01:10 10 դեկտեմբերի 2019
Ուղիղ եթեր
  • USD477.97
  • GBP628.91
  • EUR528.87
  • RUB7.49
Արթուր Վանեցյան

Ինչու Արթուր Վանեցյանը ՀՀ իշխանության դեմ տեղեկությունը չի օգտագործում. փորձագետ

© Sputnik / Asatur Yesayants
Հասարակություն
Ստանալ կարճ հղումը
205 0 0

Հրանտ Միքայելյանի կարծիքով` Վանեցյանը զգուշավոր էր, որովհետև մտավախություն ունի, որ իրեն հակակառավարական գործողությունների մեջ կմեղադրեն։

ԵՐԵՎԱՆ, 22 նոյեմբերի — Sputnik. ՀՀ ԱԱԾ նախկին տնօրեն Արթուր Վանեցյանն իր զսպվածությամբ ցուցադրում է, որ չի ցանկանում իրեն հայտնի տեղեկությունն օգտագործել քաղաքական հակառակորդների դեմ։  Այս մասին Sputnik Արմենիայի թղթակցի հետ զրույցում ասաց Կովկասի ինստիտուտի փորձագետ Հրանտ Միքայելյանը։

Փորձագետը կարծում է, որ «Արմնյուզ» հեռուստաալիքին տված հարցազրույցի ժամանակ Վանեցյանը կաշկանդված էր և ամբողջությամբ չէր բացահայտում բոլոր խաղաքարտերը, քանի որ դեռ Հայաստանի ֆուտբոլի ֆեդերացիայի ղեկավարն էր։

«Դրանից բացի, քիչ ժամանակ է անցել ԱԱԾ ղեկավարի պաշտոնը լքելուց հետո։  Հետևաբար, նա որպես քաղաքական գործիչ դեռ չէր կարող հանդես գալ։ Ամենայն հավանականությամբ, Վանեցյանը կարծում է, որ իրեն հայտնի տեղեկությունը դեռ պահպանում է իր արդիականությունը, և նա չէր ցանկանում օգտագործել այդ հաղթաթուղթը», – ընդգծեց նա։

Միքայելյանի կարծիքով` Վանեցյանը նաև զգուշավոր էր, քանի որ մտավախություն ուներ, որ իրեն կմեղադրեն հակակառավարական գործողություններում։ Միևնույն ժամանակ, ԱԱԾ նախկին տնօրենն անկաշկանդ էր քաղաքական հարցերի ժամանակ, ինչը հաստատում է նրա քաղաքական հավակնությունները։

Մեղավորը միայն Վանեցյա՞նն է, կամ երբ ԱԱԾ տնօրենն էր, ֆուտբոլում ամեն ինչ լա՞վ էր

Ինչ վերաբերում է Վանեցյանի հայտարարությանն այն մասին, որ Սորոսի հիմնադրամի գործունեությունը սպառնում է երկրի անվտանգությանը, ապա փորձագետը հայտարարությունը քաղաքական է համարում։  Միքայելյանը նշեց, որ ԱԱԾ–ում Վանեցյանը հիմնադրամի գործունեությամբ չի զբաղվել, քանի որ կառույցի աշխատանքն աստիճանաբար սկսել է ոստիկանության կամ հարկային մարմինների աշխատանք հիշեցնել։ Քաղաքական ղեկավարությունն ուղղորդում էր, թե կոնկրետ ինչ փնտրեն, իսկ ԱԱԾ աշխատակիցները փնտրում էին։

«Ժողովուրդն ինչ ուզում ա, ստացել ա...». Ռուբեն Հայրապետյանը` Վանեցյանի ու ֆուտբոլի մասին

«Այդ հիմնադրամը բազմաթիվ լծակներ ունի` հետաքրքրության առարկա չդառնալու համար, ավելին` նա իր ներկայացուցիչներն ունի կառավարությունում։ Կարգադրություն չի եղել, որ այդ հիմնադրամով զբաղվեն», – ասաց նա։

Նշենք, որ հարցազրույցի ժամանակ Վանեցյանը նշել էր, որ Սորոսի հիմնադրամը («Բաց հասարակության» ինստիտուտ) սպառնում է երկրի անվտանգությանը։ ԱԱԾ նախկին տնօրենը նաև կարծում է, որ երկրում արտաքինից ֆինանսավորվող քաղաքական ուժեր կան, որոնք ակտիվ քաղաքական գործունեություն են ծավալում։ Միևնույն ժամանակ, նա չպատասխանեց այն հարցին, թե ո՞ր թևն է աջակցում այդ ուժերին` իշխանամետ, թե հակահեղափոխական։

«Սորոսի» գրասենյակի գործունեությունը Հայաստանի համար վտանգներ է պարունակում. Վանեցյան

Այն հարցին, թե արդյոք նա քաղաքականությամբ կզբաղվի (հարցազրույցի պահին դեռ հայտնի չէր, որ Վանեցյանը կլքի ՀՖՖ ղեկավարի պաշտոնը), Վանեցյանն ասաց, որ միշտ ծառայել է պետությանը, որպես ԱԱԾ սպա և այլ կերպ չի կարող ապրել։

Հաղորդավարուհու մի շարք հարցերին Վանեցյանը պարզապես չպատասխանեց, բայց խոստացավ երկրում ստեղծված իրավիճակի մասին իր դիրքորոշումը ներկայացնել առաջիկայում։

Ըստ թեմայի

ՀՖՖ–ն դատապարտում է Հենրիխ Մխիթարյանին` ավագի թևկապից զրկելու կարծիքը. Վանեցյան
Հենրիխ Մխիթարյանի մայրը խոսել է որդու հասցեին հնչող մեղադրանքների մասին. «Ժողովուրդ»
Փառք Աստծո, որ ինձ իրենց քաղաքական թիմի անդամ չեն համարել. Վանեցյան
«Արթուր Վանեցյանն է 1։9 հաշվով պարտվելու պատասխանատուն, պետք է բացատրություն տա». Մկրտչյան
թեգերը:
փորձագետ, Իշխանություն, ՀՀ Ազգային Անվտանգության ծառայություն. ԱԱԾ, Արթուր Վանեցյան

Գլխավոր թեմաներ