07:52 28 հունվարի 2020
Ուղիղ եթեր
  • USD478.87
  • GBP626.79
  • EUR528.43
  • RUB7.75
Հասարակություն
Ստանալ կարճ հղումը
30501

Տնտեսական մրցակցության պաշտպանության պետական հանձնաժողովը ստուգումներ է իրականացնում պարզելու համար, թե ինչու է բնական սեղմված գազը տարբեր գնով վաճառվում:

ԵՐԵՎԱՆ, 7 դեկտեմբերի — Sputnik. Վարորդների շրջանում նոր բունտ է հասունանում. նրանք վերջին օրերին իրենց մեքենաները բնական սեղմված գազով լիցքավորելիս պարզել են, որ սովորականից ավելի են վճարում: Այս մասին գրում է «Ժողովուրդ» օրաթերթը։

Վարորդներից մեկը թերթի հետ զրույցում վրդովված նկատել է, որ իր մեքենան ունի «1.3 բալոն», որը գազով լիցքավորելուց հետո արդեն երկու օր է՝ վճարում է 4300 կամ 4400 դրամ՝ նախկին 3600 դրամի դիմաց: Իսկ մեկ այլ վարորդ էլ նշել է, որ իր մեքենան գազով լիցքավորելիս երեկ վճարել է 6000-6300 դրամ։

Դժգոհող վարորդների համոզմամբ՝ ոչ թե սեղմված գազի գինն է բարձրացել, այլ գազալցակայաններն են սկսել խորամանկել. քիչ լցնում են, շատ գումար պահանջում:

Ըստ պարբերականի` ՏՄՊՊՀ-ն ստուգումներ է իրականացնում բնական սեղմված գազի շուկայում՝ պարզելու, թե ինչու է բնական սեղմված գազը տարբեր գնով վաճառվում:

Ի դեպ, շուկայի վերահսկողության տեսչական մարմինը շուտով գազալցակայաններում և բենզալցակայաններում ստուգումներ կիրականացնի՝ առանց տնտեսվարողին նախապես զգուշացնելու:

Հիշեցնենք, որ առաջիկա 3 տարիներին Հայաստանում տարեկան 3 տոկոսով ավելանալու է բենզինի, դիզվառելիքի և սեղմված բնական գազի ակցիզային հարկը: Կառավարության առաջարկած օրինագծով առաջարկվում էր 2020թ-ի հունվարի 1-ից սկսած ակցիզային հարկի դրույքաչափը բարձրացնել տարեկան 4 տոկոսով: ԱԺ տնտեսական հանձնաժողովում քննարկումներից ու առաջարկներից հետո, սակայն, բարձրացման չափը փոխարինվեց 3 տոկոսով:

Ինչպես հաշվել հունվարի 1-ից Հայաստան ներկրվող ավտոմեքենայի մաքսազերծման արժեքը. տեսանյութ

Ըստ թեմայի

Երևանի ծայրամասում սփռված է ավտոմեքենաների հսկայական գերեզմանոցը. ֆոտոշարք
Շների «կազմակերպված խումբը» գողանում է ավտոմեքենայի պետհամարանիշը. տեսանյութ
Ինչ պետք է իմանա իրավաբանական անձը ԵԱՏՄ անդամ չհանդիսացող երկրից ավտոմեքենա ներմուծելիս
Ռուսաստանում այլ երկրներում գրանցված ավտոմեքենաների տվյալների բազա կստեղծեն
թեգերը:
գազ, վարորդ, Հայաստան

Գլխավոր թեմաներ