19:48 20 հունվարի 2020
Ուղիղ եթեր
  • USD479.34
  • GBP622.23
  • EUR531.59
  • RUB7.78
Հասարակություն
Ստանալ կարճ հղումը
33210

Գյումրիում դասադուլը շատ կարճ է տևել մոտ 1 դասաժամ, որից հետո բողոքավորները ցրվել են՝ չբացառելով որ վաղը կրկին դասադուլ կանցկացնեն:

ԵՐԵՎԱՆ, 11 նոյեմբերի — Sputnik, Արմենուհի Մխոյան. Առավոտյան մի քանի դասաժամ պարապելուց հետո «Շիրակի»  պետական համալսարանի որոշ ֆակուլտետների ուսանողներ և դասախոսներ միացան Երևանում տեղի ունեցող դասադուլին, սակայն դասադուլը շատ կարճ տևեց: 

Ի տարբերություն Երևանի, Գյումրիում ուսանողները  պահանջում էին ոչ թե Կրթության, գիտության, մշակույթի և սպորտի նախարար Արայիկ Հարությունյանի հրաժարականը, այլ «Բարձրագույն կրթության և գիտության մասին» ՀՀ օրենքի նախագծի փոփոխությունների չեղարկումը:

Ըստ բողոքողների` նախագիծն իր մեջ ներառում է ապազգային և ՀՀ անվտանգությանը սպառնացող տարրեր: «Բուհերում «Հայոց լեզու», «Հայ գրականություն», «Հայոց պատմություն» առարկաները պիտի դասավանդվեն ավելի հիմնավոր, իսկ դպրոցում պետք է լիարժեք կրթական համակարգը գործի, որ մեր շրջանավարտները դպրոցն ավարտեն այդ առարկաների նորմալ իմացությամբ: Երբ այդ լիարժեքությունն ապահովվեց, նոր միայն կարող ենք անցում կատարել այդ առարկաները բուհում ընտրովի սկզբունքով դասավանդելուն»,-Sputnik Արմենիայի հետ զրուցում ասաց բուհի պատմության և փիլիսոփայության ամբիոնի դասախոս Հայկ Հարոյանը:

Ֆինանսավորել ենք ֆիլմի` չեմպիոնի մասը միայն. Փաշինյանը`«Մել» ֆիլմի մասին

Ընդհանուր առմամբ, նա նախագիծը շտապողական որակեց և նշեց, որ այն վնասակար է կրթական գործընթացի համար ու սպառնում է երկրի անվտանգությանը:

Համալսարանի  գործարարության և վարչարարության ամբիոնի վարիչ Արթուր Մկրտչյանն էլ ընդգծեց, որ խնդիրն անձնավորված չէ: «Կառավարության վերագրած քաղաքականությունը ես ազգակործան եմ համարում: Ազգի նույնականացումը կատարվում է մշակույթի, լեզվի, գրականության և ազգային ավանդույթների միջոցով»,-ասաց Արթուր Մկրտչյանը` այս նախագիծը սպիտակ ցեղասպանություն որակելով:

Հավելենք, որ Գյումրիում դասադուլը շատ կարճ  է տևել մոտ 1 դասաժամ, որից հետո բողոքավորները ցրվել են՝ չբացառելով որ վաղը կրկին դասադուլ կանցկացնեն:

ՇՊՀ-ի որոշ ուսանողներ ու դասախոսներ միացան նաև ԵՊՀ-ի, մյուս բուհերի ու ՀՀ ԳԱԱ պատմության ինստիտուտի անձնակազմի բողոքին՝ «Բարձրագույն կրթության և գիտության մասին» ՀՀ օրենքի նախագծի շուրջ բաց նամակ հղելով երկրի նախագահ Արմեն Սարգսյանին, վարչապետ Նիկոլ Փաշինյանին ու ՀՀ Ազգային ժողովի նախագահ Արարատ Միրզոյանին։

Забастовка в Ширакском государственном университете (11 ноября 2019). Гюмри
© Sputnik / Armenuhi Mkhoyan
Դասադուլը հասավ Գյումրի

Ըստ թեմայի

ՀՅԴ Երիտասարդական միությունը պահանջում է Արայիկ Հարությունյանի հրաժարականը
«Մենք ոչ թե անձերի դեմ ենք, այլ ուսման կողմնակից». ՀՊՏՀ–ի ուսանողները դասադուլ են անում
Պահանջում ենք հայոց լեզվի և պատմության ավելի բարձր մակարդակի ուսուցում. ԵՊՀ–ում դասադուլ է
թեգերը:
Արայիկ Հարությունյան, Բողոքի ակցիա, դասադուլ, դասախոս, Ուսանող, Գյումրի

Գլխավոր թեմաներ