07:26 14 դեկտեմբերի 2019
Ուղիղ եթեր
  • USD477.51
  • GBP640.53
  • EUR533.90
  • RUB7.66
Զինկոմիսարիատ

Զգուշացում. բանակից խուսափածները 2020 թվականից քրեական պատասխանատվության կենթարկվեն

© Sputnik / Asatur Yesayants
Հասարակություն
Ստանալ կարճ հղումը
48140

Զինվորական հաշվառումից և զինծառայություն չանցած քաղաքացիները 2020 թվականի հունվարի 1-ից այլևս չեն կարող խուսափել քրեական պատասխանատվությունից։

ԵՐԵՎԱՆ, 2 դեկտեմբերի – Sputnik. 2019 թվականի դեկտեմբերի 31-ից հետո այլևս չի գործելու օրենսդրական այն իրավակարգավորումը, համաձայն որի` քաղաքացիները, որոնց հանդեպ պարտադիր զինվորական ծառայությունից խուսափելու հիմքով հարուցված է քրեական հետապնդում, կարող են  օրենքով սահմանված չափով և կարգով ՀՀ պետական բյուջե գումար վճարել և ազատվել քրեական պատասխանատվությունից և կանգնել զինվորական հաշվառման: Այս մասին հայտնում է ՀՀ զինվորական դատախազության մամուլի ծառայությունը։

Նախկինում «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» ՀՀ օրենքի համաձայն՝ սահմանված կարգի խախտմամբ պարտադիր զինվորական ծառայություն չանացած որոշակի անձանց խմբի հնարավորություն էր տրված օրենքով սահմանված չափով և կարգով ՀՀ պետական բյուջե գումար վճարել ու քրեական պատասխանատվության չենթարկվել և կանգնել զինվորական հաշվառման։

Արցախում ականի պայթյունից ժամկետային զինծառայող է վիրավորվել. նա մեկ տարվա ծառայող է

ՀՀ ԱԺ-ն օրենքի գործողության ժամկետը պարբերաբար երկարացվում էր: Այդ նպատակով կատարված վերջին օրենսդրական փոփոխությամբ (ԱԺ–ն ընդունել էր 2019 թվականի մարտի 6-ին) օրենքը տարածվում է այն անձանց վրա, որոնց 27 (պահեստազորի սպաները՝ 35) տարին լրացել է մինչև 2019 թվականի մարտի 1-ը, իսկ օրենքի գործողության ժամկետ է սահմանվել մինչև 2019 թվականի դեկտեմբերի 31-ը։

Արցախում 22–ամյա զինծառայող է վիրավորվել

Նկատի ունենալով, որ նշված օրենքի գործողության ժամկետ է սահմանվել մինչև 2019 թվականի դեկտեմբերի 31-ը, և այն երկարաձգելու մասին նոր օրենք չի ընդունվել, ուստի նշված ժամկետի լրանալուց հետո վերոնշյալ կարգն այլևս չի գործելու և սահմանված կարգի խախտմամբ պարտադիր զինվորական ծառայություն չանցած քաղաքացիները չեն կարող ազատվել քրեական պատասխանատվությունից։

Ըստ թեմայի

Նիկոլ Փաշինյանն ու Բակո Սահակյանը հանդիպել են Ստեփանակերտում
Զինծառայողի մահվան առնչությամբ ինքնասպանության հասցնելու հոդվածով հարուցվել է քրեական գործ
Կախված զինծառայողը շնորհակալագրեր էր ստացել լավ ծառայության համար. մանրամասներ
Զինծառայողը կախված է եղել ծառից. ՊՆ–ն որոշ մանրամասներ է հայտնում
թեգերը:
Բանակ, զինծառայող, Արցախ, Հայաստան

Գլխավոր թեմաներ