08:06 29 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Հասարակություն
Ստանալ կարճ հղումը
514 0 0

ՀՀ 3-րդ նախագահ Սերժ Սարգսյանի փեսան Facebook-ի իր էջում տեղեկացրել է, որ իր և իր ընտանիքի հետ առնչություն ունեցող անձանց հանդեպ 10 քրեական գործ է հարուցվել։

ԵՐԵՎԱՆ, 27 նոյեմբերի – Sputnik. Միքայել Մինասյանը հայտնել է, որ մեկ օրում մի քանի անգամ խուզարկել են իր հետ «առնչություն ունեցող» անձանց բնակարանները։ Այս մասին նա գրել է Facebook-ի իր էջում։

«Այսօր առավոտյան 8-ից արդեն որերորդ անգամ խուզարկել են ինձ հետ իրենց կարծիքով «առնչություն ունեցող» անձանց բնակարանները։ Խուզարկված բնակարանների քանակը մեկ տասնյակից ավելի է։ Սա հերթական քաղաքական ռեյդն է»,- գրել է նա։

Մինասյանի կարծիքով` բոլոր խուզարկությունները մտացածին են և միտված են քաղաքական մրցակիցներին լռեցնելուն։ Ըստ նրա` իշխանությունը այս քայլով նպատակ ունի ահաբեկել և լռեցնել ընդդիմախոս ճամբարին։

Սերժ Սարգսյանի փեսան մասնաբաժին չունի Հայաստանի խոշորագույն հանքավայրում. Պոլոսկով

«Արդեն կա հարուցված 10 քրեական գործ, որոնք ռեժիմի կարծիքով, առնչություն ունեն իմ, իմ ընտանիքի կամ շրջապատի հետ։ Իրավապահներն արդեն անցկացրել են ավելի քան 25 խուզարկություն, հարցաքննել ավելի քան 400 մարդու։ Ամեն անգամ նույն մոլուցքով` պարտադրել մարդկանց ինչ-որ բան ասել իմ կամ իմ ընտանիքի մասին»,- նշված է Մինասյանի գրառման մեջ:

«Բարի գալուստ բանական աշխարհ». Միքայել Մինասյանը պատասխանել է Արթուր Վանեցյանին

Մինասյանը համոզված է` նույնիսկ բազմակի խուզարկությունների արդյունքում ոչինչ չեն գտնի։ Նա նշել է, որ իրենք համախոհների շատ մեծ բանակ ունեն և ոչ թե ինչ-որ մեկի դեմ, ոչ թե ինչ-որ ուժի գահընկեց անելու համար, այլ իրենց միավորող արժեքների ու նպատակների շուրջ են համախմբվել։

Նշենք, որ 2018-ի նոյեմբերի 2-ին Միքայել Մինասյանին հետ կանչեցին Վատիկանում հանրապետության դեսպանի պաշտոնից: Նա դեսպան էր նշանակվել 2013 թ.

Ավելի վաղ ՝ 2008-2013 թվականներին, Մինասյանը ՀՀ 3-րդ նախագահի աշխատակազմի ղեկավարի առաջին տեղակալն էր:

Միքայել Մինասյանի հոր ՝ «Սուրբ Գրիգոր Լուսավորիչ» բժշկական կենտրոնի նախկին տնօրեն Արա Մինասյանի դեմ հարուցվել է քրեական գործ: Նա մեղադրվում է լիազորությունները չարաշահելու, փաստաթղթեր կեղծելու և առանձնապես խոշոր չափերի խարդախություն կատարելու մեջ։

2019 թ-ի հուլիսի 12-ին ՀՀ քննչական կոմիտեն հայտնեց, որ Մինասյանի մեղադրանքը վերաորակվել է և նրա նկատմամբ որպես խափանման միջոց է ընտրվել կալանավորումը։

Հաշվի առնելով, որ Մինասյանը թաքնվում է քննությունից և պարզ չէ նրա գտնվելու վայրը՝ վերջինիս նկատմամբ հայտարարվել է հետախուզում:

Արա Մինասյանին աշխատանքից հեռացրել են 2018 թվականի հուլիսի 27-ին։

Ըստ թեմայի

Ի՞նչ կապ ունի Կենտրոն վարչական շրջանի ղեկավարի հրաժարականը Սերժ Սարգսյանի փեսայի հետ
«Ընդդիմությունը զարգացման, կայունացման պրոցեսում է գտնվում». Նորայր Դունամալյան
Պետականը սեփականի հետ չխառնենք. Փաշինյանը ցույց է տվել Սերժ Սարգսյանի նախկին առանձնատունը
«Բարի գալուստ բանական աշխարհ». Միքայել Մինասյանը պատասխանել է Արթուր Վանեցյանին
թեգերը:
Քրեական գործ, Սերժ Սարգսյան, հարցաքննություն, Միքայել Մինասյան, Հայաստան

Գլխավոր թեմաներ