15:37 25 մայիսի 2020
Ուղիղ եթեր
  • USD482.24
  • GBP587.08
  • EUR525.21
  • RUB6.71
Հասարակություն
Ստանալ կարճ հղումը
Սպիտակի երկրաշարժ. 1988թ. (46)
74 0 0

Սպիտակի, Գյումրու, Վանաձորի և Ստեփանավանի բնակիչների համար բնակարանի հատկացման համար դեռևս որևէ որոշում չկա։

ԵՐԵՎԱՆ, 7 դեկտեմբերի — Sputnik. Սպիտակում 1200 ընտանիք ապրում է տնակներում, այսինքն` Սպիտակի բնակչության 20 տոկոսն ապրում է տնակներում։ Այս մասին Սպիտակում լրագրողների հետ զրույցում ասաց Սպիտակի քաղաքապետ Գագիկ Սահակյանը։

«Այժմ քննարկվում են բոլոր հնարավոր միջոցները, որպեսզի կարողանանք անօթևանների խնդիրները լուծել։ Դեռևս վերջնական որոշման չենք հանգել, բայց կարծում եմ` մոտ ապագայում խնդիրը կլուծվի»,–ասաց քաղաքապետը։

Դիտարկմանը, թե կառավարությունը պատրաստվում է եկող տարի 3 մլրդ դրամ տրամադրել և լուծել երկրաշարժից տուժած ևս 226 ընտանիքի բնակարանների հարցը, Սահակյանն արձագանքեց, որ խոսքը գյուղական համայնքների բնակիչների մասին է։ Նա նշեց, որ քաղաքների` Սպիտակի, Գյումրու, Վանաձորի և Ստեփանավանի բնակիչների համար բնակարանի հատկացման համար դեռևս որևէ որոշում չկա. քաղաքների դեպքում խնդիրն ավելի մեծ է, քանի որ չափորոշիչներ էլ չկան, թե ովքեր կհամարվեն շահառու, ովքեր չեն լինի։

«Խնդիրն այն է, որ սեփական տուն կորցրածները խորհրդային տարիներին ռուբլիով փոխհատուցում են ստացել։ Հնարավոր է, որ մեր համայնքում սոցիալական բնակարաններ կառուցվեն ու դրանք տրամադրվեն անօթևաններին»,– իր խոսքն ամփոփեց Սահակյանը։

Հիշեցնենք, որ այսօր լրանում է Սպիտակի ավերիչ երկրաշարժի 31-րդ տարելիցը։ Ընդհանուր առմամբ, պետությունը լուծել է 4838 ընտանիքի բնակարանային խնդիրը:

Սպիտակի երկրաշարժից 31 տարի անց. ողբերգության շուրջ որոշ միֆերի և վարկածների մասին

թեմա:
Սպիտակի երկրաշարժ. 1988թ. (46)

Ըստ թեմայի

Զոհեր, ավերածություններ, կորուստներ. Սպիտակի երկրաշարժի մասշտաբները
Քայլեք Երևանով. մասնագետը վստահ է` Հայաստանն այսօր էլ պատրաստ չէ դիմակայել երկրաշարժին
Փլատակների վերածված քաղաքներ, անհույս մարդիկ. երկրաշարժը` լուսանկարներում
թեգերը:
Երկրաշարժ, Հայաստան

Գլխավոր թեմաներ