19:50 17 նոյեմբերի 2019
Ուղիղ եթեր
  • USD477.57
  • GBP614.78
  • EUR526.28
  • RUB7.48
Արծվիկ Մինասյան

«Արայիկ Հարությունյանը ենթակա է քրեական պատասխանատվության». Արծվիկ Մինասյան

© Sputnik / Asatur Yesayants
Հասարակություն
Ստանալ կարճ հղումը
12501

Արծվիկ Մինասյանը լրագրողների հետ հանդիպմանը հանցագործության մասին հայտարարություն է արել` նախարար Հարությունյանին առաջարկելով ընտրել Քրեական օրենսգրքի` իր համար առավել ընդունելի հոդվածը։

ԵՐԵՎԱՆ, 8 նոյեմբերի — Sputnik. Արայիկ Հարությունյանը ենթակա է պատասխանատվության` Քրեական օրենսգրքով։ Այսօր լրագրողների հետ հանդիպմանը ասաց ՀՅԴ ԳՄ անդամ, նախկին նախարար Արծվիկ Մինասյանը` պատասխանելով ԿԳՄՍ նախարարի նախօրեին հնչեցրած այն հայտարարությանը, թե իր հրաժարականը պահանջող երիտասարդների բերած դատարկ արկղերը լցնելու է ՀՅԴ անդամների  նկատմամբ քրեական գործերով։

«Առնվազն երկու հոդված այստեղ կա. սուտ մատնության հոդվածն է, երբ մարդը հանցագործության մասին գիտակցված սուտ մատնություն է անում կամ հանցագործություն է պարտակում, երբ ծանր հանցագործության թեման, գործիքը, փաստերը քողարկվում են։ Հակառակ դեպքում Արայիկ Հարությունյանի արտահայտած սպառնալիքներն ունեն մեկ նպատակ` քաղաքական շանտաժի միջոցով փորձել իբր իրավական մեղադրանքների տարափ տեղալ»,– ասաց Մինասյանը` նախարար Հարությունյանին առաջարկելով ընտրել Քրեական օրենսգրքի` իր համար առավել ընդունելի հոդվածը։

ՔԿ–ն Արծվիկ Մինասյանին հարցաքննության հրավիրելու առնչությամբ պարզաբանում է տարածել

Նրա խոսքով` այս ամենը վկայում է, որ ԿԳ ոլորտը վստահվել է անպատասխանատու անձի։

«Խելացի իշխանությունը երիտասարդների այսպիսի ընդվզումներն ընդունում է որպես ազդակ։ Երիտասարդների պոռթկումները հասկանում է որպես երիտասարդության շնչառություն։ Այսինքն` կարող ենք արձանագրել նաև, որ այս իշխանությունը խելացի էլ չէ»,– ասաց Մինասյանը։

Ի դեպ, ՀՅԴ ԳՄ անդամը պնդեց, որ նախարարի հրաժարականը պահանջողները միայն կուսակցական երիտասարդներ չեն, կան նաև անկուսակցական ուսանողներ, դասախոսներ, ՀՀ մտավորականներ։

Հիշեցնենք`  նոյեմբերի 6-ին ԿԳՄՍ նախարարության մուտքի մոտ բողոքի ակցիայի մասնակիցներն իրենց հետ դատարկ արկղեր էին բերել, որոնք թողեցին մուտքի մոտ` ասելով, որ բերել են, որպեսզի Արայիկ Հարությունյանը դրանցում դասավորի իր իրերը` հրաժարական տալուց հետո։

ՀՅԴ–ն կառավարության ծրագրում նկատել է Լևոն Տեր–Պետրոսյանի հայտնի սկզբունքը

Արկղերը դատարկ էին, բայց դրանց վրա տարբեր գրություններ կային. «պատվով հեռացիր», «նվերներ», «ապազգային դրամաշնորհներ», «հագուստ» և այլն։

Արայիկ Հարությունյանի հրաժարականի պահանջով հերթական ակցիան նոյեմբերի 7-ին ավարտվեց նախարարության շենքի դիմաց մեկնարկած նստացույցով, որն այս պահին էլ շարունակվում է։

Այսօր` նոյեմբերի 8-ին նստացույցի մասնակիցների հետ հանդիպել ու նրանց բողոքները լսել  են նախարար Հարությունյանն ու վարչապետ Նիկոլ Փաշինյանը։

Ըստ թեմայի

Նախարարը խոստանում է դաշնակցականների բերած արկղերը լցնել նրանց վերաբերյալ քրգործերով
Արայիկ Հարությունյանի հրաժարականը պահանջողները կգիշերեն նախարարության առջև
«Չեմ կիսում ձեր մտահոգությունները». Փաշինյանը հանդիպեց նստացույց անող երիտասարդներին
«Պատվով հեռացի՛ր». երիտասարդները շարունակում են պահանջել Արայիկ Հարությունյանի հրաժարականը
թեգերը:
Արայիկ Հարությունյան, Հայ Յեղափոխական Դաշնակցություն (ՀՅԴ), Արծվիկ Մինասյան, Հայաստան

Գլխավոր թեմաներ