06:44 13 դեկտեմբերի 2019
Ուղիղ եթեր
  • USD477.71
  • GBP629.96
  • EUR531.55
  • RUB7.56
Գնացք

ՀԿԵ-ն և GeoProMining-ը համագործակցության պայմանագիր են ստորագրել

© Sputnik / Arpi Beglaryan
Հասարակություն
Ստանալ կարճ հղումը
30 0 0

Պայմանագիրը նախատեսում է Սոթք - Արարատ երկաթուղով հանքաքարի փոխադրման ծավալի հնարավոր ավելացում:

ԵՐԵՎԱՆ, նոյեմբերի 20 - Sputnik. «Հարավկովկասյան երկաթուղի» ՓԲԸ գլխավոր տնօրեն Սերգեյ Վալկոն և GeoProMining Gold ընկերությունների խմբի նախագահ Ռոման Խուդոլիյը ստորագրել են 2020 թվականին Սոթքի հանքավայրից Արարատի ոսկու կորզման ֆաբրիկա ոսկու հանքաքարի փոխադրումներ կազմակերպելու մասին պայմանագիրը: Այս մասին հայտնում է «Հարավկովկասյան երկաթուղի» ՓԲԸ մամուլի ծառայությունը։

Պայմանագիրը նախատեսում է 2020 թվականին 269 կիլոմետր երկարությամբ Սոթք - Արարատ երկաթուղով հանքաքարի փոխադրման ծավալի հնարավոր ավելացում: Ընթացիկ տարում Սոթքից Արարատ հանքաքարը փոխադրվում էր բացառապես երկաթուղով, և տարեվերջին նախատեսվում է փոխադրումների ծավալը հասցնել 1,5 մլն տոննայի, ինչը 2018 թվականի ցուցանիշի համեմատությամբ 10%-ով ավելի է։ Երկու ընկերությունների  կատարած ներդրումների շնորհիվ՝ 2008 թվականից բեռնափոխադրումների և հանքանյութի մշակման փաստացի ծավալները եռապատկվել են:

«Հարավկովկասյան երկաթուղի» ՓԲԸ տնօրեն Սերգեյ Վալկոն նշել է, որ  GeoProMining Gold ընկերությունը երկաթուղու խոշորագույն գործընկերն է, որի ոսկու հանքաքարի փոխադրումները կազմում են ընկերության բեռնափոխադրումների 55%:

Ներկայումս հաջողությամբ ապահովված է դաշտից դեպի Արարատ գործարան տրաֆիկի ծավալների տարեկան աճը, ինչը թույլ է տալիս իրականացնել առանց միջամտության ներդրումային և արտադրական ծրագրեր:

«Ռուսական երկաթուղիները» կխզի՞ պայմանագիրը. ՀՀ տրանսպորտի նախարարության մեկնաբանությունը

Իր հերթին GeoProMining ընկերությունների խմբի նախագահ Ռոման Խուդոլիյը ընդգծել է, որ դեռ թարմ են հիշողությունները, երբ երկաթուղին դժվարությամբ էր ապահովում այսօրվա հետ անհամեմատ փոքր փոխադրումների ծավալները Սոթքից Արարատ տեխնիկական խափանումների պատճառով: Այժմ արդեն անխափան իրականացվում են տարեցտարի աճող փոխադրումները, ինչը թույլ է տալիս անխափան իրականացնել ներդրումային և արտադրական ծրագրերը:

«Հիանալի» այլընտրանք Վերին Լարսին. ինչը՞ կփրկի հայ փոխադրողներին

Հիշեցնենք` «ՀԿԵ» ՓԲԸ-ն  «Ռուսական երկաթուղիներ» ԲԲԸ-ի դուստր ընկերությունն է և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:

Ըստ թեմայի

«Հայաստանն ու Ռուսաստանը չեն ուզում խզել ՀԿԵ-ի պայմանագիրը». Փաշինյան
Գործադուլը դադարեցրել են. գնացքների երթևեկությունը վերականգնված է. ՀԿԵ
ՀԿԵ ընկերության մեքենավարները Գյումրիում գործադուլ են անում
ԱԱԾ աշխատակիցները «զուտ մարդավարի» խոսել են Գյումրիում գործադուլ արած մեքենավարների հետ
թեգերը:
Պայմանագիր, Հարավկովկասյան երկաթուղի (ՀԿԵ), Հայաստան

Գլխավոր թեմաներ