ԵՐԵՎԱՆ, 6 նոյեմբերի — Sputnik. Ռիհաննայի երկրպագուները կոչ են անում բոյկոտել Էմինեմի արվեստը համացանցում հայտնված թրեքից հետո առաջացած սկանդալի պատճառով։ Թրեքը պետք է ներառվեր Էմինեմի Relapse ալբոմի մեջ։ Հայտնի, սակայն վերջին շրջանում փոքր–ինչ մոռացված ռեփերը, պատմում է Ռիհաննայի նկատմամբ իր ատելության մասին։ Միևնույն ժամանակ նա մեջբերում է 2009 թվականի միջադեպը, երբ երաժիշտը և Ռիհաննայի գործընկեր Քրիս Բրաունը ծեծել էին աղջկան, որի համար Էմինեմը պայմանական 5 տարվա ազատազրկման և 1400 ժամ ուղղիչ աշխատանքների էր դատապարտվել։
«Իհարկե, ես Քրիսի կողմն եմ, ես էլ կծեծեի այդ* (վատ կնոջը – խմբ.)»։ Այդ խոսքերը հստակ լսվում են թրեքի 7 վայրկյանանոց հատվածում։
Ռիհաննայի երկրպագուները սկսել են պաշտպանել իրենց սիրելի երգչուհուն` հիշեցնելով 47-ամյա Էմինեմին, որ հենց Ռիհաննան է վերադարձրել նրան «մեծ խաղ»։ 2010 թվականին Էմինեմը Ռիհաննայի հետ ձայնագրեց Love The Way You Lie համատեղ թրեքը, որը մեծ հաջողություն ունեցավ, ինչը մեծամասամբ, ինչպես նշում էին քննադատները, Ռիհաննայի շնորհիվ էր։
Մոդելը սկսել է ծննդաբերել հենց Ռիհաննայի ցուցադրության ժամանակ. լուսանկարներ
«Այո, այդ նա է (Ռիհաննան – խմբ.) նրան այն աշխարհից հետ բերել, երբ նրա մասին բոլորը մոռացել էին», – Daily Mail–ը մեջբերում է Twitter–ում հետևորդներից մեկի խոսքերը։
31-ամյա Ռիհաննան և 30-ամյա Քրիս Բրաունը սկսեցին հանդիպել 2008 թվականին և բաժանվեցին 5 տարի անց։ Այն բանից հետո, երբ հուսահատված երգչուհին համացանցում հրապարակեց իր մարմնին հասցրած վնասվածքների լուսանկարը, նրա ընտրյալը դատարանի առաջ կանգնեց։
