հոդվածի 1-ին մասով (3 դրվագ) և ՀՀ քրեական օրենսգրքի 140-րդ հոդվածի 2-րդ մասով, այն է՝ սեքսուալ բնույթի գործողություններին հարկադրելը։ Տղամարդու նկատմամբ որպես խափանման միջոց է ընտրվել կալանավորումը:

Հայտարարվել է նախաքննության ավարտի մասին, և քրեական գործը՝ մեղադրական եզրակացությամբ, ուղարկվել է դատարան:

Աղջիկը, որի հետ սեռական հարաբերություն էր ունեցել հայրը, կտեղափոխվի աջակցության կենտրոն

Ըստ թեմայի

Երևանցի տղամարդը սեռական ոտնձգություն է կատարել 13 տարեկան երեխայի նկատմամբ
Երեխաներ, ծերեր և օտարերկրացիներ. ո՞վ է Հայաստանում ամենից շատ տուժել սեռական բռնությունից
Սեռական դաստիարակության դասերի արդյունավետությունը դպրոցներում ցածր է. Վրեժ Շահրամանյան
թեգերը:
աղջիկ, տղամարդ, Հայաստան

Գլխավոր թեմաներ