04:46 09 հուլիսի 2020
Ուղիղ եթեր
  • USD485.74
  • GBP608.34
  • EUR547.57
  • RUB6.82
Հասարակություն
Ստանալ կարճ հղումը
23210

Բաթոյանը տեղեկացրել է, որ երեխաների ծնողները ամուսնալուծվել ու մեկնել են երկրից, տատիկը և 4 թոռնիկներն ընդգրկված են եղել սոցիալական ծրագրերում։

ԵՐԵՎԱՆ, 17 նոյեմբեր — Sputnik. ՀՀ Աշխատանքի և սոցիալական հարցերի նախարար Զարուհի Բաթոյանը մեծ ցավ է ապրում երեկ Նոր Հաճնում պատահածի ողբերգության համար: Այս մասին նա գրել է Facebook-ի էջում։

Հիշեցնենք, որ նոյեմբերի 16-ին, դաժան ու ողբերգական դեպք է տեղի ունեցել Կոտայքի մարզում:  Ժամը 13:00-ի սահմաններում, ոստիկանության Կոտայքի մարզային վարչություն ահազանգ է ստացվել, որ Աբովյանի բժիշկների հերթապահ խումբը կանչով մեկնել է Նոր-Հաճն քաղաքի Իսահակյան փողոցի 2-րդ շենքի 11 բնակարան, որտեղ հայտնաբերել են 5 քաղաքացու դի: Ոստիկաններն ու քննիչները նշված տանը հայտնաբերել են այդ տան բնակիչներ` 77-ամյա Ժաննա Սիմոնյանի, 16-ամյա Էդուարդ Մ.-ի, 12-ամյա Սերինե Մ.-ի, 15-ամյա Տիգրան Ս.-ի և 14-ամյա Ժաննա Մ.-ի դիերը: Մահացած բոլոր երեխաները Ժ. Սիմոնյանի թոռնիկներն էին: Մահացածներից երկուսը հայտնաբերվել են լոգարանում, 3-ը՝ ննջարանում:

Ըստ նախնական տեղեկությունների` նրանք մահացել են խոհանոցում տեղադրված գազի կաթսայից առաջացած շմոլ գազից:

Նախարարը նշել է, որ արդեն սկսել են շահարկել Կոտայքի մարզում հայտնի դարձած ողբերգական պատահարը` երեխաների մահվան մեջ մեղադրելով իրեն, քանի որ նրանցից երկուսը՝ 15 և 14 տարեկան քույր ու եղբայրը գիշերօթիկի սան են եղել: Նրանք (ինչպես մինչ այս բոլոր շաբաթ-կիրակիները) ապրել են տատիկի հետ:

«Դու մենակ չես». արցախցի Լյուսիյան վստահ է` կհաղթի լեյկոզին ու հարսի շոր կփորձի

Բաթոյանը տեղեկացրել է, որ երեխաների ծնողները ամուսնալուծվել ու մեկնել են երկրից, տատիկը և 4 թոռնիկներն ընդգրկված են եղել սոցիալական ծրագրերում, մասնագիտական ուսուցման ծրագրեր են նախատեսվել եղբոր համար, երեխաները դեռևս սեպտեմբերից վերադարձել են ընտանիք և ապրել են իրենց օրինական խնամակալի՝ տատիկի հետ, ով սիրել և հոգ է տարել նրանց մասին:

Արաբ ներդրողին Հայաստանում թալանել են. կես միլիոն դոլարը գողացել է հայ տնօրենը

«Եթե որևէ մեկը, այդ թվում` նախարարությունը և ես անձամբ, մեղավոր ենք այս դժբախտ պատահարի համար, իրավապահ մարմինները պետք է անկաշկանդ գործեն։ Իսկ երեխաների հետ կատարված նման դեպքը շահարկողների բարոյական նկարագիրը թողնում եմ ձեզ»,–գրել է նա:

Վերջում նախարարը խորհուրդ է տվել զգույշ լինել և հետևել անվտանգության կանոններին:

Ըստ թեմայի

Ամառն անցավ, հրդեհներից պրծում չկա. մեղքն ընկնում է հովիվների, երեխաների ու որսորդների վրա
Գյումրիում 28 տարեկան աղջիկ է ընկել պատուհանից. ինչ վիճակում է նա
Հերթը հասավ Արթուր Բաղդասարյանին. 5 միլիոնանոց նվերն աննկատ չմնաց
թեգերը:
Տատիկ, մանկատուն, Զարուհի Բաթոյան, գազի արտահոսք, գազաբալոն, գազ, Մահ, Կոտայք, երեխա

Գլխավոր թեմաներ