16:13 08 ապրիլի 2020
Ուղիղ եթեր
  • USD499.37
  • GBP614.92
  • EUR543.06
  • RUB6.62
Հասարակություն
Ստանալ կարճ հղումը
44810

Չնայած տարածքում շարունակվող լայնածավալ շինարարական աշխատանքերին, Գյումրու նոր մաքսատանը մեկնարկեց ավտոմեքենաների մաքսազերծման գործընթացը:

ԵՐԵՎԱՆ, 18 նոյեմբերի - Sputnik. Գյումրու նոր ավտոմաքսատունը պատրաստ է ավտոքարշակների, իսկ նոյեմբերի 25-ից` նաև բեռնարկղերով ներմուծվող մեքենաների մաքսազերծումն աշխատանքներն իրականացնել: Այս մասին լրագրողների հետ ունեցած ճեպազրույցի ժամանակ հայտնեց մաքսային ծառայության գնդապետ, ՊԵԿ նախագահի տեղակալ Շուշանիկ Ներսիսյանը։

Заместитель Комитета госдоходов Шушаник Нерсесян в таможенном терминале в Гюмри
© Sputnik / Armenuhi Mkhoyan
Շուշանիկ Ներսիսյան, ՊԵԿ նախագահի տեղակալ

«Նոյեմբերի 25-ից Գյումրիում իրականացվելու է նաև բեռնարկղերով մեքենաների մաքսազերծումը: Երբ դա էլ այստեղ տեղափոխենք, կարող ենք ասել, որ մեքենաների մաքսազերծման ամբողջ գործընթացը տեղափոխեցինք Գյումրի»,-նշեց նա։

Գործընթացն ամբողջությամբ Գյումրի տեղափոխելու դեպքում, օրական այստեղ հնարավոր կլինի մոտ հազար մեքենա մաքսազերծել՝ ճիշտ այնքան, որքան ներկայումս հատում է սահմանը:

Автотранспортер у таможенного терминала в Гюмри
© Sputnik / Armenuhi Mkhoyan
Գյումրու նոր ավտոմաքսատունը

Թեև մաքսատան շինարարական աշխատանքները դեռ ամբողջովին չեն ավարտվել, սակայն մեծությամբ ու աշխատակիցների թվով եզակի մաքսատանը ծառայությունից օգտված քաղաքացիները գոհ են. նրանց խոսքով` այստեղ կարողացել են կարճ  ժամանակահատվածում ու առանց քաշքշուկի մաքսազերծել իրենց մեքենաները:

«Շատ նորմալ ու արագ են սպասարկում: 3 պատուհանը միասին 20-25 րոպե  տևեց, որից անմիջապես հետո բանկային վճարումը տեղում կատարեցի: Ամբողջ մաքսազերծման գործընթացը կես ժամ տևեց»,- Sputnik Արմենիայի հետ զրույցում նշեց Անահիտ Խալաթյանը։

Анаит Халатян в таможенном терминале в Гюмри
© Sputnik / Armenuhi Mkhoyan
Անահիտ Խալաթյան

Քաղաքացին վստահեցրեց` առիթ ունեցել է հյուսիսային՝ Գյումրիի հին մաքսատանը,  ևս ավտոմեքենա մաքսազերծել։ Այնտեղ հերթերն էին փոքր-ինչ շատ, այստեղ` սպասարկող պատուհանները, տարածքն էլ ավելի հարմարավետ է:

Մասիսից Գյումրի եկած Սևակ Բադալյանը ևս հաստատեց` Գյումրիի մաքսատանը ստիպված չեն եղել անիմաստ ժամանակ վատնել։

Посетители таможенного терминала в Гюмри
© Sputnik / Armenuhi Mkhoyan
Գյումրու նոր ավտոմաքսատունը

Նշենք, որ Նորագավիթի մաքսատունը կշարունակի գործել մինչև տարեվերջ: Մինչ այս սահմանը հատած ավտոմեքենաները, որոնց նշանակման վայրը եղել է Երևանը, կմաքսազերծվեն Նորագավիթում:

Հիշեցնենք՝ Գյումրիում ավտոմաքսատուն կառուցելու որոշումը կառավարությունը կայացրել էր 2019թ.–ի օգոստոսի 1-ին։ Ծրագիրը հիմնավորվում էր նրանով, որ մաքսային մարմինները չէին հասցնում սպասարկել Հայաստան ներմուծվող ավտոմեքենաների աննախադեպ ծավալները։

Ավտոմեքենաների մաքսազերծման գործընթացը Գյումրիում կազմակերպելու առաջարկն արել էր ՀՀ վարչապետը` Արարատյան մաքսատուն այցելության ընթացքում։

Ավտոկրող տրեյլերով ներմուծվող մեքենաների մաքսային ձևակերպումները կիրականացվեն Գյումրիում

Սեպտեմբերի 19-ին կառավարության նիստում Դավիթ Անանյանը հայտարարել էր, որ շինարարությունն իրականցվում է ժամկետներին համապատասխան և մաքսատունը շահագործման կհանձնվի հոկտեմբերի 11-ին։

Իսկ հոկտեմբերի 16-ին լրագրողների հետ հանդիպմանը Անանյանը խոստովանեց, որ մաքսատան շինարարությունը կավարտվի միայն նոյեմբերի սկզբին, և որ շինարարական աշխատանքները տարվում են 24-ժամյա ռեժիմով։

Գյումրիում մաքսատան ամբողջական շահագործումից  հետո Երևանում գործող Արարատյան մաքսատունը կդադարի գործել։

Այժմ Երևանի մաքսատունն իրականացնում է  մաքսային ձևակերպումների ամբողջ ծավալի շուրջ 80 տոկոսը։

Ըստ թեմայի

Որքանո՞վ են վաճառում Գյումրու ավտոմաքսատան հերթերը. «Ժողովուրդ»
Երևանի Արարատյան ավտոմաքսատանը մեքենաների անշլագ է. տեսանյութ
Դիմում է տվել` ազատվել է, դիմում է տվել` ընդունվել է. Անանյանը` մաքսատան աշխատողի մասին
Վարկերի տակ են մտել, մեքենաներ ներկրել. ի՞նչ է կատարվում Հայաստանի մաքսակետերում
թեգերը:
Պետական եկամուտների կոմիտե (ՊԵԿ), ավտոմեքենա, շինարարություն, ավտոմաքսատուն, Գյումրի, Հայաստան

Գլխավոր թեմաներ