09:57 30 սեպտեմբերի 2020
Ուղիղ եթեր
  • USD487.62
  • GBP626.93
  • EUR570.03
  • RUB6.14
Հասարակություն
Ստանալ կարճ հղումը
76510

Իշխող կուսակցության պատգամավորը հայտարարել է, որ բանաձևն ընդունվել է Անկարային պատժելու նպատակով, սակայն պատմության հետ ոչ մի կապ չունի։

ԵՐԵՎԱՆ, 14 դեկտեմբերի – Sputnik. ԱՄՆ–ի Սենատի ընդունած բանաձևը կխանգարի հայ-թուրքական երկխոսությանը։ Այս մասին ասել է Թուրքիայի իշխող «Արդարություն և զարգացում» կուսակցության հայազգի պատգամավոր Մարգար Եսայանը։ 

Դեկտեմբերի 12–ին ԱՄՆ Սենատը միաձայն ընդունեց Հայոց ցեղասպանության ճանաչման բանաձևը։ Այն 4-րդ անգամ ներկայացրել էին սենատորներ Ռոբերտ Մենենդեսն ու Թեդ Քրուզը։

Նախագահի աշխատակազմի հասարակայնության հետ կապերի վարչության ղեկավար Ֆահրեթին Ալթունը հայտարարել է, որ բանաձևի ընդունումը սպառնում է Անկարայի և Վաշինգտոնի միջև երկկողմ հարաբերությունների զարգացմանը։

«Ցեղասպանության մասին բանաձևը, որը տասնամյակներ շարունակ չէր ընդունվում, այժմ հաստատվել է С-400–ի ու Սիրիայում ընթացող ռազմական գործողությունների համար Անկարային պատժելու նպատակով։ Դա պատմության կամ իրականության հետ ոչ մի ընդհանուր բան չունի։ Այս քայլը միայն խանգարում է երկխոսությանը։ Երևի հենց դա է ցանկալին։ Այնպես որ, վերքը միշտ արյունահոսելու է, իսկ արնախումների համար տոնակատարություն է սկսվում», – գրել է Եսայանը։

Նշենք, որ Եսայանն առաջին անգամ չէ, որ Թուրքիայի իշխանության շահերից բխող սկանդալային հայտարարություններ է անում ու հայերի վրդովմունքին արժանանում։

 Ավելի վաղ բանաձևը մեկնաբանել է Թուրքիայի ընդդիմադիր քրդամետ «Ժողովուրդների դեմոկրատական կուսակցության» հայ պատգամավոր Կարո Փայլանը։

ԱՄՆ դեսպանին Թուրքիայի ԱԳՆ են կանչել. պատճառը ցեղասպանության բանաձև՞ն է

Նրա խոսքով` միայն Թուրքիայի խորհրդարանը կարող է բուժել հայ ժողովրդի վերքը։

Նշենք, որ Հայոց ցեղասպանության մասին բանաձևը (S.Res.150) սահմանում է Հայոց ցեղասպանության ժխտողական քաղաքականությունից հրաժարում, ԱՄՆ–ի կառավարության անունից Ցեղասպանության ճանաչում և իրազեկում` ապագայում նման հանցագործությունները կանխելու նպատակով։

Հայերի վերքը կարող է ապաքինել միայն Թուրքիայի խորհրդարանը. Կարո Փայլան

Հիշեցնենք, որ Օսմանյան Թուրքիայում տեղի ունեցած հայերի ցեղասպանությունը 20-րդ դարի առաջին ցեղասպանությունն է։ Չնայած այդ փաստը ճանաչել են բազմաթիվ երկրներ, սակայն Թուրքիան՝ Օսմանյան կայսրության իրավահաջորդը, ավանդաբար հերքում է այդ իրողությունն ու դրան առնչվող մեղադրանքները։

Ըստ թեմայի

Ցեղասպանության մասին բանաձևը չի կարելի կապել թուրք–ամերիկյան խնդիրների հետ. Սիլաև
Անկարայի նյարդային արձագանքը. Թուրքիայից սպառնալիքներ են հնչում ԱՄՆ Սենատի հասցեին
Սենատորն արտասվել է Ցեղասպանության բանաձևի համար շնորհակալություն հայտնելիս. տեսանյութ
«Շնորհակալ եմ` նախնիներիս հիշատակը հարգելու համար». Սերժ Թանկյան
թեգերը:
Պատգամավոր, ԱՄՆ Կոնգրես, ԱՄՆ սենատ, ԱՄՆ, Հայոց ցեղասպանություն, Թուրքիա, Հայաստան

Գլխավոր թեմաներ