19:49 20 հունվարի 2020
Ուղիղ եթեր
  • USD479.34
  • GBP622.23
  • EUR531.59
  • RUB7.78
Հասարակություն
Ստանալ կարճ հղումը
Հայաստան և ՀԱՊԿ (31)
36 0 0

«Վալդայ» միջազգային ակումբի մասնագետ Ֆյոդր Լուկյանովը պատմել է ԵԱՏՄ–ի հավանական ընդլայնման օգուտի մասին:

Ալեքսեյ Ստեֆանով, Sputnik
Ուզբեկստանի անդամակցումը ԵԱՏՄ–ին կուժեղացնի ինտեգրացիոն միավորման արտադրական ներուժը։ Այս մասին Sputnik Ուզբեկստանին պատմել է «Վալդայ» միջազգային ակումբի զարգացման և աջակցման հիմնադրամի գիտական աշխատանքի գծով տնօրեն Ֆյոդր Լուկյանովը, որը մասնակցում է կազմակերպության X Ասիական համաժողովին։ Փորձագետի խոսքով` ԵԱՏՄ արտադրական հզորությունները, հիմնականում, դեռ կենտրոնացած են Ռուսաստանում և Բելառուսում։

«Օբյեկտիվ պատճառներով Ուզբեկստանին բավական ձեռնտու է ԵԱՏՄ–ին անդամակցելը։ Այդ տարածաշրջանում նման լուրջ ինստիտուցիոնալ գործընկերության այլ առաջարկներ չկան», – համոզված է Լուկյանովը։

Նա նշել է, որ տարածաշրջանում ընդհանուր միտումները, մի կողմից, գործողությունների ազատություն են պահանջում, մյուս կողմից` որոշակի դիրքերի ֆիքսում, որոնք կօգնեն փոխշահավետ զարգացմանը։

«Հասկանալի է, որ գործողությունների ազատությունն իր դրական կողմերն ունի, սակայն այն նաև իր բացասական կողմերն ունի, հատկապես այն պայմաններում, երբ մյուս երկրները այս կամ այն կերպ խմբավորվում են։ Այդ իսկ պատճառով, կարծում եմ` քաղաքական որոշում կայացնելիս Ուզբեկստանի ղեկավարությունը հաշվի է առնում բոլոր հանգամանքները և, ես կասեի, որ ԵԱՏՄ–ի հետ ինտեգրման օգտին հանգամանքները ավելի շատ են, քան հակառակը», – կարծում է «Վալդայ» ակումբի փորձագետը։

Լուկյանովը ուշադրություն է հրավիրում այն հանգամանքին, որ ԵԱՏՄ–ին անդամակցելու վերաբերյալ դրական որոշում կայացնելու դեպքում, անդամակցելու պայմանների մասին բանակցային գործընթացը կարող է մի քանի տարի զբաղեցնել։

«ԵԱՏՄ–ին անդամակցելը, ինչպես և ցանկացած այլ լուրջ ինտեգրացիոն միավորման, դա միշտ շատ խիստ առևտրային գործընթաց է, քանի որ պայմաններն ունիվերսալ չեն։ Ներկայիս անդամների` նույն Ղրղըզստանի, փորձի վրա մենք տեսել ենք, որ բոլոր տնտեսությունները տարբեր են, երկրները փորձում են պաշտպանել այն, ինչն իրենց համար կարևոր է, և անձամբ են որոշում, թե ինչին կարող են հրաժարվել։ Երբ պայմանները համաձայնեցվեն, և հաջողվի պաշտպանել սկզբունքայնորեն կարևոր ոլորտները, կարծում եմ, որ բոլոր անդամների համար միավորումը օգուտ կլինի», – համոզված է մասնագետը։

Տանկեր, Սիրիա և ՀԱՊԿ. հայ–ռուսական գործընկերության ժամանակակից միտումները

Սամարկանդում անցկացվում է «Կենտրոնական Ասիա և Եվրասիա. բազմակողմանի համագործակցություն գլոբալ խառնաշփոթի մարտահրավերների առաջ» թեմայով «Վալդայ» ակումբի X ասիական համաժողովը։ Համաժողովի աշխատանքին մասնակցում է 70 փորձագետ` Ռուսաստանից, Ուզբեկստանից, Գերմանիայից, Հնդկաստանից, Ղազախստանից, Ղրղըզստանից, Չինաստանից, Տաջիկստանից, Ֆիլիպիններից, Շվեդիայից և Ճապոնիայից։

թեմա:
Հայաստան և ՀԱՊԿ (31)

Ըստ թեմայի

Ստիպված կլինեն վճարել. օտարերկրյա վարորդներին չի հաջողվի ՌԴ–ում տուգանքներից խուսափել
«Հայ ժողովուրդն անգնահատելի դեր ունի ֆաշիզմի ջախջախման գործում». Սերգեյ Լավրով
Պարսյան. «Եվրոբոնդերից ստացած եկամուտները հասկանալի չեն մեր տնտեսության իրական հատվածին»
«Վերին Լարսում» վիճակն ավելի կվատանա. Մակարյանը մտահոգված է
թեգերը:
Հայաստան, Ուզբեկստան, Բելառուս, Ռուսաստան, Եվրասիական Տնտեսական Միություն (ԵԱՏՄ)

Գլխավոր թեմաներ