ԵՐԵՎԱՆ, 28 Նոյեմբեր — Sputnik. ՀՀ-ում խախտվել են ռուսական խմիչք արտադրող «Օմսկվինպրոմ» ՍՊԸ-ի հեղինակային իրավունքները: Այս մասին հայտնում է Պետական եկամուտների կոմիտեի մամուլի ծառայությունը:
«Ռուսաստանի Դաշնության ներքին գործերի նախարարությունը գրությունը է ուղարկել ՊԵԿ հետաքննության և օպերատիվ հետախուզության վարչությանը՝ ներկայացնելով «Օմսկվինպրոմ» ՍՊԸ տնօրենի դիմումն ու կից նյութերը, ըստ որի` «Ալկո Իմպորտ Էքսպորտ» ՍՊ ընկերությունը արտադրում և իրացնում է «Օմսկվինպրոմ» ՍՊ ընկերությանը պատկանող «Պյատ Օզեր» և «Բելայա Բերյոզկա» ապրանքային նշաններով օղիներին մոլորեցնելու չափ նմանվող խմիչք»,-նշված է հաղորդագրության մեջ:
Պարզվել է, որ «Ալկո Իմպորտ Էքսպորտ» ՍՊԸ-ն, իրականում երկրորդային շուկայից ձեռք է բերել «Օմսկվինպրոմ» ՍՊԸ «Պյատ Օզեր» և «Բելայա Բերյոզկա» օղիների տարաները, դրանք շշալցրել է իր արտադրած օղիներով: Շշերի վրա փակցվել են «Տեղական» նշագրումով ակցիզային դրոշմանիշներ և հայաֆիկացման համար նախատեսված ինքնակպչուն թերթիկներ և իրացրել։
Երկու քարի արանքում. ՊԵԿ–ը ՀԴՄ սարք չունեցողներին ծայրահեղ դեպքերում կտուգանի
Նկատի ունենալով, որ օպերատիվ-հետախուզական միջոցառումների ընթացքում ստացված նյութերն առերևույթ պարունակել են «Տնտեսական մրցակցության պաշտպանության մասին» ՀՀ օրենքի 12-րդ հոդվածի խախտումներ՝ 2019 թ. հուլիսի 26-ին դրանք ուղարկվել են ՀՀ տնտեսական մրցակցության պաշտպանության պետական հանձնաժողով։
ՊԵԿ–ը տուգանել է նախկին վարչապետի եղբոր ձկնաբուծարանը. «Ժողովուրդ»
ՏՄՊՊ հանձնաժողովը 2019 թ. օգոստոսի 9-ին կայացվել է վարչական վարույթ հարուցելու մասին որոշում, որի արդյունքում «Ալկո Իմպորտ Էքսպորտ» ՍՊ ընկերության նկատմամբ նշանակվել է 16,207,000 ՀՀ դրամ տուգանք՝ անբարեխիղճ մրցակցության գործողության համար։
