21:32 03 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Հասարակություն
Ստանալ կարճ հղումը
Ռոբերտ Քոչարյանի գործը (441)
361 0 0

Մարտի 1-ի գործով դատական նիստն այսօր մեկնարկեց լարված մթնոլորտում։ Նիստի մեկնարկից րոպեներ անց դատարանն ստիպված եղավ ընդմիջում հայտարարել։

ԵՐԵՎԱՆ, 26 նոյեմբերի — Sputnik. «Մարտի 1-ի» գործով որպես մեղադրող դատախազ է ներգրավվել Կարեն Բիշարյանը։ Այսօրվա դատական նիստի մեկնարկին այս մասին հայտնեց դատավոր Աննա Դանիբեկյանը։

ՀՀ երկրորդ նախագահ, «Մարտի 1-ի» գործով ամբաստանյալ Ռոբերտ Քոչարյանի պաշտպանները դատախազին ինքնաբացարկի միջնորդություն ներկայացրին։

«2018թ–ի փետրվարի 23-ին, ԱԺ–ում հրավիրված մարտի 1-ի քննարկումների ժամանակ, պատասխանելով հարցին` արդյո՞ք ՀՀ նախկին նախագահի, գեներալների ու ավելի բարձր դիրք ունեցող անձանց վերաբերյալ քրեական գործով ընթացք տալու ու նրանց որպես մեղադրյալ ներգրավելու հիմքեր չկան, Կարեն Բիշարյանն ասաց, որ նման հիմքեր առկա չեն ու նրանց նույնիսկ որպես վկա ներգրավելու կարիք չկա»,– ներկայացնելով ինքնաբացարկի միջնորդությունը` ասաց Քոչարյանի փաստաբան Հովհաննես Խուդոյանը։

Նրա մեկնաբանությամբ` խնդիրն այն է, որ հետագայում, որոշակի քաղաքական փոփոխություններից հետո սկսվել է մի գործընթաց, որի հետևանքով Գլխավոր դատախազությունը, այդ թվում` դատախազ Կարեն Բիշարյանը քրեական հետապնդում սկսելու հիմքեր են տեսել` չնայած բոլոր փաստերը, որոնք այսօր դրված են մեղադրանքի հիմքում, այն ժամանակ էլ հայտնի են եղել։

Դատարանը մերժեց Քոչարյանի և մյուսների գործով դատախազի բացարկի միջնորդությունը

«Բոլոր այս հանգամանքները վկայում են, որ Կարեն Բիշարյանը կանխակալ վերաբերմունք ունի, և այդ կանխակալ վերաբերմունքը դրսևորում է քրեական գործով Քոչարյանի նկատմամբ հետապնդում նախաձեռնելու, քննչական գործողությունների օրինականության նկատմամբ դատախազական հսկողություն իրականացնելու միջոցով»,– ասաց Խուդոյանը։

Միջնորդությանը միացան նաև Քոչարյանի մյուս փաստաբաններն ու գործով ամբաստանյալ ՀԱՊԿ նախկին գլխավոր քարտուղար, ԳՇ նախկին պետ Յուրի Խաչատուրովի փաստաբան Միհրան Պողոսյանը։

Քոչարյանի պաշտպանները դատախազին բացարկ հայտնեցին, նիստը հետաձգվեց

«Կա՛մ պարոն Բիշարյանը 2018թ–ին է քաղաքական պատվեր կատարել, երբ հայտարարել է, որ որևէ հանգամանք չկա, կա՛մ հիմա է քաղաքական պատվեր կատարում»,– ասաց փաստաբանը։

Այս դիտարկմանն արձագանքեց դատախազ Բիշարյանը` բողոքելով փաստաբանի գործողությունների դեմ։

«Ինձ մի ընդհատիր»,– ասաց փաստաբանը։

«Դու չպիտի ասես ես ինչ անեմ»,– պատասխանեց դատախազ Բիշարյանը։

«Դու չպիտի ասես` ես ինչ անեմ։ Դու ձենդ կտրիր, երբ որ ես խոսում եմ»,– արձագանքեց փաստաբան Պողոսյանը։

Դատավոր Դանիբեկյանը կողմերին զսպվածության կոչ արեց։ Դատախազն էլ հիշեցրեց, որ դատավարության կողմերից մեկի գործողությոսւնները բողոքարկելն օրենքով նախատեսված գործողություն է։

«Ի՞նչ է նշանակում` դու ինձ մի ընդհատիր»,– ասաց նա։

Քոչարյանի պաշտպանը դիմել է արդարադատության նախարարին

Դատարանում բարձրացած աղմուկը դադարեցնելու ու կողմերի միջև ծագած վեճը հանդարտեցնելու համար դատավոր Դանիբեկյանն ընդմիջում հայտարարեց ու հեռացավ դատական նիստերի դահլիճից։ Դատական կարգադրիչները ստիպված եղան մոտենալ վիճաբանող կողմերին, ինչից հետո փոխադարձ վիրավորանքներն ու նկատողությունները դադարեցին։

Քոչարյանի փաստաբանները «քարը քարի վրա չեն թողնելու»

Այնուհետև նիստին ներկա քաղաքացիներից ոմանք սկսեցին վիրավորական արտահայտություններ հնչեցնել դատական կարգադրիչների հասցեին։ Դահլիճում աղմուկը շարունակվում է։

Հիշեցնենք` Երևանի ընդհանուր իրավասության դատարանում ընթանում է ՀՀ երկրորդ նախագահ Ռոբերտ Քոչարյանի և մյուսների գործով դատական նիստը:

թեմա:
Ռոբերտ Քոչարյանի գործը (441)

Ըստ թեմայի

Հայաստանը պատրա՞ստ է վատ սցենարների. Քոչարյանը` Փաշինյանի, Արցախի ու Ռուսաստանի մասին
Քոչարյանի գործով դատավորը մերժեց ինքնաբացարկի միջնորդությունը
«Լավ բաներ չեմ ասելու». Քոչարյանի գործով դատավորին ինքնաբացարկի միջնորդություն ներկայացրին
Ռոբերտ Քոչարյանին գրավի դիմաց ազատ արձակելու միջնորդություն ներկայացրին
թեգերը:
Հովհաննես Խուդոյան, Դատարան, Աննա Դանիբեկյան (դատավոր), փաստաբան, Ռոբերտ Քոչարյան, Հայաստան

Գլխավոր թեմաներ